انقذني من انتقامي

بارت 6

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلََّسأّدَِّس،،،،،
،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،
تلك،،،،، طفولتي المشوه لم تكن
من صنع يدي بل كانت من
صنع البشر،،،،،
ولم اكن طفل ابد،،،بل كنت
كهل محملا بهموم فاقت تصور
عقل البشر،،،
وجروحهم القديمه،،،، تركت
ندوب عميقا
في الروح قبل الجسد،،
طفولتي لم اعشها مثل غيري
لاني كبرت قبل اواني،،،،وتحملت
مالم يتحمله احد،،،،،
،،،،،،،،،،،،،،،،،،،،،،،،،،
حميد بعد السمعه من الدكاتره ،،
عزل نفسه،،،،،،عنا
لحيته طولها،،،،وظل ملازم الجامع
وبليل اكثر المرات اسمعه،،،يبجي
بالديوانيه،،،،ويذكر الله ويصلي هوايه فرق چبير  بينه وبين ساجد
هو صار عابد،،،،،واخوه صار سكير
وابو نسوان،،،
وحقي جان ملتهي بروحه وترقيته الجديده،،،،والي عمي سوله
عزيمه جبيره من سمع بي،،،،ووكعت براسي اني وعلاهن،،،وسهى
من الصبح ذبحوا طليين ،،،،
وبالقطعه البصف البيت، ،،طبخنا
الغده. ،،،،
« ولج كوكه عقيل ديبجي،،،،
روحي رضعي،،،،
« اي سهى هسه،،،،كايمه عليه
عفت الشغل ورحت،،لابني،،،
اخذته من سعديه  الجانت حامل،،،
ورحت لغرفتي حتى انيمه،،،،،
كعدت على الجربايه،،،،،،،،
وكمت ارضعه واني العب بشعره الجنه
محابس واضحك اله،،،،
« يمه فدوه للما يشبع،،،وبس فاك
حلكه،،،،يكولون عليك اسمر واجلح
ومو حلو ولك من فدوه يروحلوك
كلهم،،،
عقيل وخر حلكه وضحك ،،،واني
بسته، ،،وضحكت اله
وكتله،،،،
« يمه فدوه اروحلك،،هسه انته
تطلع حنين عليه،،،مو مثل ذاك الجلب
الي لازك بجدته،،،ومايجي عليه
جنت احجي بضحك،،،وي ابني
الي غفى وره،،،لحظات،،،
شلته وخليته بكاروكه،،ورحت اكمل
شغل وي البنات،،،،،،،توني اريد
اطلع من باب الهول وسمعت
بنات بكدي ،،،، ونسوان بكد امي
واصغر كرايبهم جانن جايت ناس
من الريف،،،،،،وناس من المدينه
ووكفت من سمعتهن يحجن
« اكول نعيمه شفتي،،،مرت ساجد
الفصليه،،،
« اي رشا شفتها،،،وتعجبت عليها
حلوه وصغيره،،
«اي  والله انزول عليها حلوه،، ا بس شنوو فايده حلاتها
« ليييش،،،يولي
« ولج سمعت ،،،من ابو حازم
ساجد يشرب ويدور عليها نسوان
ببغداد،،،،
طلعت  عليهن واني مشتعله بنار
وردت احجي،،،بس مكدرت لان
يجوز يوصل لساجد الي راح
يستغل هذا الشي ويأذيني،،،
صارت بي اكثر من مره ،،،،واخذت
عبره بعد ماجاوب احد،،،،،،
لان مايفيد،،،،،الحجي وي هيج
ناس،،،،،،
رحت للبنات،،،،، واني كالبه وجهي،،،،،،،،،والدمعه
بعيوني،،،،
قهري جنت اكتمه بگلبي وبس
علاهن جنت احجي الها،،،،صندوق اسراري جانت واني هم جنت اسمعها
من تكعد تشكي همها
لان ابن عمها تغيرت تصرفاته
وكام مايجي ولا يسأل عليها،،،
