انقذني من انتقامي

بارت 18

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّمَنِ عٌشٍر
،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد ماايدي تأذت
مارجعت للبيت عقيل
وظليت يم اهلي،،
غسان ثاني يوم من زواجه،،
طلع للشمال،،،،، هو وهاله،،،
وراح يظلون هناك،،،،شهر
ورغم الصار بينا رغم برودي
ورفضي
اله وكلامي القاسي ويا
عقيل ماعافني،،،،،وظل يروح
ويجي عليه،،،،
وظل بيوم اجازته ومن ينزل
يجي عليه كبل
يشوفني ويخلي فلوس يمي
ويروح،،،
تصرفاته واهتمامه بيه رغم
اذيتي،،،،،،، اله خلوني من اكعد
وحدي
بغرفتي ،،،افكر بي وبكلامه،،
مرات  الكلام من تسمعه مايكفي
وادكوم،،،،، تريد اهتمام يسند
هذا الكلام،،،واني شفت
منه اهتمام وكلام شفت
هوايه اشياء
خلتني
اتأكد عقيل يحبني حب جبير
بس تصرفاته وياي هي الي دتضيع
هذا الحب ومو بس هوو اني هم
ماانطيته فرصه وجنت
هجوميه ويا،،، 
حالي تخربط،،وكمت مااعرف
شلون انصرف
وشنو الي اريده
اني جنت ابين كلشي
طبيعي بيني وبينه كدام اهلي
وهو هم،،،،،،حتى محد يشك
بينا ،،،،،،،،،،،هديل
اجتي بس سمعت بيه هي ومؤيد
بس عمه كوثر وشهد ومحمد
مااجوي
ولا شفتهم امي ظل على خاطرها
وحجت بس بابا سكتها وكال
الها
« ام زياد اليجي هلا بيه واليروح
الله ويا ،،،،،،،،لاتظلين تحجين
بهايه السوالف،،،،،،، چدام بنتج
تره مامن وراها غير هجمان
البيوت ،،،،
امي سكتت واني. الي جنت
اريد اطب يمهم رجعت ليوره
ورحت للغرفتي
وره اسبوع
نزلت  الصبح  ،،،،،وصبحت
على،،،،، عمه علاهن الضلت يمنا
ومارجعت لبيت عمو حميد
« صباح الخير  عمه
« هلا يمه دلالي،،،صباح النور
سمعتها واجه هو كدامي
« هههه حلو اسم  دلالي،،،،
«هههه  اي ام زياد هذا عقيل يكوله
لدلال،،مو يولي
سكتت من صارت عيونهن
عليه،،،،،وامي كالت
« اكعدي اتريكي حتى تشربين
دواج،،،
كعدت يم عمتي الي سألتني
للمره الثالثه
من باوعت لايدي المضمده
« ادري يايمه شنوو ماشاف ايدج
من سد الباب
هزيت راسي بلا،، وجاوبتها
« لا عمه،،،ماشافني ،،،
سكت وتذكرت كلامه وضحكه وي
صديقه وكملت بضوجه
« جان مستعجل ويريد يروح
عبن عنده شغله
وي صديقه ،،،
«والله يعلاهن لو شايفه ايدها
شلون انمردت جان خربتي
بكاعج
امي سكت وخلت جاي كدام
عمتي واني حليب بجاي
وكملت
« اني مادري شلون ظليت
واكفه وتحملت،،،المنظر
« ماتوا اهلنا اذا صدگ،،،ولج
مو زين ما انكصن اصابيعج
« اسكتي علاهن ربج قدر
ولطف ،،،،
« ونعم بالله،،،،
يحجن واني صافنه،،،على
ايدي،،،،، وفجأه الباب اندك
« خلي اروح اشوف منو ديدك
الباب
امي راحت،،،،وسمعت وره دقائق
