انقذني من انتقامي

بارت 24

‎#أّنِقِذّيِّنِيِّ_مَنِ_أّنِتّقِأّمَيِّ
‎#بِقِلَمَ أّوِتّأّر حٌزِّيِّنِهِ
‎#أّلَجِزِّء أّلَرأّبِعٌ وِأّلَعٌشٍروِنِ
،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
‎عقيل صاح،،من شاف
الهوسه
‎« كااافي،،،،
‎الكل سكت،،،، من شافوا وسمعوا
صيحته ڪــڔٰا̍ڕ
وهو تقدم والوجهه
احمر دم
ودمارت كصته وركبته ظاهرات
من شكله عرفنا هوو سمع كلشي
وصدگ رأسن حجه وي شهد
وهو جاز على سنونه
‎« ولللج انتي شلون
تحجين وي خواتي هيجي
هاااا  ،،،،،وشلون ادكولين
البيت بيت ثريا،،،،وتعيرين هديل
بضربه محمد اله
‎« هي البدت،،،،مو اني
واسال ثريا
‎« عقيل تره شهد ماا
‎« ااااش انتي سدي حلكج
ولاتحجين
ولا كلمه حسابج بعدين
‎« عقيل يمه ماكو شي
هاي سوالف نسوان وماتخلص
روح لغرفتك وارتاح
‎« جاهل اني يمه كدامج طرطور
حتى تضحكين عليه بهل الكلام
وادزيني لغرفتي،،،
‎« عقيل،،،،شبيك اا
‎« ااااااش ولللج،،،
‎ثريا حجت واني
صحت وضربت  القنفه برجلي
وكملت
‎« ولللجن صارلي ساعه اسمع
الحجي مالتجن وماشاء
الله ماخليتن
بشر ما نافقتن علي،،،وماكفاجن
وانداريتن على هاله وكمت ادورن
سوالف جايفه مثلجن،،،
‎« عقيل يمه عيب هذا الحجي
‎« يمممممه
‎صحت بخبال ووجهت كلامي الها
‎« بالقران ،،،،،الي بعد اسمعه
يجيب ،،،،،،،طاري دلال او
يحجي وي خواتي هيج الا
اهججه من البيت ،،بليله
سوده
‎سكتت وباوعت لشهد ولثريا
وكملت
‎« ركزن عليه انتن الاثنين ولاخر
مره راح احجيها،،،،البيت هذا بيتي
وبيت هديل وهاله وانتي واختج
الخطار بي مو هنا ڪــڔٰا̍ڕ
اليعجبه اهلا وسهلا والمايعجبه
الباب يفووت جمل
‎« يمه تعوذ من الشيطان،،،،،واهدأ
والي تريده يصير،،،
‎امي حجت هيج واشرت لثريا
وكالت
‎« امشي صبي غده لرجلج
‎« مااااريد زقنبوت ،،،
هو اليشوف هيج شكول يشتهي
ياكل بعد
‎عقيل حجه هيج وعافهن وصعد
لغرفته،،،،وهاله اخذت بنتها
وصعدت وراه
وكفت يم باب غرفتي
وكمت اضرب
براسي بي واهذي باسمها
‎« اااخ دلال اااخ منج،،،
بعدني اتخبل من اسمع
واحد يحجي عليج،،،
ولج بعدها النار تكب بي
من اسمع طاري اسمج
‎« عقيل،،،،
‎سمعت صوت هاله وشفتها
وراي،،
‎سمعته شديحجي، ،،،ومن
صحته واندار شفت عيوونه
مغوركه ڪــڔٰا̍ڕ
ووجهه مطعون من القهر
دموعي نزلت ووجعني گلبي علي
وهو دار وجهه وفتح الباب وطب
طبيت وراه ورحت حظنته
وكمت ابجي
رفعت راسي ليفوك وحجيت
بقهر وتعب
‎« هاله تعبت،،،الدنيا ظلمتني
چثير وداست عليه
تعبت واريد ارتاح،،،،وعبالي
من اخذت دلال راح
ارتاح،،،بس
‎سكتت وذبيت حسره من گلبي
حرگتني حرگ
وخلتني اكمل بصوت
مخنوك،،،
‎«بس هي طلعت اضرب
من الدنيا وكلامها وافعالها جانت
توجع وتخليني اتصرف
تصرفات اني كارهه
‎هاله وخرت مني وهي تمسح
بدموعها
واني كملت واني صافن
بجمود
‎«واني هم اذيتها ،،،،،بس
مجنت
متقصد الاذيه وافعالي كلها
سويتها
لان ردتها تحبني ردت تحس بيه
وبحبي الها،،،،
‎« عقيل دلال تحبك والله وداعتك
انته تغيرت،،،وبس تبجي وتهذي
باسمك،،،ولو تشوفها ماتعرفها
من وره الضعف الضعفته من وره
فراكگ،،،،
‎ابتسمت بالم،،،،،ووخرت من يم
اختي ورحت كعدت
على الكرسي،،،
‎« عقيل بداعه عمو حميد
اسمعها انطيها فرصه ثانيه،،،
