انقذني من انتقامي

بارت 10

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَعٌأّشٍر ،،،،
،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،
بعد مارجعت للبيت حجيت لاخويه
غسان على تصرف عقيل وياي
وهو تعجب،،،،،،وكال
« هسه اخابره واحجي ويا واشوفه
ليش هيج حجه
عفت اخويه ورحت، ،،لغرفتي
وظليت افتر بيها واني متعارگه
وي عقيل بدماغي،،،،
يحجي واجاوبه
بعصبيه،،،،والمشهد تكرر
ووجهه من جان يحجي وياي،،،،
حاولت انساه امسحه،
من عقلي،،بس
ماكدرت وظل لازك بي طول اليوم،،
استحوذ على تفكيري ومزاجي تخربط
وظليت كل ساع احجي علي
بگلبي ،،،،
بليل اجه اخويه وويا امي وحجه
وياي،،
« دلال اني حجيت وي عقيل
وافتهمت منه هو ليش
هيج سوه وشفتتصرفه صحيح
وياج،،،،
تفاجأت بكلام اخويه وباوعت
لامي الي جانت ساكته
وهو كمل
« حسب كلامه وكلام امي
من سالتها
انتي لبسج جان ضيگ كلش
وبارز جسمج
اخويه من حجه هيج
اني بلعت ريگي
من وره خجلي وحجيت وي
روحي
« حسبي الله عليك عقيل،،،
خليتني اسمع كلام اول مره اسمعه
من اخويه
« اختي اذا تحبيني وتعزيني بعد
لاتلبسين لبس ضيگ البسي شي
مستور وطويل،،،حتى لاتجينا
حجايه من وراج
اخويه سكت للحظه وباوع لامي
وكمل بضوجه
« اليوم سمعتها من عقيل ابن عمي
باجر اسمعها من الغريب وذيج الساعه
مااتحمل واسوي شي اندم
علي بعدين
« لا ماما،،، راح تلبس لبس
طويل ومستور وابن عمك
لوما براسه غيره ماحجه
وياك ووياها هيج
امي من وكفت وي اخويه وعقيل
خلتني اسكت،،،،
« باوعي دلال،،،هذا الحجي
مااريده
يوصل لابويه لان تعرفين وضعه
هزيت راسي باي،،،،
وهو اكد عليه مره ثانيه وطلع،،،،،
وبس شفته راح
حجيت بضوجه وي امي
« ماما شنوو الموضوع اشو كمت
البس بكيف عقيل
امي اجتي وكعدت يمي،،،
وجاوبتني،،،،
« هو مو غريب ماما، ،ابن عمج
وحريص عليج،،،
« ماما لاتخبلني شنوو ابن عمي
اني عندي اب واخوه وهم
يتحكمون
بي موو هوو وبابا لو يسمع
والله مايقبل ويروح يكسر راسه
« استغفر الله يارب انتي شتريدين
تصير مشكله جبيره بين ابوج
وابن عمج من وره لبسج،،،،
الولد لوما حريص عليج ماحجه
هيج،،،،افتهمي ماما الدنيا
صارت مو خوش
وهو يخاف عليج مثل مايخاف
على خواته
سكتت من سمعت امي حجت
بعصبيه وهي كملت
« كبري عقلج،،،،،واسمعي
كلام اخوج
لان اني بعد ماادخل باجر عگب
اذا صار شي بيج اني اوكع بيها
وتظل الملامه براسي،،،،
امي حجت هيج،،،،وطلعت
وخلتني
اطحن بروحي وبعقيل ،،،،
الي بدت اول بوادر تدخله بحياتي
وياريت ظلت على هيج،،،
لااا القدر جان كاتبلي ويا قصه
راح تبدي وي قصه هاله وغسان،،،،
وعرف عشائري،،،،،،،
جديد ربطني بي للابد ،،،،،
،،،،،،،،
ثاني يوم كعدت ولبست تنوره