صوتها وهي ادكول
« فووت عقيل،،،،
من طب وره امي
ايدي راحت لاراديا،،، لشعري
الجان مهوس ومو لامته
طبيت وره عمه سحر،،،وبس
شفت دلال وشعرها صفنت
عليها وطولت،،،
جانت طالعه حلوه كلش،،،
لعابه عبالك ببياضها وشعرها
الاشكر
وعيونها التلمع مثل الخرزه
رغم اسلوبها الجاف
وياي،،،،، رغم كرها الي
مكدرت ابادلها،،،،،،،،بنفس
احساسها ومشاعرها،،،،،
عكست كلمتها من كالت
« اليكره عمره مايحب،،،
وصارت
« اليحب عمره مايكره،،،
جمله كررتها بگلبي، ،،
واني ميأس من حبها،،،
مأيس يجي يوم،،،،وتحظني
وتهمس بكلمه احبك عقيل
« شبيك يمه، ،،وكفت
مثل الصنم
ماتسلم لو من شاف دلاله نسه
عمته
انتبهت لعمتي من حجت وغمزت
لعمه سحر
ابتسمت
ورحت بستها من راسها وعيوني
علي دلال الي دنكت راسها
« شلونج عمه،،
« الحمد لله يمه اني بخير
مادام انته بخير،،
وخرت وهي كالت
« تعال اكعد يم مريتك،،،اكيد
هسه مشتاگ الها،،،،وگلبك مفلفل
عليها
عقيل تغير وجهه وباوع عليه
وجاوبها
«هسه بس،،،، اطبب الغراض
البره
طلع واجه وره دقائق وهو
شايل علاليك كومه
« هاي شنو عقيل ليش مكلف
نفسك،،،الخير هوايه ،،
واحنا مو مقصرين وي دلال
بشي
« الله يزيده عمه،،، بس دلال مرتي
واني مااريد ينقصها شي
كلمه مرتي خربطت وضعي وخلتني
اصفن علي
رغم اني  بس بالاسم مرته،،
هو ماقصر بشي،،،،وجان كلما يجي
يجيب ،،،،،ويا اشكال والوان
وحتى فلوس يخلي يمي
ويطلع
شفته شال علاكه.،،وجابها
وخلاها يمي وكال وعيونه
بعيوني
«  هاي الج موالح وحلويات
بلعت ريگي،،، ونزلت عيوني
وجاوبته
« تسلم
وخر مني ومن راد يكعد عمتي
سوتله،،،،، مكان يمي،،،
كعد ومن جسمي طخ بجسمها
وخرت شويه
« شلون امك والولد
« الحمد لله زينين،،،،
« مد ايدك عقيل واتريك ويانا
باوعت للبيض ومن شفته ناشف
حجيت بدون شعور
« ماما عقيل مايكل
البيض ناشف،،،،،سوي ني
سكتت من شفته اندار عليه،،
وماما ضحكت
« يمه فدوه للمنتبه لرجلها
ومايفوتها شي
سكتت وخدودي صارت
حمر دم
وهو ذب حسره ودار وجهه
« عمه لاتكلفين نفسج،،،
هذا خير من الله،،،،
« لا عيني خلي اسويلك، ،
البيضه مالتك لاتروح دلالك تزعل
علينا
« بيضتين عمه،،،
عقيل حجاها بضحك،،وامي
جاوبته هم بضحك
« ادلل بعد عمتك
رغم توتري حسيت
الكعده حلوه،،،
وريحه الجگاير وي ريحه جسمه
ودفو حسيت بي،،رغم جان
بعيد عني شويه
جان احساسي بيهن بدون خوف،،
بدون ماهو يفرض نفسه عليه
احساس خلاني احس
برجولته،،،،،الطاغيه
باوعت علي بطرف عيوني،،
وبذيج الساعه انتبهت لايده،،،
من كام ياكل،،،
جان رافع ردن قميصه ليفوگ
وشفت جروح بيهن،،،