ولاتتسرع بزوجك من ثريا
‎« بعد مايفيد الحجي هاله
لان السوته خلت نفسي بعد
ماتريدها ،،،
‎هاله سكتت واني تمددت بفراشي
وغمضت عيوني،،،
،،،،،
‎جنت انتظر هاله ترجع بلهفه
حتى ،،،،،تنطيني الي
ردته منها،،،
‎من اجتي المغرب نزلت بسرعه
ووكفت من اشرت
الي اصعدي
صعدت وهي،،،سلمت علي اهلي
وخلت شيرين يم امي وابويه
وبيبي واجتي وراي ڪــڔٰا̍ڕ
صعدت كدامها،،،وطبيت للغرفتي
وهي وراي طبت وسدت الباب
جانت مو على بعضها
ومبين باجيه،،،،
‎فتحت الجنطه وطلعت قميص
عقيل مال الدوام،،،وانطت الي
وكالت
‎« دلال مااريد احد يعرف
اني جبتلج قميص عقيل تره
يسوها سالفه براسنا
‎هزيت راسي باي،،،،
ومديت ايدي واخذته منها
خجلت اشمه كدامها وهي كعدت
على الجربايه حسيتها مخنوكه
وتريد تحجي ،،،،بس من كامت
تبجي بصوت قوي
تفاجأت
وكعدت يمها وسالتها
بقلق
‎« هاله شبيج صاير شي
‎« ولج دلال شسويتي،،،
كم ،،،،،مره كتلج انتبهي لعقيل
اسمعي،،،افتحي گلبج اله ولاتخلي
يروح من ايدج،،،،،،
‎سكتت ولميت قميصه بحظني
بقوه وهي كملت
‎« هاي الردتيه يولي ،،،يعوفج
ويروح ياخذ ثريا،،،الي وكفت
اختها
اليوم وكالت 
وبعين صلفه البيت بيتها
وعقيل رجلها،،وااني وهديل
خطار ومالنا كلمه بي،،،
‎هاله ظلت تحجي واني اسمعها
ومن كالت عقيل اجه وانهد
بيهن لان حجن عليه وعليهن
ابتسمت والدموع بعيوني
وجاوبتها
‎« عقيل ما نساني اخوج بعده
يحبني ،،،
‎« اي يحبج بس جرحج اله
مديخلي ينسه،،،العاشه وياج
مديكدر ينساه،،، دلال
انتي رفضتي
حبه اكثر من مره ورحتي
من وراه اخذتي مانع حتى
مايصير
عدج طفل يربطج بي للابد
سكتت واني ابجي واشهك
وهي كملت بقهر
‎« بعد مايفيد لا حجي ولا بجي
لان انتهى كلشي واخويه
هم انتهى،،،لان وكع بوحده الله
اليستر منها
‎،،،،،،
صار عندي امل من سمعت
هاله كالت عقيل، ،،دافع عنج
من جابن سيرتج،،،امل خلاني
بليل اخابره من جهاز
بيبي ،،،،
‎دكيت الما فصل،،،،رجعت دكيت
مره ثانيه وهم دك الما فصل
توترت وكمت افتر بالغرفه
واني لازمه الجهاز بأيدي
وكمت اهذي
‎« جاوب عقيل جاوبني الله
يخليك
‎حجيت هيج ودكيت علي مره
ثانيه،،،
‎دكه ودكتين وفتح الخط
وكال
‎« الو ابو صهيب،،،
حجه هيج وكام يحجي،،
‎« مؤيد اخذ الوصل من الحجي
قبل لايطلع ،،،
جنت اسمعه وگلبي يدك بسرعه
ومن رجع وكال
‎« اسف ابو صهيب
جانت اكو شغله بأيدي ،،،
‎سكتت وهو حجه
‎« الو ابو صهيب،،
‎ثواني،،،،وحجه بصوت مخنوك
‎« منوو وياي
‎«اني دلال ،،،،
‎جاوبته وسمعته تنهد بصوت
قوي وكال
‎« نعم شتريدين،،،
‎عضيت شفتي،،،من سمعت نبره
صوته واسلوبه الجاف
وجاوبته بتوسل
‎« عقيل عفيه لاتحجي هيج
وياي،،،واسمعني بهدؤ الله
يخليك
‎كعدت بتعب وغمضت عيوني
وجاوبتها بكلمه
‎« احجي ،،
‎كلماته القليله واسلوبه الجاف
خلوني اتردد،،،واضيع الكلام
الجنت
محظرته حتى اكوله اله،،،
‎« عقيل انسه الشفته مني
وخلينا نبدي صفحه جديده
خليني اني اعوضك عن كلشي
شفته مني ،،،اني تغيرت عقيل
وبديت احبك،،،
‎سكتت وغصيت بالبجي وطلعت
الي بگلبي بدون خجل او تردد
‎«والله وداعتك انته
الليل ماادكدر انامه من شووگي
الك محتاجه حظنك عقيل وحنيتك
محتاجتك انته تلمني بحظنك
حتى ارتاح
سكتت لان مكدرت اكمل وهو
جاوبني باستهزاء