طويله
وقميص عريض شويه
وكفت كدام المرايه وشلت شعري
الي هو عباره عن فوضى،،،مالها
حل
شعري كيرلي،،،،وجان هوسه
بهوسه،،،،،
اني دارتب بي،،،،،اجه كلام
عمه علاهن كدامي من
جانت ادكول بضحك
«شعرج مثل شعر عقيل نكرو وماله
حل ،،،،،
عكدت حواجبي من تخيلته كدامي
وكرهت مجرد تشبيه
شعري بشعره،،،
كملت وشلت الجنطه،،،،ونزلت
اني بي طبع مااتريگ،،،،وهناك
بالمدرسه
اكل كيكه وعصير
« صباح الخير،،،،
« صباح النور،،،،
رحت لبيبي،،،،،،لطوفه بستها
ولامي هم ،،،،وسالتها
« ماما وين بابا
« طلع بشغله، ،،،،
« هااا يله اني رايحه،،،
« اخذي هاي اللفه وياج،،
عقجت خشمي وجاوبتها
« مااريد ماما نفسي تلعب اذا اكلها
مو تعرفين،،
امي هزت راسها بعدم رضى وبيبي
لطوفه حجت
« والله مرات اصفن عليج،،
واكول وي روحي هاي منين الها
هذا السمن وهي اكلها اكل العصفور
باوعت لنفسي وجاوبتها
بزعل
« اني سمينه بيبي
« لا يمه انتي ريانه،،،،وجسمج
حلو ماتشوفين ابن عمج
شلون صار عصبي،،،،،،عليج
بذاك اليوم، ،،،
لان ماتحمل احد يباوع
عليج ،،،
حجت بضحك وي امي الي هم
ضحكت
واني ضجت،،،،، وماجاوبتهن
واخذت الجنطه وطلعت،،، امشي
بسرعه
وعبالك عقيل وراي،،
هاله مااجتي عليه،،،،وعرفتها زعلانه
عليه لان حجيت على اخوها
وصلت للمدرسه،،،وگبل
رحت للشعبه
مالتها،، وشفتها كاعده دتقره
« هاله
رفعت راسها ومن شافتني دارته
بزعل،،،،رحت عليها
وبستها رأسن،،،وكتلها
« اليوم لييش مااجيتي عليه
« تعرفين كلش زين ليش مااجيت
عليج لاتسوين روحج غشيمه
« هاله هوو الي بدى انتي ماشفتي
شلون حجه وياي
«هو لوما خايف عليج مايحجي
هيج وياج،،،، دلال صح احنا تفاركنا وابتعدنا
واحد عن الخ فتره طويله
بس هذا مايمنع اخوتج
يخافون عليه
اني وهديل لو اخوتي يخافون
عليج
سكتت وهي كملت
« اخويه مو حرامي دلال ولا عمره
مد ايده على الحرام،،، عقيل سبع
وهذا الخير كله هوو سوه
بتعبه،،،سوا بايده
والجروح البيها تشهد اله
هاله سكتت بغصه،،،،واني خجلت
منها وجاوبتها
« هاله اني اسفه ما
قصدت اجرحج
« مو اني الجرحتيني دلال اخويه
الي انقهر من كلمتج،،،،وو
سكتت وبلعت كلمتي
لان مردت تعرف هو ظل الليل
كله يشرب
ورجع وجه الفجر وهو يحجي
ويسب
بيها وباهلها ،،،،،،غيرت الموضوع
من دك الجرس
« اني مو زعلانه،،، وهسه كومي
للشعبه مالتج دك الجرس
« يعني تطلعين وياي،،،من ينتهي
الدوام
ابتسمت وجاوبت دلال
« اي بس بعد احترمي الاكبر منج
وفكري بكلامج قبل لاتحجي
سكتت وكمت من يمها،،،وهي
كملت،،،،
« يله روحي،، راح تجي المدرسه
هزيت راسي وابتسمت براحه
لان تراضينا
وطلعت، ،،
اليوم مر مثل كل يوم،،،وطلعنا
سوه اني وياها،،،من خلص
الدوام،،،،
ظلينا اني وياها سوه نروح