اثار شغله شفتهن ندوب،،
تارسات ايده،،،،
واظافيره ،،،،جانت صح مقلمه
بس سود ،،،،من وره الشغل
مال الورشه
وبي حاله هو كاعد او واكف
يفتح ايده
ويعدل ظهره ويفتح صدره،،،،،
« اكلي دلال حتى تشربين
الدوه مالتج ،،،
انتبهت لامي،، وهو انطاني
صمونه
اخذتها منه ومن ردت اقصها
نصين
ماكدرت
هو اخذها وسوالي جبن ومربى
وانطنايها،،،
اخذتها منه وكمت اكل وامي
كالت بضحك
« بله،،،، شفت واحد يخبط
الجبن وي المربى وياكله،،،
« ايي اني هم هيج اكله
« خلي اسكت احسنلي
انته هم  طلعت مثلها
« بس تره طيب،،،جربي
« لا يمعود مااكدر اكله،،،اكلو
انتو بالعافيه
صارت لحظه سكوت وبعدين
عمتي حجت ويا
« اليوم اجيت من الدوام ،،،
« اي عمه،،،توني نزلت وبس اكمل
اروح
للبيتنا ابدل واروح للورشه الولد
محتاجيني هناك
« يايمه ارتاح شويه الليل كاعد
وبالنهار تشتغل
« لاتخافين عليه عمه تره
اني سبع
« يول اني ادري بيك سبع،،
بس اخاف عليك من التعب
عمتي سكتت وبعدين حجت
وياي
« يولي دلال ماتحجين ويا
خلي يرتاح شنوو يكضي عمره
رگض برگض ،،،
سكتت وهو كام،،،،وكال
« دايمه عمه،،،
« بالعافيه،،،بعد عمتك،،
بس انته مااكلت شي،،
« ههه يمعوده اكلت اكثر منجن
انتن ال3،،،،
« بالعافيه يمه الزلم تاكل على
كده افعالها
هو ابتسم،،،ومد ايده بجيبه
وطلع فلوس وخلها يمي
« عندي فلوس مامحتاجه،،
ماحجه شي،،،وياي
وسلم وطلع،،،وامي اشرت الي
كومي وراه
« عوفي ماما هو يروح ،،،
« ولج كوومي وراه
طلعت وراه،،،،وهو اندار وكال
بعصبيه هو يباوع ليفوك
« طبي جوه وبعد لاتطلعين
هيج،،،
وكفت بمكاني،،،وهو اشر بايده
« طبي،،
عفته ومشيت،،،وبكلبي كمت
احجي
على امي الي خلتني
اطلع وراه
،،،،،،
بيت اهلي كمت اسمع
كلام
من عمه
علاهن على عمو ساجد
وشلون عمه تماضر عافته،،،
وطلبت الطلاگ، ،،،
« ولج عيني ام زياد صاير
ماينحمل،،،،مشاكله زادت،،،
وحميد تعب منه،،،،ومن الديانه
الي كامت تجي لبابنا وتريد
فلوسها
« ليش مشروعه
السواه هم  خسر
« اي خيه،،،خسر كوومه فلوس
وهسه حاير منين يجيبهن
حميد انطاه بس ماكفن عبن
تعرفين،،،هو
فلوسه كلهن سحبهن من عقيل
من راد يشتري الكاع مال ابويه
ومن راح لسوريا،،،،
ووده سهى،،،
« اي. والله صدگ،،،
« اني ردت ابيعله بيتي الي
اشتر الي عقيل هنا  بس حميد
ماقبل وكال اشوف عقيل بلكي
ينطيني،،،واسده
جنت اسمع واسم عقيل
يتردد يمي،،،وماكدرت الا اسال
عمتي الي حجت
الي شلون عقيل اداين منها ومن
عم حميد وسوه هذا المال كله
بتعبه
فكيت عيوني،،،من سمعت كلامها
وتفاجأت ،،،وحجيت وي ماما
« زين شلون لعد بابا جان يكول