‎« نفس احساسي وكلماتي
من جنت اجيج تعبان واريد
حظنج وانتي ترفضيني،،،
‎سكتت وكملت
‎«ايييه يادنيا
دار الوكت يبنت عمي،،وصرتي
انتي بمكاني
‎شهكت بصوت قوي من سمعته
هيج حجه وكمت اردد
‎« اسفه عقيل والله مجنت افتهم
جنت غبيه وثوله،،،،ومجنت احس
بيك ولا بحبك،،
‎لزمت جهازي بقوه وصفنت
بجمود وجاوبتها بقسوه
‎« بعد مايفيد الحجي لان اني
طلكتج وراح اتزوج
عن قريب
‎تخبلت وصحت واني ارجف
‎« طلاكي باطل لان انته
كلته بحاله
عصبيه وثريا تگدر تعوفها،،
لان انته مادخلت عليها
‎سكتت وجاوبتها وبگلبي نيه
احرگها واذلها مثل ماذلتني
‎« ومنو كلج اني مااخذتها
لثريا
‎فكيت عيوني وانهاريت بالكاع
وهو كمل
‎« ثريا صارت مرتي،،،،وشفت منها
الي ماشفته منج،،،شفت
نار،،،،،، ياثلج
‎هزيت راسي بلاااا وجاوبته
‎« جذب انته دتحجي هيج
حتى تحرك دمي،،،
‎سكتت واخذت نفس لان
اختنكت وكملت كوه
وبتوسل
‎«عقيل انته
تحبني الي ومستحيل
تحب غيري،،،ثريا نزوه
مثل غيرها
وهسه ترجع الي بس تمل
منها
جزيت على سنوني وكمت بفزه
وصحت بيها واني مو داير بال
للولد الي بالمعرض
‎« ولللج انعل ابو الحبج،،،انعل
ابو غرورج لابو الساعه
السوده الشفتج بيها 
ولج انتي اشايفه
نفسج،،،،هاااا
‎صحت ومؤيد اجه بسرعه
هو ورسول
ومن رادو ياخذون الجهاز
مني دفعتهم
وطلعت بره واني اصيح
‎« منووو انتي حتى مااكدر انساج
او انسه حبج هاااا منو
انتي دلال
‎صحت بي واني ابجي
واشهك
‎« اني الي جنت تعوف حظن
الدنيا كلها وتجي تنام
بحظنها
‎سكتت من سمعت كلامها
وجاوبتها
والوجع بگلبي بس الله
يدري بي
‎« وحظنها مالمني ،،،،
ولا حسيت بالراحه بي 
وهسه اجه الوكت حتى اشوف
حظن ثاني حتى ارتاح وانتي
هم. حتى ترتاحين ،،،،من
حظني
‎سكتت وصوتي علا
بالشهكات وجاوبته واني اريده
واريد كلشي بي
‎« راضيه بحظنك حتى لو جان
شوگ ويأذيني
‎حجيت هيج وسمعت صاح
‎« ااااااااخ يابه
‎وراها سمعت طراخ،،،وفصل
الجهاز
عرفته ضرب جهازه وكسره،،،،
‎،،،،
بعد السمعته منه،،،مات الامل
بداخلي وزادت حالتي
سؤ وكمت اتخربط من قله
الاكل،،،،،شهرين بيت اهلي
وسمعنا بجده ثريا ام امها توفت
وعقيل اجل زواجهم فتره،،
‎اني بعد ماخابرته، ،،،لان
السمعته
خلاني انسحب منه،،واعيش
ويا باحلامي بس
وبيوم سمعت بي سافر للاردن
وي استاذ كريم،،،،وراح يظل هناك
شهر وسمعت من هاله
ثريا كامت تسوي مشاكل ويا
لان ديأجل زواجهم
‎بدخلي ابتسمت بوجع،،،وحجيت
وي نفسي
‎«  هي بقت على الزفه
دخلي،،،،،، يزفوهم ويفضوها
اشو،،،،، هو ماخذها ومن زمان
وهي
اربعه وعشرين ساعه يمهم
‎هذا الموضوع ماحجيته لاحد
لان بعد مايهمني، ،،،،وهم مامن وراه
غير بس الفضايح والمشاكل
بنص الشهر الثالث انتبهت
لنبض بطني الي جانت كبرانه،،
رغم اني ضعفت،،،كلش
حجيت لامي وهاله
امي حجت بفرح
‎«ولج خاف حامل،،،
‎« يالله
‎هاله صاحت بفرح،،،
سكتت واني مصدومه
ولزمت بطني
وتمنيت صدگ كلامهن بس
جنت متأكده مو حمل وجاوبتهن
‎« لااا،،،،مو حامل لان
الشهريه دتجيني كل شهر
‎امي سكتت وهاله بين عليها خيبه
الامل
‎« ماما شنو هذا النبض الي داحسه
يدك بطني
‎« اليوم اوديج للدكتوره واشوف
شنوو هذا
‎« عمه والله هذا  نبض طفل
‎« هاله شلون طفل وهي الشهريه
دتجيها كل شهر