كملنا الغده،،،،وصبينا للزلم،،،،
بالديوانيه والنسوان بالهول،،،،
لليل ظلينا نشيل ونحط،،،،،والبيت
مافرغ من الخطار،،،،
وعلاهن من شافتني بعد مااكدر
اعدل ظهري،،،كالت
« روحي لابنج يبجي،،،
« لااا هسه،،،
قطعت كلامي من خوزرتني،،،،
وافتهمت عليها،،،،،،،،عفت الشغل
علي كرايبهن ،،،،وعفت نفاقهن
ونظراتهم
المثل السم،،،،ورحت لغرفتي
اخذت هدوم
وطبيت للحمام،،جلفت روحي،،،
زين من وره ريحه اللحم
والزفره،،،الي ترست هدومي،،
كملت وطلعت،،،،
طبيت للغرفه،،،وكعدت
انشف بشعري
لحظات وطب ساجد،،،مبتسم
من شكله عرفته شارب،،،،،
كمت بوجهه من تقدم عليه،،،
وحجيت ويا،،،،
« تسبح،،،
« لاااا مو هسه،،،
جاوبني،،،وجرني علي،،،،
جانت ريحه العرگ،،،فايحه منه
وخلتني،،،احجي
« ساجد كافي تشرب،،،والله مو
زين عليك،،
رفع حواجبه وابتسم وجاوبني
« ولج هذا المزاج مالتي،، شلون
اعوفه،،،،مزاجي الشرب
وانتي ويا
حجه هيج وكام يتلمس جسمي
بقوه ،،،،ودنك علي ركبتي وكام يبوس
بيها ويشم بريحتي
« يولي،،،من احظنج واشمج اضيع
والمزاج يصير فوول،،،،
كلامه. وغزله وهو حاظني،،،جنت
اتمنى اسمع وياهن كلمه احبج
كوثر،،،،،،،بس هو ماكالها وجان ياخذ
الي يريده ويعوفني،،،،
اني الي جنت اروح لحظنه
وانام على صدره
واهمس احبك ساجد واموت عليك
حب عجيب غريب ،،وجان المفروض اكرهه ،،،،،،،،من وره اذيته وعدم
احترامه الي ،،،،بس احنا مالنا
حكم على القلب،،،،،
مجان الي سلطان علي،،،وجنت
ضعيفه كدامه ،،،، من وره
حبي اله 
،،،،،،،
وره اسبوع،،،
علاهن صابها ،،،،،،من القهر نصيب
من ابن عمها بعد ماعقد عليها،،،
طلكها،،،وماعرفنا بالاول لييش،،،
بس بعدين عرفنا،،،،،نفاق گرايبهم
هو الي خرب قسمتها ويا،،،،
وطلعت خالتها فرحه الي تجي
وتاكل وتشرب يمنا وعلاهن بنفسها
تخدمها واني وياها هي الي خربت قسمتها،،،عبن نافقت
عليها وكالت جبيره ويمكن بعد
مايصير عدها بزر ،،،،،
مشاكل صارت وناس تودي حجي
وناس تجيب حجي وزادت من اخذ
بنت خالتها فرحه،،،
«شدعي عليج فرحه ،،،،،،يبنت
امي وابويه ،،،يكون ماتتهنيين
بعيشتج،،،،،،، لا انتي ولا  بنتج
وعساها كسره قلب علاهن وحوبتها
تطلع بيج اليوم قبل باجر
جنت واكفه واسمع عمتي شلون
تدعي بحركه گلب،،،،،،،وعلاهن
كاعده ومدنكه راسها،،،،،،،،وتبجي
اني انقهرت عليها عبنها فقيره،،،،
هي وحميد عمرهم ماذوني،،،،
وحجيت بقلبي
« ياربي لييش هيج،،،،،،ليش
الطيبين مالهم نصيب بالدنيا،،،،
دموعي نزلت ورحت كعدت
يم علاهن وهي بس شافتني كعدت
يمها حظتني وكامت تبجي بصوت
قوي ،،،،،
« استغفر الله يارب ،،،من عساها
بحظهم وبختهم،،،كلمن كسرج
سهي حجت هيج واحنا. كلنا آمين ،،،،
وحقي من سمع بابن عمهم مايقبل
ينطيها حقوقها،،،،اجه من بغداد