علي حواسم وباگ من صار
السقوط
« لا يمه شنوو باك هاي ابوج
عباله هو هيج سوه ،،
من شافه صار عنده فلوس
والصوج صوجنا،، اني
وعمج حميد
الي ماحجينا وكلنا احنا انطينا
الفلوس الي اشتغل بيهن
« زين ليييش ماحجيتو
« ماكلنا لان جان چم واحد
يريدون يداينون منه واحنا
كلنا خاف يزعلون من يسمعونه
منطيهن لعقيل
سكت وباوعت لامي الهزت براسها
باي
« وبابا عرف
« اي عرف قبل كم سنه،،
سكتت وعرفت،،،ليش بابا بعد
مكال على عقيل حرامي،،
وظل بس يلوم بي لان يشرب
ويدور نسوان،،،
بذاك اليوم صار عندي فضول،،
وكمت اسال بعمتي وهي حجت
الي شلون،،امه عاشت وي عمي
ساجد
وشسوه بيها وبيهم،، 
وشلون عقيل اشتغل من هو
صغير،، حتى يصرف عليهم
ومايحتاجون،،،احد،،،
امور هوايه عرفتها عنه
هزت كياني،،،وخلتني اسال
بروحي بضياع
«معقوله اني جنت ظالمته،،،
وهو مو مثل مااشوفه
هزيت راسي بلااااا وجاوبتها
« لااا صح هو طلع مو حرامي
بس هو  بعده يشرب اييي ويدور
نسوان هم
سكتت وهناك بداخل نفسي
انزرعت بذره خلتني اكمل
بتردد
« ايي بس هوو يكدر يعوفهن
ويتغير اذا،،
كمت ،،،،،ومشيت بدون وعي
وطلعت للحديقه،،،،وكملت
وي نفسي
« شنوووو دلال اذا،،،
غمضت عيوني بقوه،،،،وتذكرته
من كال
«خلصيني دلال وساعديني
وخليني انسه العشته والشفته
فكيت عيوني بقوه،،،،،وردد
« اذا اني سويت الي يريده
اذا اني حبيته
سمعتها منه اكثر من مره
وماهزتني
ولا شعررت بشي،،،
بس اني من كلتها،،،،،مااعرف
ليش
گلبي كام يدگ بسرعه
ولا عرفت ليش خفت ارجع
ويا،،،،
واليوم اجه،،،وايدي طابت
ورجعت ويا،،، واني احسه واحد
غريب عني وعبالك اول
مره اشوفه
والكلام السمعته،،،من
عمه علاهن مافارگ عقلي
وخلاني اعيش بدوامه
من طبيت للبيت تفاجأت بي
مهوس ووصخ،،،،،والمواعين
مكومه
على السنك،،،
عمه كوثر جانت مريضه،،ونايمه
بالفراش،،،وشهد عايفتها
ورايحه
لبيت اهلها لان اخوها جان ديجهز
لعرسه
بديت اشتغل وانظف
وعقيل وياي
هو ومؤيد الي طكها بهولهوله
من شافني
« عابت شلون انطاج گلبج
تعوفينا هلگد مادكولين ذوله
شصار بيهم هسه
« هههه لازم محد سوالك نركيله
ولا دللوك
« لا يمعوده حشاج لبسوني
ومحد دار الي بال وروحي شوفي
هدومي ،،،،مهوس وقمصاني
كلها، ،وصخه ومو مكويه
« هسه بس اكمل تنظيف،،،
اغسلهن وي هدوم عقيل
واكويهن الك واله
مؤيد ضحك وضربني بالشقه
« فدوه تروحلج شهد ام الوصخ
« مؤؤؤيد
شفته شسوه وماتحملت،،،يلزمها
صحت بي وخوزرته وهو حجه
بضحك وي دلال
« شوفي شلون يباوع عليه،،
بداعه عمي مو عبالك واحد مفخخ
وراح يطك علينا
ابتسمت لمؤيد واشرت يمسح