‎« ماادري عمه بس اني اكول حمل
لان اكو نبض وبطنها كبرانه،،،
‎«الله يسمع من حلكج،،،ياهاله
ونذر عليه،،،،اذا طلع كلامج
صدگ الا اخذها واروح،،،
للكاظم فدوه لاسمه اصلي هناك
واذب القاسمه الله بشباجه
‎العصر اجه ورحنا اني وامي
وهاله،،،جنت متوتره بس
ماعندي امل،،،،،،،لان شفت
مستحيل
يصير عندي حمل واني الشهريه
دتجيني بموعدها
طبينا بعد مااجانا السره،،،
وبعد ماامي حجت الها عن حالتي
طلبت تفحصني،،،
صعدت على السديه،،،،وهي
بدت بفحص بطني بأيدها،،،،،
‎وماحجت شي
اني جنت متابعه علامات وجهها
بلهفه وخوف،،،ومن سوت سونار
ضحكت وكالت
‎« حجيه بنتج حامل وبتوم
‎« يمه اللهم صلي على محمد
وآل محمد
‎امي صاحت وكامت تبجي،،،
وهاله اجتي ووكفت يمي ،،،
وباوعت للشاشه بلهفه وفرح
والدكتوره كملت
‎« شوفي ماما انتي مكمله الثالث
يعني طبيتي بالرابع
‎« زين شلون تصير
حامل دكتوره هي الشهريه
دتجيها كل شهر
‎امي سالتها وهي جاوبتها
بضحكك
‎« عادي حجيه هواي اكو هيج
حالات،،،، مثلها حامل وتغسل
كل شهر
‎« هاااا والله اني اول مره اسمع
بهيج شي
‎« وهسه سمعتي حجيه
وصارت عندج معلومه ،،،،غريبه
‎حجت هيج وسكتت وظلت تباوع
للشاشه ،،،
‎« اكو وياهم كيس ماديبين
شنو بي ،،،
‎« يعني شنو دكتوره
‎« هي واكعه لو احد ضاربها ،،،
‎« اي دكتوره هي وكعت قبل
كم شهر خوما يخوف
‎« لا حجيه ماكو اي خوف
يجوز نزف وتوقف،،،وهو ينزل
بالولاده،،، حجت هيج
وكملت وياي
‎« كومي ماما كملنا
‎كمت وبس باوعت لهاله نزلت
دموعي وهي وياي،،،،
‎« حجيه راح اكتب الها على تحليل
فقر الدم لان وجهها اصفر
كلش،،،
‎« اي عيني اكتبي وهسه نسوي
ونجيبه الج
‎طلعت وي امي وهاله واني احس
بجسمي يرجف وروحي
طايره من الفرح
‎« فدواتك ربي فرحتها لبنتي
وكسرت خشومهن للكالن عليها
ماتخلف وعاقر
‎امي جانت تمشي وتحجي
وي نفسها من فرحتها
‎وسويت التحليل،،،،وطلعت نسبه
دمي نازله هوايه والدكتوره
حجت بقلق،،،وي امي
‎« حجيه اني راح اكتبلها ابر
ومقويات
واريدها تاكل كرفس زبيب
معلاك مشويه هو والطحال
‎دمها قليل كلش ولازم تصعد نسبته
لان مو زين عليها وعلى
الاطفال،، واخاف اذا ظلت
هيج تحتاج دم
‎امي خافت. وسكتت وهاله
جاوبتها
‎« ايي دكتوره اكتبي
‎اخذنه الوصفه،، وامي
من فرحتها اخذتنا
للكاظم گبل
اول ماطبيت لحظرته بجيت
وطلعت كل الي بگلبي
‎امي عافتني يم هاله وراحت
صلت جوه وذبت نذرها،،،،
جنت اتمنى هو وياي،،،ومو
هذا حالنا
‎جنت اتمنى اشوف رده فعله
من يسمع اني حامل وبتوم،،،
فرحه جنت اتمنى اشوفها
بعيونه ووجهه ،،،والفرحه
ماشفتها
لان الصار جنت عكس مااتمنى
،،،،،،،،،،
بليل
كملنا شغلنا بالمعرض،،وسدينا
ورجعت للبيت اني ومؤيد
وصلنا وطبينا للبيت
وسلمت على امي من شفتها
بالصاله
‎« الله يساعدج يمه
كعدت يمها،،،اريد اريح شويه
وهي كالعاده فتحت موضوع
زواجي
‎« يمه عجل بزواجك من ثريا تره
الحجي كثر وخالك
كام يحجي
‎« مو هسه يمه تعبان وعندي
التزام بالدوام ومااكدر
اخذ اجازه
‎« هسه شكو مستعجلين
دخلوا يشوف دربه ،،،،للولد
‎مؤيد حجه وامه جاوبته
بعصبيه
‎« انته معليك،،،ولاتتدخل بشي
ميخصك
‎« اي مو حجت ام العروس ولازم تضوجين هههه بس لااااا
انتي دهن
دبس وي امها للعروس