وهد هو واخوته علي،،،وسمعنا
بي مكسري تكسير،،،،لابن عمهم،،
من رجعوا وكعدوا يحجون
بالهول بعصبيه
« انعل ابو لابو الجابه الناقص العار
صارله سنه يطب ويطلع،،،وتاليها
يطلكها،،،،،،،، لتسوه راسه وراس
الاخذها وفوكاها مايقبل ينطيها
حگها
« ايي يمه لان مهر اختك چثير
ويكسر ظهره اذا نطاه،،،
حقي جان،،،،،،،،، يحجي ويفتر
بالهول وساجد كاعد ويهز برجله ودشاشته ،،،،،،،،مشكوكه من
يم صدره ،،،،وحميد واكف
بالباب
« يابه ليش هديتوا علي،،،،شما
يكون هذا اخويه وابنه اذا ماراد
طبه طووب،،،،،،،،هو
الخسران
« حجي يرحم والديك اسكت
كله من وراك،،،انته الكلت انطوها
اله،،،ومن حجيت اني وكتلك
يابه هذا مو مال مره، ،،،
مارضيت ،،،وصممت تنطيها لابن
اخوك العار،،،،،
« ولك اوووف لو بس عايفيني
علي بالقران لاذبحه واسكنه
الكبور
ساجد كام وهو يصيح،، وحقي
جاوبه
« ساجد انته ماقصرت،،،كسرته
هو والوكف ويا،،،،،
« عارات،،،،كووايد،،هذوله
بيت اختج
هدوا ويا علينا،،، وذاك الترس
عدنان سحب سلاحه علينا
امهم ماجاوبت ساجد
شي وحقي جاوبه
« خلي يوكفلي وروح محمد هسه
لاروح للمركز اخلي قوه تطلع وتشيله
هوو وابن عمګ العار،،،،
وصدك حقي سواها وشالوهم كلهم
رغم هم الي هدوا بالاول،،،
وانحبسوا،، شهر وحقي ماتنزل
رغم اجوي علي،،،،عمامه وخواله،،
وابوه تدخل،،،وحجه ويا وماقبل
والا اخذ مهر علاهن الي جان بذاك
الوكت هوايه،،،،،ياله تنازل،،،
ومهر علاهن عمي خله عليه،،،
هو والولد وهي باعت ذهبها،،،،واشتروا الها بيت بمنطقتنا،،،وسجلوا باسمها
وكفه اخوه علاهن مو جديده رغم قسوتهم وياهن جانوا مايرضون احد
يظلمهن او يمسهن بكلمه،،،،
وحقي جان اكثرهم،،،،،،،،
وعلاهن كعدت وسكتت،،،،،والسنيين
مرت عليها وكلما تصير الها قسمه
تخرب بسبب او بدون سبب
وهي تقبلت وضعها بغصه،،،وجنت
اشوفها تكعد بالقطعه القريبه
على حوش الطرش،،،مال الابقار
تبجي وتندب حظها ،،،بحرگه گلب،،
وحركه القلب ماراحت رغم
السنين المرت لا بگلبها ولا بگلبي
لان وضعي ظل نفسه،،،،خدامه
وفصليه اسمي،،،،
،،،،،،،،
وره عقيل  بسنتين جبت
هديل،،،،،،،،ووراها باربع سنين
جبت مؤيد، ،،،
ولدي كبروا،،،،،وصاروا
بالمدرسه،،،وحقي صار
عنده وره زياد ،،،،،حسام ،،،وغسان
جانوا بزر دلال
ومحد يكدر يطخهم لو يمسهم بكلمه
يجون مدللين ويروحون مدللين،،،
وسنه وره سنه واحنا بحرب وي
ايران الي اخذت شباب مثل الورد
ساجد اخذوا بالجيش
هو وحميد،،،،ووياهم اخوتي
3 ،،،،،،ومتت وراهم وجنت اكول هسه اسمع بواحد منهم مات،،،،،،
وقلبي جان ينقبض من اسمع يمنا
جابوا شهيد،،،،،جنا نشوفه،،من يجيبوا
ملفوف بالعلم،،،،والناس تضرب اله
وجنت ادعي لساجد ولاخوتي
مايصير بيهم شي،،،،،،