الكاع زين،،،
« امرج خاتون،،،
حجاها بضحك،،،واني رحت
للمطبخ وبديت اجلف بالمواعين
على كيفي لان ايدي بعدها مو تمام
بالشغل
« عوفي المواعين اني اجلفهن
وروحي لغرفتنا رتبيها،،،،
« لا هسه اكملهن مابقي شي،
بس انته ذب مزيل دهن على الطباخ
واجلفه زين،،،
هزيت راسي باي،،،
واخذت المزيل منها،،،من طلعته
الكاونتر
ورشيت الطباخ،،،ومن ردت اجلفه
كالت
« لااا. مو هسه
عوفه كم دقيقه،،،حتى
يبدي مفعوله
حجت هيج ومسحت ايدها،،،،
وراحت
عيوني تتبعتها،،وحجيت
وي روحي
« كلما ابتعد عنج يصير شي
يخليني ارجع الج ولنفس
النقطه
حجي هيج
وذبيت حسره،،طلعت باكيت الجكاير
وورثت. وحده واني صافن
بجمود على الطباخ
،،،،،
صعدت للغرفتي ورحت لباب
البلكون اريد افتحه. تفاجأت
باب سيم علي وعرفت
عقيل سواه
من وره البزون صفنت علي
للحظه  وكلت
« زين سوه حتى البزون بعد
ماتطب
حجيت هيج وبديت اعزل
بالغرفه
شلت الفرشه،،،،وذبيتها بالغساله
هي والخاوليات والمنشفه،،
مالت عقيل،،،،
ورجعت نظفتها،،،،،
من كملت
باوعت عليها شلون طلعت نظيفه
وريحتها تخبل،،،ومااعرف ليش
صارت بگلبي غصه لان بعد
سنه راح اعوفها
حسيت بروحي خلال شهرين
تعلمت
كلش عليها وتعلقت بهدؤها وجوها
المريح
« كملتي،،،
انداريت لعقيل،،،من طب
وسكتت من شفته بالفانيله التعلاكه
والشورت،،،،
منظره جان كلش حلو ولون
الفانيله الحمره وي الشورت الاسود
جان بارز سماره الطووخ،،،
وهو شكله جان مرتاح ويباوع
بنظرات مو مفهومه،،،،
درت وجهي،،،وجاوبته
« اي كملت ،،،،
سكتت ورحت للكنتور طلعت هدوم وحجيت ويا واني اتهرب
بعيوني منه
«شتريدون عشه
« لاتسوين شي،،،،دزيت على كباب
ومقبلات بس اذا تكدرين
سوي شوربه لامي ،،،
« اي هسه بس اسبح انزل اسويلها
الي تريده
حجيت هيج وانهزمت من تأثيره
وحظوره الي سيطر
على الجوو،،،،
،،،،،
طبت للحمام واني ظليت اباوع
للباب،،،ورحت للبلكون
طلعت وسديت الباب وراي
وكعدت،،،،، هناك وظليت
اباوع للسما،،،
سمعتها وره دقائق طلعت
من الحمام
وباوعت ليوره واني كاعده
بمكاني
من خلال البرده التور
شفتها
راحت قفلت الباب مال الغرفه
ورجعت للكنتور ،،،اخذت دشاشه
ونزعت دشاشتها
الي لابستها،،،،
جمدت بمكاني،،،من شفت
جسمها وبياضه
ونفسي قطعته،،،وظليت
اباوع لتقاسيمه
واتحسر،،،،،،،
دلال حبي الوحيد
وجنت اريدها بجنون
اريد احس
بملمس بشرتها على بشرتي
جنت اريد ابوسها واحس بذاك
الاحساس الي داحلم
بي يوميه،،،،
بس احساسي جان حلم
والحلم بعيد يتحقق مادام هي
رافضتني
كمت بتعب من طلعت وسندت
راسي على الجامه وكمت اضرب
بي