‎مؤيد حجه وهو يضحك ويمسح
على ايده
‎« خرب اصلك شكد صاير
غثيث
‎« وشبي اصلي عيني دوله وعلم
مو احسن من بنات اخوج
الكلهن عاهات،،،
‎« كوووم ولك من وجهي راح
يصعد ضغطي من وراك
‎امه صاحت وعقيل اشرله كووم
‎مؤيد كام وهو يغني
‎« عاهاتك ياوطن دمروا احلامنا
وضيعووا شبابنا،،،ااااه واااه
يادنيا اخذيهم وخلصينا
منهم
‎« شفته لاخوك،،،
‎جنت ساكت،،،مثل كل مره
وهي ظلت تحجي واني اسمع من
اذن واطلع من الخ
‎الجرس سمعته دك وصوت الباب
انفتح وسمعت صوت ركض
بالكراج،،،،، عرفتهم ولد هديل
وصدگ طبت،،،،،،، هي ورسول
واجتي گبل عليه حظنتني
وبوستني وهي
تبجي،،،وتضحك بنفس
الوقت
‎« شبيج هديل،،،صاير شي
‎كمت لحيلي من شفت وضعها
وباوعت لرسول الي سلم
‎« السلام عليكم،،،،
‎« وعليكم السلام،،،
‎جاوبته وباوعت لهديل،،،الي
حجت رأسن
‎«عقيل دلال طلعت حامل
‎فكيت عيوني واني متفاجأ
من سمعت كلام هديل
والي كملت
‎« هاله خابرتني وكالت دلال
حامل من 3شهور
‎ماانتظرت اختي تكمل وطلعت
بسرعه
واني جازه على سنوني
وافتح واسد بايدي من عصبيتي
ركبت سيارتي وشحطتها
وطلعت بيها لبيت  عمي،،،
واني اصيح واضرب
بالستيرن
‎« هم جذبتي عليه ولج هم
كذبتي وضميتي عليه،،، ،،شي
يخصني
‎سكتت وكملت واني امرد بالستيرن
بقوه وكملت بحقد
‎« بس العتب مو عليج العتب
على ابوج،،،، الكوواد العتب
على اخوتج الي ماحجوا،،،
‎وصلت ونزلت بسرعه وطبيت
رأسن بدون ماادك الباب
وصحت
‎« دلال ولللج دلال
‎امها طلعت ووراها اختي،،،
‎« شبيك عقيل تصيح وشلون
تفوت علينا هيج
‎« وينها دلال وين بنتج،،،
‎صحت باعصاب ترجف،،،
وسكتت
من شفتها اجتي
صفنت عليها جانت مو هي
ضعفانه كلش،،،وعيونها طابت
ليجوه من الضعف
عيوني افترت عليها،،،
وراحت لبطنها،،،وشفتها
جانت ظاهره، ،،،ومبين عليها الحمل
تقدمت خطوه ووكفت
من هاله لزمتني
‎« ااااانتي حامل موو
‎تقدمت خطوه واني اردد اسم
اشتاگيت لصاحبه اشتاگيت
لكلشي،بيه
‎هزيت راسي باي وهو تقدم
بسرعه واجه عليه ولزمني
من زندي
‎وجرني علي وحجه ووجهه متغير
من الغضب
‎« ولج انتي شنوو من بشر
3اشهر حامل ،،واني ماادري
ضامته دلال،،،،ضميتوا عليه
ليييش،،،،
‎جان يصيح بقهر ويهز بيه
واني
ساكته وصافنه علي
رغم ايده اذتني ماحجيت شي
وظليت اباوع عليه واملي عيوني
بوجهه مافارك لا احلامي ولا
يقظتي
‎« عقيييل
صوت ابويه فززني،،،،وشفته طب
هو وغسان وحسام،،،،،
الي صاح من شاف الوضع
‎« شكووو شبيك
ولييش جاي لبيتنا
‎ردت اوخر بس هو لزم ايدي بقوه
خلتني الزمه ايده واحجي
‎« ايدي عووف ايدي دتوجعني
‎اخويه من شافه ماعافني اجه
بسرعه،،،ودفعه وبلحظه حسام
وعقيل تلازموا ،،،وواحد
كام يضرب بالخ،،،،،،
‎« عقيل كااافي، ،حسام عوفه
‎كمت اعيط وامي وهاله وياي
ومافكوهم،،،الا بالكوه والا اجه
رسول ومؤيد وعقيل اول
ماجروا ،،،كام يصيح
عليه
‎« وللج دلال اني اعلمج،،،
حامل وماتحجين،،،،ولج لييش،
شمسويلج اني
‎« عقيل كااافي واسمعنا
رسول صاح ولزمه بقوه
وغسان طلع للباب حجه
وي كم واحد تجمعوا علينا
ومن راحو سده. واجه
وكفي م ابويه الي حجه 
ودفع حسام من هد مرت الخ
وهو يغلط على عقيل
‎« كااافي ،،،،ولك تصيح وتهد
وخلينا،،،،،،،، نفتهم شكوو
هاد علينا استاذ عقيل بهل
الليل،،،،،