وماخلصت الحرب الا
انترست المقابر
بشباب مثل الورد ،،،،وتونا اتنفسنا
وشمينا الهوه،،،،والحياه استقرت بينا
وكلنا هاهي راح نعيش مثل غيرنا
وحياتنا،،، راح تمشي بلا حرب ودمار،،،
بلا خطابات سياسيه،،،،وتحشيد
النفوس والارواح،،،،،،،بس
عبالك مكتوب علينا. ،،ما نرتاح،،،
واسم الحرب انكتبت،،،بحروف عميقه
بتراب العراق،،،،،،،،،جذورها تغلغلت
واستقرت جوه وبعد اي واحد
مايكدر ،،،،،،يقلعها،،
الا ربنا الرحيم،،،،
بيوم تفاجأنا،،،،من،،،
سمعنا من القناه
الاولى بتلفزيون العراق،،،
بشهر الثامن ،،،سنه 1990  العراق،،،
غزى الكويت،،،،،،
الدنيا انكلبت،،،،ودخلنا انذار
لان الدول حشدت جيوشها،،،
حتى تضرب بلدنا،،،،
اني ظل بالي على اهلي،،،،واخوتي
لان ظلوا ببغداد،،،وماطلعوا،،،
منها،،،حقي جاب سحر وولده،،،،
ووياها امها حجيه لطوفه،،،الي كعدت يمهم ابيتهم،،،،عبن
ابنها سافر للاردن هو واهله حتى يدرس،،،،،،،،هناك
« يمه حقي لاتروح،،وظل يمنا
اخاف يصير بيك شي
« كولي الله حجيه،،،،تريدين اني
انهزم واعوف الواجب،،،
« ولك يمه ذوله كفار وماقلبهم رحمه
وراح يهجمون بغداد فووك
راس اهلها
« مايكدرون يمه احنا زلم،،،،وراح
نوكف بوجههم،،،
« يابه حقي،،،،هاي امريكا وجتي
باسطولها ،،،،، وكعدت بالخليج
حتى ترجع الكويت ،،،وراح تقصف مواقعكم وشكو مكان حساس
« يابه لاتخاف عليه احنا اخلينا
مواقعنا كلها،،،،وكمنا ندوام بغير
مكان
« اووف يمه،،،هاي وين جانتلنا
نطلع من حرب طحنت ولدنا الما
خلصوا ونطب بحرب وي كفار بلا
اصل ومانعرف شوكت راح
تخلص،،،
والحرب بدت،،،،،وبغداد انهجمت
من القصف،،،،وساجد وحميد
اخذوهم احتياط،،،،،،ووياهم اخوتي
واخبار الكل انكطعت عنا،،،
وظلينا نسمع اخبار من الراديو،،
لان الكهرباء والمي انكطعت،،
« ولكم ولدي وين صاروا اسماعيل
ولدي راحوا،،،،ولكم مابين
خبر منهم
جنا كلنا نبجي وندعي
لولدنا الاخبارهم انكطعت عنا،،،،
ومن سمعنا الجيش الامريكي كام
يعدم بالجنود العراقيين الي انسحبوا
من الكويت،،،،
ايأسنا،،،منهم وكلنا
محد. بعد يرجع ،،،منهم
وصار عدنا عزه
بلا ميت،،،،،وعمتي كم مره
صعد السكر
عدها وتخربطت،،،،ودواها صار عزيز
بالسوگ وكمنا مانلكي،،،،
ايام صعبه،،،،،،،،،شفنا
ونفسيتنا تعبت،،،،،،،،،،،كلش
اني جنت اكعد بغرفتي،،،،وولدي يمي
وابجي على ساجد،،،،اني وعلاهن
« يمه ابويه بعد مايرجع،،،
محمد سالني،،، وعمته جاوبته
« لا يمه اسم الله علي هسه يرجعون كلهم ونفرح بشوفتهم،،،
غصيت بالبجي وعقيل الجان عمره
بذاك الوكت عشر سنين اجه
وحظني وكال
« يمه لاتبجين،،،هو مو ياذيج ليش
تبجين علي خلي يروح حتى
بعد مايضربج
صفنت عل ابني شلون حجه
وجاوبته
« عيب يمه لاتحجي هيج هذا ابوك