حالي جان حال المخبل
احجي وي روحي،،،واضرب براسي
بالجامه،،
وخرت ومسحت وجهي بايدي
وفتحت الباب وطبيت،،،
واني مو اني، ،،
،،،،،،
نزلت جوه ورحت طلعت عدس
وشوربه جاهزه،،،ثرمت بصل
وحمسته ووراه خليت
الفطر والكرفس
والطماطه،،،سويت
كميه تكفي الكل لان كلت خاف الولد
ياكلون منها
عفتها علي النار ورحت طلعت خبز
وحميته بالفرن،،،
وسويت لبن بي نعناع وليمون
لان الكل يحبه،،،
كملت وره نص ساعه من استوت
الشوربه
وجهزت الصينيه وصحت مؤيد
يشيلها
« دلال امي ادكول مااكدر
اكل وياكم سويلي وحد
« ايي مؤيد هسه اسويلها
جهزت صينيه لعمه كوثر ووديتها
الها
طبيت وخليتها عل الطبله
وكتلها
« عمه شلونج هسه،،،
« الحمد لله زينه
من جاوبتني باسلوب جاف
مادرت بال وسالتها
« محتاجه شي قبل لاروح
« لا مامحتاجه،،،
عفتها ورحت للصاله
« يله وينج يمعوده
مو متت جووع
وعقيل مايقبل امد ايدي
الا تجين
« يول انته ماتكدر تسكت،،
عقيل حجه ومؤيد لعب
بحواجبه الي
سكتت من شفته كاعد بهدومه
الما نزعها ورحت كعدت بينه
وبين مؤيد ،،،
جان ساكت،،،وشكله ماادري
شبي
« هاج يولي جيبتلج جبس
وي الكباب،،،عع
مؤيد سكت وكمل وهو يباوع
بضحك لعقيل
« عافيات
« تسلم مؤيد،،،
من شلت كبابه هو خله طاسه
الطرشي يمي
ابتسمت رغم عني وغمستها
بي ،،،،،،وخليتها بالخبزه ورشيت
عليها ملح،،،وخليت بس ريحان
وطماطه وكمت اكل بيها
« يابه شنوو الموضوع دترسمين
لوحه ولج اكلي خايبه
هاي اني ثالث لفه وانتي
بعدج بالاولى،،،
« ههه هو اني فاهيه بالاكل
« اي والله بس بالشغل ،،،فريره
« اي كلها ادكول هيج،،
« الحمد لله
عقيل كال هيج وكام،،،
« هذا مو اكلك ابو سمره
مجاوب اخوه وطلع بره،،،،انتبهت
علي وضعه مو نفس
من اجيت
« ايدج شلونها،،،
« الحمد لله احسن،،،
مديت ايدي اله وهو ضحك
وكال
« صارت ،،،،مثل ايد عقيل
كلها جروح،،،
سكتت وهو كمل
« الشوربه تخبل عليج الله
انتي بعد سويها لاتخلين امي
تسويها بعد لان مالتها مو طيبه
« اسكت  لاتسمعك،،،
« كوكه خانم مصطوره
من وره الضغط
وهسه تلكيها لفت راسها ونامت
« الله يشفيها
حجيت هيج وهو كام وكال
« كملي براحتج وصيحيني اشيل
الصينيه لاتشيلها انتي خاف
ايدج ماتساعدج
هزيت راسي باي،،،،
وظليت اكل ،،،،،،وافكر بعقيل
شبي
قبل لااكمل هو طب واني كمت
« كملي عشاج
« كملت الحمد لله
حجيت هيج ومديت ايدي للصينيه
وهو كال
« عوفيها اني اشيلها
عفتها وهو اجه وشالها وودها للمطبخ
وكال
« سويلنا جاي
« ايي هسه،،،
جاوبته وهو ظل افتر يمي
شويه وحسيت بي عنده حجي
بس هو صفن عليه للحظه وبعدين
طلع،،،
،،،،،،
يِّتّبِعٌ