‎ابويه حجه هيج واندار على عقيل
ووكف وخله ايده. وره
ظهره وكمل
‎« اااحجي يابه شعندك يمي،،
بنتي وطلكتها بعد شكو جاي
هاد عليها،،،،وعلينا
‎« عم حقي بنتك حامل صارلها
3 شهور وانته ماكلفت نفسك
ودكيت عليه وبلغتني
اني عندي ولد يمكم
‎«  عقيل محد يدري ،،احنا
اليوم يله عرفنا،،،
‎هاله صاحت وهي تبجي
واني صرخت بيها
‎« اااانجبي ولج ولاتجذبين
مثلهم،،،،
‎« عقيل احترم نفسك انته
بيتنا
‎غسان حجه وحسام هد مره ثانيه
وابوه لزمه هو وغسان
‎وعقيل لزمه رسول ومؤيد
وطلعوا بي لللشارع
ركبوا بالقوه واخذوا،،،،من يم بيت
اهلي ،،
‎« تعالي فهميني، ،،،شنو دلال
حامل وشلون صارلها 3شهور
واحنا ماندري
ابويه صاح بامي من طب
هو واخوتي،،،،
‎وهي كعدت وحجت السمعته من الدكتوره
‎« وهذا منين سمع هي حامل
وانتو قبل شويه اجيتو من
الدكتوره
‎«عمو اني خابرت هديل وبشرتها
والظاهر هي،،،،،، كالت اله بس
والله مجان قصدي اسببلكم
مشكله ويا،،،
‎غسان خوزر هديل الي سكتت
وعمها حجه من شاف نظرات
ابنه الها
‎« هاله معليها ولاتباوع عليها هيج
هو اول وتالي راح يعرف
منها ولا من غيرها ماكو فرق
‎« يابه يجي ،،،،،يسال بادب مو
يهد على نسوان،،،،،وفوكاها
يتهجم عليه ويضربني
‎« مصار شي ابني انتو اخو وولد
عم وهو الظاهر مامفتهم زين
وعباله احنا ضمينا علي
حمل دلال
‎« حسام عقيل مو قصده والله
بس هو عصبي والصار خلاه
يفقد اعصابه بسرعه،،،
‎« هاله اخوج،،،مخله احترام
لا النا
ولا ابويه وهد بليل علينا
بدون مايفتهم شي
‎« يابه سدوا للموضوع،،،وانتي
ام زياد روحي شوفي
دلال وينها خاف صار بيها
شي
‎« ولج هاله امشي وياي ،،،
خلي نشوفها
‎،،،،
بعد الصار انهزمت من الكل
ورحت كعدت ،،،،وره البيت
وهناك
بجيت الما كلت بس ،،،،
جنت اريد اشوف فرحته
بحملي
واريده يجي وهو
ملهوف ويكول
خلي نرجع مثل الاول لان راح
يجينا ولد،،،،حجيت واني اباوع
للسما بقهر
‎« ياربي والله راضيه
ارجع لخاطر
ولدي والله لو يكول ارجعي
دلال لخاطر ولدج ارجع
ولخاطره هم،،،،
يارب مااريد شي،،،،بس اريده
هووو اريد ارجع لحظنه
اريد ابو بيتي وابو ولدي
‎شهكت بصوت قوي وانهاريت،
ومنظره من،،،،، اجه وكله حقد
وكره خلاني،،،، اضرب بروحي
واني اردد
‎« عقيل والله مجنت اعرف
وغلاتك انته توني يله عرفت،،،
‎« هيانها عمه
سمعت صوت هاله واجتي عليه
وكومتني، ،،
‎« ولج كافي تبجين راح يصير
بيج شي
‎مشيت وي امي ،،،وهاله
وابويه اجه ووراه اخوتي
وهو بس شافني
كام يضرب ايد بايد ويردد
‎« استغفر الله ياربي
كافي تبجين بابا ،،،،تره قهرج
راح يموتني
‎« خرب بي واجماله
هو ابو الراهي
وجاينه يهد ويغلط
‎« كااافي حسام تره اختك
مو زينه
واحتمال تحتاج دم
‎امي صاحت باخويه وكامت
تبجي،،،
‎،،،،،
الولد اخذو عقيل ورجعوا
للبيته
‎« ولكم دعوفوني، ،،وخلوني
اطلع قهري بيهم
ولك حامل من 3 شهر ومحد
كلي وللللللج هديل  هاي
اختج شلون تضم عليه
هيج موضوووع هااا انتي جنتي
تدرين موو وماحجيتي مثلها
مووو
‎صياح وعياط وشال الكرسي
وشمره على الكاع وكسره
‎وهديل صاحت بي ،،،
‎« كااافي عقيل وافتهم الموضوع
دلال مجانت تعرف لان الشهريه
جانت تجيها
‎جمد عقلي من سمعت
كلام اختي
‎صفنت عليها ومؤيد ورسول