« اي عقيل عيب تحجي هيج
وحرام ،،،،،،تره الله مايرضى
عليك من تحجي هيج على ابوك
عقيل باوع لعمته وجاوبها
« والله هم مايرضى ابويه وجدي
وعم حقي ياذون امي ويغلطون
عليها
« ولك اسكت اني بيا حال وانته
كاعد تسولف هيج،،،،
عقيل ماعجبه صحت بي،،،وكام
من يمنا وطلع وعلاهن حجت
« ولج كوثر شفتي شلون يحجي
ذبيت حسره من گلبي ومسحت
دموعي وجاوبتها
« اي علاهن ولدي كبروا وكاموا،،
يفتهمون،،،
« لا عيني،،،ولدج كلهم فقره بس
عقيل لسان ووكح،،،
سكتت،،،،، والايام والسنيين
ثبتت هذا الشي
وطلع عقيل اضرب من عمه حقي
وراضي بالعصبيه،،،،والقسوه
ولدنا رجعوا بعد ايام،،،،،،،حميد
بالاول،،،،وبعدين،،،ساجد
الي روحي فرفحت علي،،،
كلنا حظنا واحنا فاقدين،،،علي
بس عقيل وكف بعيد،،،،ويباوع علي
بنظرات مال واحد جبير ومو بعمره
نظرات كلها تركيز وبيها حقد
« عقيل تعال سلم على ابوك،،،
حجيت من شفته عازل روحه،، 
وبرودته وي ابوه جانت عكس
استقباله
لحميد،،،الي حظنه اول ماشافه
وكام يبوس بي،،،،
رابط. قوي جان بين حميد وعقيل
وابني جان يسمع لعمه
ومايسمع لاحد ثاني،،،،وحميد
جان يحبه ويموت علي،،،،وطلع
علي لقب عقيل السبع، ،،،،،،لان
جان مايخاف احد
ويشتغل ويا بالكاع،،،ويطلع ويا
للعلوه،،،رغم صغر سنه ابني
جان صاحب
جسم طويل وضخم مثل ابوه
وجان مايضحك ابد،،،وعاكد حاجبه
على طول وضحكته جنت اشوفها
وي حميد بس،،،،،
عصبيه عقيل،،،،جانت اكبر مخاوفي
لان شفت بي اخويه راضي،،،
شفت بي تهوره،،،وقسوته والخبال
الي يخليهم يتصرفون تصرف،،
مو مسؤول،،،،،،
وكبر واني خايفه منه وجنت
اوصي حميد ،،،،،،علي من ياخذه
ويا للعلوه
وبيوم،،،من جانوا بالكاع صارت
مشكله
وي ولد عمهم الي طلگ علاهن
والي كاعهم بصف كاع عمي،،،،
جانا بالكاع نحصد،،،،والولد يحملون،،
ساجد جان ببغداد، ،،وبس حميد
ويانا،،وعقيل ومحمد،،، الي جان
مايشتغل،،،
وكاضيها يفتر هنا وهنا،،،،
بذاك الوكت محمد جان عمره 16
وعقيل14،،،
« اوكف ولك ابن الشروكيه والله
اليوم الا نذبحك،،،
سمعنا صياح وغلط وفشار،،وشفنا
محمد جاي يركض علينا،،،
ووراه ابن عم ساجد،،،وولده،،اثنيين
توني اريد احجي ومااشوف
الا عقيل ركض عليهم وهو شايل
الكرگ ويفشر،،،عليهم
وعلى عرضهم،،،
« ولك عقيل،،،،اووكف
صحت وركضت وره ابني اني
وحميد
الي هم هد عليهم،،،،وشفت
ابني ضرب الي غلط علي
بالكرگ على جتفه وذاك وكع بالكاع،،،،،ومن لزمه ابن عم حميد
نفضه وضربه بالكرك
على راسه
« يبوووو ولك عقيل
صحت وجتفته من شفته فقد
وكمت اعيط وابجي،،،،وذوله هدوا
علي وعلي،،،وهو دفعني،،،
وهو يصيح،،
« ولكم كوااايد تروسيه شوفوا  ابن الشروكيه شراح يسوي بيكم اليوم
حجه هيج ولزم واحد من جرني
من ربطتي وخنكه
« ولك عوفه راح يموت،،،
دخيل الحكوني،،،،،،،
تخبلت وكمت الطم،،،واصيح
ومااشوف الا
جم واحد اجوي من غير كاع
وصاروا حاجوز،،،،بينا وبين ولد عمهم
عقيل لزمته اني ووياي اثنين
وهو بعده
يهد ويريد يكتل الي غلط عليه
والي شالوا مدمه وفاقد،،،،،
« ولك كافي راح تروح للسجن لو ياخذون اختك
فقدت وكمت الطم ومأساتي شفتها
رجعت چدامي،،،،بس بنتي مكان،،،
حميد اخذنا بسرعه ورجعنا للبيت
وهناك افتهمنا من محمد،،،،،هم هدوا
علي لان طب كاعهم،،،،
« ولك. بس هذا السبب ،،
« اي والله عمو حميد ،،،،
اني بس طبيت كاعهم هم هدوا علي وكاموا يغلطون عليه على امي
وعليكم
عقيل فز من مكانه،،،،وراح يريد
يهد مره ثانيه وحميد لزمه هو وساجد
الي جان راجع من بغداد
« بالقران اليوم اذبحهم منوو همه
حتى يحجون على امي،،،هاااا
« الزم ابنك ساجد لايسويلنا بلوه
وي بيت اخويه
« والله من انعل اخوك لابو اليوكف وياهم،،،،،،
عقيل جاوب جده وساجد لطمه
على حلكه،،،،وعقيل تخبل
ووخر منه وهو يصيح
« لاتضربني الي، ،،اذا بيك خير روح
للي،،،، حجه على امي روح اضرب
ولد عمك العارات،،،الجابو سيره
عرضك،،،
ساجد تخبل وهد على عقيل
وحميد لزمه،،،واني ويا
«حميد وخر خلي اربي لهذا الكلب
طالعه عينه وصاير يجاوبني
ويجاوب جده
« ساجد كااافي ابنك حقه،،
لو سامعهم شلون حجوا على
ام محمد وعلينا جان انته ذبحتهم
موو هو
« ساجد بروح اخوك لاتاذي هم الي اعتدوا علينا وغلطوا عليه،،،
توسلت بي من شفته فقد،،
ويريد يكتل عقيل،،،الي وكف
بعين ابوه وماوخر،،،،
« ولك اطلع،،،،لاتظل واكف
چدامه
صوتي ضاع لان
الحجي يصيح وويا الحجيه
وساجد يغلط ويفشر على ابنه
من جهه وعلى ولد
عمه من جهه ثانيه واني عيوني
على ابني،،،،الي جان يباوع بنظرات
كلها حقد وتحدي لابوه،،،،
وماطلع الا كال وبعالي الصوت
« بالقرآن،،،وداعه امي وغلاتها،،،
الي بعد يحجي عليها ويكول
شروكيه وفصليه الا اذبحه وابليكم،،،،،
سمعتوني،،،،،
صاح هيج،،،،،،،،وضرب باب
الهول بقوه
« اطلع انعل ابوك لا بو ذاك المخول
الخره ،،
ساجد حجه هيج ودفعني من
وكفت بوجهه، ،،،
« خابر اخوك خلي يجي هذوله راح يشتكون،،عليكم مادام ماذيهم
وصدك ثاني يوم اجتي دوريه،،،
تريد تلقي القبض علي حميد ومحمد وعقيل ،،،،واخذوهم
اني تخبلت،،، وشكيت ثوبي،،،
وساجد خابر حقي،،،،وهو اجه
بسرعه،،،من بغداد،،،،
وراح. عليهم للمركز،،،،
،،،،،،،
جنت كاعد يم الضابط اني
وعمي حميد واخوي ،،،،،
الي ديحقق وي عمي
الباب اندك،،،،،وراسن طب عمي
حقي
هيبه جانت الدوله
بذاك الوگت،،
وجانت الهويه تقره وتحترم،،،،،،،،
وعمي حقي من طب بزي ورتبته،،،
خله الكل يوكف احترما اله،،،
وبس طلع الهويه،،،،مالته الضابط