طلعوا من سمعوا الحجي
‎« شنووو شدتحجين انتي
‎« مثل ماسمعت،،،دلال
مجانت تدري
بروحها حامل لان جانت تغسل
كل شهر وألا حست بنبض ولدها
وشافت بطنها كبرت يله حجت
لعمه سحر ومن اخذوها للدكتوره
عرفوا بيها حامل
‎مشيت خطوه لهديل وسالتها
بذهول
‎« شنوو ولدها
‎هي كامت تبجي وحجت بتأثر
‎« دلال حامل بتوم ولد،،،
‎حيلي انهد وكعدت رأسن بالكاع
ولزمت راسي وكمت اصيح
‎« يالله يالله رحمتك
‎« شلون حامل وهي جانت
تشرب مانع خاف جذب
حتى يرجعها
‎هديل جاوبت امها بضوجه
‎« لا يمه مو جذب لان دلال
جانت عايفه المانع من زمان
وهاله
جانت وياهن،،،،وشافت بعيونها
ولد اخويه بالسونار
كمت بسرعه وطلعت وهديل
طلعت وراي
‎« عقيل وين رايح،،،
‎وكفت بنص الكراج،،،،واني ضايع
واردد بهذيان ،،،
‎«هي مجانت تدري،،،واني راح اصير
اب لولد اثنين ،،،
‎« عقيل
‎سمعت صوت رسول وبس
تقدم عليه
ذبيت روحي علي،،،وكمت
ابجي طلعت قهر گلبي كله بذيج
الساعه ،،،،وبجيت
على حظي وعلى الدنيا الي مااعرف شوكت تنصفني
‎« تعال خلي نطلع،،،
‎اخذني من ايدي مثل الجاهل
وطلعنا بسيارته،،،،
مشاعري ماتنوصف،،،،لان
الي جنت اتمنى
يصير منها صار
بس وهي بعيده عني
جنت اتمنى من كل گلبي 
واحلم بي على طول،،،،طفل من
دلال والله انطاني بدل الواحد
اثنين، ،،،حجيت بصوت
ضايع واني صافن،،،
‎« رسول اريد ولدي،،،اريدهم يمي
مااريدهم يتربون بدون اب
‎حجيت هيج وغصيت بالحجي
‎« عقيل رجعها لدلال  ولم ولدك
بحظنك،،،وبلكي على وجههم تشوف
الخير والراحه
‎،،،،،،
وهذا الصار،،،،عقيل دز خبر
يريد يرجعني،،،،
اهلي ماقبلوا لان هو خطب وعقد
وراح يزوج
‎مشاكل صارت،،،،وهو
كام يهدد بس اجيب ياخذ
ولدي، ،،،نفسيتي تعبت،،،
وتمرضت من وره المشاكل والحجي
وجنت اكول لامي
اني اريد ارجع اله قابله اني
يزوج عوفوا ولاتسون مشاكل
ويا
‎كلام مجنت متوقعه اكوله،،،
بالاول جنت رافضته
وهو عازب وگلبه يحبني
وهس اريده وهو راح يزوج
عليه وگلبه كارهني
عمي حميد ادخل،،،،هو وعمه
علاهن واخويه زياد
ومن خيروني
قبلت ارجع لان اني جنت احبه
واريده نار جان او  جنه
قبلت بيه،،،،،
‎والطلاك من سأل  عمي حميد
صديقه الشيخ  كله مادم هو كاله
بحاله فقدان للعقل يعتبر باطل
ومادام طلعت البنيه حامل
وهو مايدري بيها هم يعتبر باطل
والفتوه رجعتني زوجه مره
ثانيه لعقيل 
وهو اجه بنفسه،،،،اخذني من
بيت اهلي،،،،
ابويه وصى عليه،،،،هوايه
هو وعمي حميد،،،،
‎« دلال بابا تعالي،،،،
‎امي مشت وياي
هي وهديل وهاله،،،وطبيت
للاستقبال
وعيوني مغوركه،،،وحابسه دمعتي
بصعوبه،،وبس شفته
واكف يم ابويه ،،،گلبي فز بفرح
وراح سكن يمه ،،
‎روحي لكت الي جانت تدور
علي ومشتاگه اله من بعيد
لبعيد والقرب اجه وويا فرحه
ماتنوصف 
صفنت علي،،،للحظه وابويه
اجه ولزمني من ايدي
ووداني علي،،،وخله ايدي بايده
وكال بصوت مخنوك
‎« عقيل اني من انطيتها الك اول
مره انطيتها وان مطمن انته رجال
وراح تصونها،،،،وهاي المره
هم راح انطيها وياريت تصونها
وماتجيني والدمعه بعيونها
‎ابويه حجه هيج وعمي حميد
كمل
‎« دلال امانه عندك،،،وياريت
تحافظ عليها واذا تزوجت
بنت خالك،،،،
لاتظلمها لبنت عمك وخاف
الله بيها،،،،
‎عقيل هز راسه،،،وظل ساكت
وسحب ايده بسرعه
من ايدي