ارتبك،،،،وكله
« تفضل سيدي،،،
«  هذا اخويه وولد اخويه 
واريدهم يطلعون هسه
« سيدي انته تعرف الاجرائات ولازم
الي اشتكى يتنازل، ،يله يطلعون
هيبه عمي وقوته شفتها بعيوني
من رفع حواجبه،،،،وجاوب الضابط
بثقه
« راح يتنازلون،،،،انته بس وقع
الامر ومعليك، ،
الضابط توتر ووقع من شاف عمي
يحجي بثقه،،،وطلعنا كلنا
وعمي وكف يم المركز وكال
« حميد احجيلي منو الاعتدى،،،
انتو لو همه
عم حميد حجه الصار لعمي حقي،،،
الي تغير وجهه وباوع علي،،،،
وكال
« هم هيج حجوا،،،،
« اي حقي،،،وهي ماتسوه ولد فات لكاعهم شصار يعني، ،حتى يغلطون
ويفشرون ويهدون علي وعلينا
« وانتو سكتوا
« لاااا ماقصرنا كسرناهم تكسر،،
وعقيل صكطهم بالكرگ،،،
نظره اعجاب وفخر شفتها
بعيون عمي،،،،
بس ،،،،،،،ماشفعتله اهانته لامي،،،
ولا تعامله الكله غرور وياها،،،،
درت وجهي منه،،،،وهو كمل
« خلي نرجع للبيت،،،،وحساب بيت
عمك ثكل ويانا،،،،،وراح يشوفون
شراح اسوي بيهم،،،
وصدگ،،،،عمي حقي وابويه
وعمي حميد
لموا عمامهم،،،وولدهم وسوه
كعده يم
شيخهم،،،الي يعرف عمي حقي
ويعزه ويحترمه،،،،وفصلهم بفلوس
لان غلطوا على عرضنا وهدوا
علينا،،،،
هيبه جنت اريدها وادورها،،،
وقوه حلمت بيها،،،،،،من صغري،،
قررت اصير مثله،،،لان شفته
عنده ظهر
ومسنود بناس كبار،،،،
وحلمي عفته وره كم سنه لان
ابويه
قرر ياخذ تماضر الي تطلكت من
رجلها
لان ماصار عدها بزر،،،،
وهذا الشي عرفنا
من اجه  وره العشه،،،وكال
« يابه اني راح اخطب تماضر،،،
« منوو
جدي صاح بي،،،وامي جمدت بمكانها
واني كمت لحيلي،،
« تماضر بنت خالي محمود يابه
« وشسوي بيها اكعد واسكت عندك
مره وجهال،،،،
« يابه اني حجيت وي خالي وكال
تعال كبع واخذ
« وي وي انته مكمل الشغله وجاي
هسه تريد تاخذ اذني،،،،ولك مو هو
نفسه  رفضك قبل چم سنه،،،
وكلك ماعندي مره الك،،،،
ابويه ماجاوب جدي،،،،وامي حجت
« ساجد شنوو تاخذ تماضر ولييش
اني مقصره وياك بشي
« معليج انتي كوثر امشي اخذي
ولدج وروحي، ،،للغرفه
« مااروح وتماضر ماتاخذها،،،
« مو بكيفج ولا بكيف احد،،،
اني قريت فاتحتها وي خالي،،،
والخميس الجاي اخذها،،،،
عيون امي من  صفنت علي بجمود
شفت بيها خذلان وذل وقهر بين
بوجهها ودموعها،،،،وكامت
تصيح بهستريا
« ليييش ولك بس فهمني،،،شسويت
اني الك اشو شايلتك بالصلاوت،،،،
ومامخليه شي ناقصك،،،تحملت
ضيمك وضربك وشربك تحملت
اهانتك
الي،،،،،طول هاي السنيين احترمتك
ومابعتك رغم اذيتك الي
« غصبا ماعليج،،،،تتحملين نسيتي
انتي شنووو انتي فصليه. ولج
اخذناج
حتى نكسر خشم اهلج بيج
كلمته،،،،،، ذبحت امي،،،،الي
صاحت بي
« تخسى والله لان ماكدرت تذل
اهلي لا انته ولا غيرك،،،
حجت هيج وهو هجم عليها
وضربها راجدي وهي صاحت بي
« روح اخذها للي باعتك برخص
رووووح لحبيبه الگلب
يارخيص
ابويه تخبل من سمعها ،،وكام يضرب
بيها راجديات وكفخات،،،،،
هديل ومؤيد وهاله،،،،،ختلوا يم جدتي
الي كامت تصيح علي،،،وجدي
كام علي وهو يصيح
«كافي ولكم فضحتونا يوميه
هوسه ومشكله،،،
دفعت ابويه بقوه،،،،منها ووكفت
بوجهه من هد،،،،مره ثانيه
عليها ،،،،
« عوفهاااا،،،،،
صحت بي،،،واني ارجف من اعصابي
وهو،،،، جرني وراد يوخرني منها
دفعته مره ثانيه،،،،بقوه اكبر
وصحت بي
« بالقران،،  اگتلك بكاعك اذا مديت
ايدك عليها
« ولك،،،، المن تذبح ابن القندره
دتعال ،،،،،
ابويه جرني علي،،،،،وكام يضرب
بي وامي كامت تعيط،،،،،
اني جنت اي احترام لابويه،،،
ماعندي لان جان ياذينا،،،،ويضربنا
لاتفه الاسباب،،،،وجان ماعنده
اي مسؤليه ،،،،،،،تجاهنا وكل وقته
كاضي شرب ونسوان،،،،،،
من ضربني،،،،تلازمت ويا،،،وكمت
اصيح علي،،،،وبذيج اللحظه
طب عمي حميد ومحمد اخويه،،،
وكدروا يجرون ابويه مني،،،،
وخر
وهو يغلط ويفشر علي،،،
وعلى امي ،،،،،وكام يعيرها شلون
اجتي،،،
« لاتغلط سااااااجد،،،،،،على
امي تره ادفنك هنا
صحت باسمه وتقدمت علي،،،،
وجدي صاح بيه
«لك عقيل تهد على ابوك من وره امك
ولك صدك لو كالوا العرگ دساس
ويجرك خالك الكتل وليدي،،،
« عقيل اخذ امك وروح. منا
بذيج الساعه عقل ماظل براسي، ،،،
وتقدمت بعد اكثر وعمي لزمني،،،،
اشرت بايدي لابويه وكمت اهدد
بي،،،،
« وغلاتها هي،،،،اذا مديت ايدك
عليها بعد الا اكتلك،،،بالقران اذبحك
واطب سجن،،،،،وخلي يكولون
ابن الشروكيه ذبح ابوه،،،،
جنت اصيح واحجي وامي وعمي
يجرون بي،،،،
وابويه لازمه اخويه وجدي وجدتي
الي كامت تتوسل بي يعوفني
نفضت امي وعمي ووطلعت
من البيت
كله واني احجي حجي اكبر من
عمري
،،،،،،
وابويه اخذ تماضر،،،،وعمي حقي
هو ،،،،،،الي وكف وي ابويه وشجعه
ياخذها،،،،وعمي حميد مارضى
وتحاجه وي ابويه واخوه ،،،
بس ماكدر الهم لان،،،ابويه
جان مصمم
يزوجها،،،،،وعمي حقي بنفسه
هو وجدتي خطبوها ،،،،لابويه
الي تزوجها. وكعدها
بيت عمه علاهن،،،،،،،
وظل هناك،،،،ملازمها للخاتون،،،،
وعاف امي بحسرتها وقهرها،،،،
دموعها وقهرها بينوا بيها،،،،وضعفت
كلش وكام ضغطها يصعد
فرق بينها وبين عمه سحر
وعمه سهى
الي جانن مدللات،،،يم عمامي
احترام،،،،،وعز ودلال جانت امي،،،،
فاقدته من ابويه،،،
جنت اشوف عمه سحر من تجي
واقارنها بامي،،،،وحتى احنا،،،
جنا نختلف عن ولدها،،،
لان، ،،،،،، بشرتنا سوده ومحروكه
من وره الشغل بكاع جدي
والرعي بحلاله العصر ،،،،،،،
وولد عمي
حقي جانوا ولد عز ودلال
واحنا جنا
ولد الفصليه،،،وذلها جان ذلنا
احنا هم،،،،،،،
يِّتّبِعٌ