‎،،،،
من وصلت لبيتهم عمه كوثر
تلكتني بوجه ثكيل وشهد مجانت موجوده
اني عرفت
بعدين من هديل امه تعاركت
ويا وسوت مشكله لان راد يرجعني
وشهد متدخله وهو هاد عليها
بالغلط لان غلطت عليه
من
طبيت للصاله مؤيد سوالي
هوسه
‎« دلال رجعت لعيالها وطير
السعد يبرالها كللللللوش
‎حجه هيج واجه باسني من
راسي وكال
‎« توه نور البيت يالغاليه
‎حركه شفت تأثيرها بوجهه
عقيل الي عكد حواجبه
وخوزر مؤيد،،
‎ابتسمت رغم عني ومشيت وي
هديل الي حجت بضحك
‎« ولج شفتي شلون خنزر
على مؤيد
‎هزيت راسي،،،،وغيرته جانت
شي اشتاگيت اله،،،
طبيت لغرفتي،، وشفتها مثل
ماعفتها،،،والبنات منظفاتها
وريحتها تخبل،،،،
‎« ارتاحي دلال اني نازله جوه
حتى نحظر العشه،،،للولد ولعم
حميد ولعمه علاهن
‎« براحتج حبي
هي مجاوبتني وشفتها دمعت
عيونها واجتي حظنتني وكالت
بصوت مخنوك
‎« دلال رجعي الج تحملي
وشيحجي لاتجاوبي، ،،،
رجعي لحظنج ولاتخلي يروح لذيج
العكرب،،،
‎« ان شاء الله هديل
‎هي وخرت ومسحت دموعها
وضحكت وكالت
‎« خلي اروح لا احصل رزاله
من امي
‎ابتسمت الها وهي راحت،،،
سدت الباب واني رحت
خليت،،،،،،،، الجنطه بالكنتور
ونزعت العبايه،،،،وعلكتها،،،،
جنت لابسه دشاشه مثل الفستان
خرط من الصدر وتنزل كلوش،،،
للرجل
حمره طووخ وبيها،،،،ورد اسود
ناعم،،،
اني يم الكنتور مديت ايدي
لاراديا لهدوم عقيل المعلكه،،،
لزمتهن وغمضت عيوني ومديت
راسي
‎وكمت اشم بيهن،،،،بنفس طويل
وخرت وره لحظه ومن سديت
باب الكنتور
‎هو فتح الباب الغرفه وطب
من شافني وكف وصفن
عليه وطول،،،
اني هم ظليت بمكاني وصفنت
عليه
‎جنت اتمنى.  اروح علي
واحظنه،،،جنت ادور اشاره منه
تخليني اسوي هذا الشي،،،
بس هو وره لحظه دنك راسه
وراح للبلكون ووكف وظهره
عليه،، وحجه
‎« حياتنا مراح ترجع مثل الاول
انتي بمكان واني بمكان
نتصرف طبيعي يم الغير وبغرفتنا
كل واحد بجهه،،،،،
وشغلاتي مثل الاول انتي
مسؤوله عليها ،،،،،افتهمتي
‎« ليييش عقيل مو انته عرفت
بي اني احبك وعرفت اني تاركه
المانع من زمان،،،بعد ليش
هلبعد والفراگ
باوعت عليها بالجامه وجاوبتها
‎« انتي مجرد فكرتي ماتريدين مني
جاهل وتصرفتي على هذا الاساس
من وراي يكفي يخليني
ابتعد عنج،،،
‎دموعي نزلت وتقربت علي
وحجيت
‎«عقيل كتلك اني اسفه،،،
واعتذرت منك اكثر من مره،،،
‎« دلال بعد مايفيد الاسف،،،،
لان اني بعد مااكدر اتقبلج،،،
ولا اكدر ارجع وياج مثل الاول،،،
‎شهكتي طلعت ورحت بسرعه
وحظنت من وره وكمت ابجي
وصحت
‎« ليييش عقيل ليييش
‎غمضت عيوني واجه براسي
من جنت احظنها وهي تدفعني
وادكول وخر تلعب نفسي
منك من تلزمني
‎گلبي قسى وانداريت،،،،عليها
ولزمت ايدها ووخرتها مني
‎صفنت علي بحيره،،،بذهول
وگلبي انصدم من بروده گلبه
وهو حجه بوجهه مطعون
من القهر
‎« لاتلزمني كتلج. بعد مااكدر
اتقبلج
مديت ايدي اله وهو رجع ليوره
ايدي وكعت من شفت حركته
وهزيت راسي بلاااا
وهو حجه وهو يباوع لغير جهه
‎« دلال انتي هسه ام ولدي وبس
غير شي ماكوو،،،
حجه هيج،،،،ووخر مني،
وطلع وسد الباب جمدت بمكاني
وعيوني ظلت معلگه بالباب
الي انسد وويا ضاع
حب جبير اني ضيعته
من ايدي
عقيل جان وطن اني هجرته وبعته
بارادتي،،،،،

يتبع ،،،،