ونرجع
سوه،،،،والايام. والاشهر
جمعت هاله وي اخويه غسان مثل ماجمعتني
باخوها
طلعت مثل كل يوم،،،،حتى اروح
وي هاله للمدرسه،،،وغسان
الجان متأخر طلع وياي،،،
فتحت الباب وشفت هاله واكفه
ومنطي ظهرها للباب،،
« هلو هاله
« هلو قلب يله تاخرنا
اخويه وكف وصفن عليها،،،،،
وبعدين حجه
« شلونج هاله
« الحمد لله غسان،،،زينه
جاوبته بخجل وهي تتهزم بعيوونها
منه،،،،،وهو سكت وظل صافن
عليها،،،وهي كملت
بصوت ناصي
« يله دلال راح نتأخر ،،،،
حجت هيج ومشت،،،، واني وراها
بذاك اليوم اخويه بدت اول بوادر
اعجابه بهاله،،،،،،،،،،،والايام،،،،
بدت تكتب قصه حب حلوه
مثلهم،،،،،
،،،،،،
رجعت للبيت ،،،،وطبيت
وشفت امي وحدها بالمطبخ،،،
« الله يساعدج يمه
« هلا هاله،، اليوم تاخرتي،،،وظل
بالي عليج
« يمه مو اني،،،، كتلج قبل لااطلع
راح اتأخر لان عدنا 6 ادروس
« هااا اي والله شلون نسيت
« اشو وحدج بالمطبخ وين شهد
« ماتكدر ظهرها يوجعها وراحت
تمددت بغرفتها
«سمعنها قبل،،،،مو جديده علينا
وهاي يوميه عايفه الشغل عليج
ونايمه،،،،،الخاتون
« يمه معليج بيها. الشهريه نزلت
عليها وانقهرت عبن ماطلعت
حامل
سكتت ومشيت لغرفتي،،،،
واني احجي وي روحي
«هاي مرت محمد كل شهر
ادكول حامل وتعالوا داروني
وااغسلوا هدومي ونظفوا غرفتي،،،
وشيلوا وحطوا،،،،والاخ وياها
مثل الطلي،،،
ذبيت جنطتي واني اردد
« كله جذب اني ادري بيها،،،
لان سمعتها تحجي وي اختها،،،بالفون
وبدون ماتدري،،، هي الهرمون صاعد
عدها كلش،،،،،ومايصير عدها
طفل الا تتعالج،،،
بدلت بسرعه ورحت للمطبخ
عزلته،،،،،،،وطلعت للكراج غسلته
ورجعت لامي،،،
« يمه راح اسوي زلاطه،،،ولبن
حتى بس يجون الولد نصب،،،،
حجيت هيج ورحت،،،للثلاجه
وكملت
« عقيل اليوم يجي موو
« اي يمه يجي ،،،،،سوده عليه
صارله 3 ايام بالدوام
امي جاوبتني،،،،واني كعدت
على الكرسي وبديت احضر
بالزلاطه
« عمه سحر تسلم عليج هي
وبيبي لطوفه،،
امي مجاوبتني واني سكتت
وره ربع ساعه سمعنا صوت
هورن
سياره عقيل،،،
« اجه اخوج،،،
عفت الي بأيدي وطلعت علي
لان اعرفه،،،،هسه مسوگ،،،النا
شفته طبب سيارته للگراج،،،ونزل
وكال وهو يضحك الي
« هلو هرهور،،،،
عقجت خشمي وجاوبته
« هلو شرشبيل ،،،
لقب طلعه عليه،،،،،،واني هم
لان جنا نحب كارتون السنافر،،،،،
رحت علي وحظنته وهو باسني
من راسي وكال
« جبتلج علبه ماكنتوش،،،لاتخلين
مؤيد يشوفها تره تخلص بيومها
« هههه اي والله ،،،
« وين امي
« هياني يمه،،،اجيتك
رحت لامي،،،،وحظنتها
«شلونج يمه،،،
« الحمد لله توه نور البيت من
طبيت
ابتسمت لامي وبستها من راسها
وجاوبتها
« البيت منور بيج يالغاليه،،،،
« وينك يمه وليش طولت هلكد
گلبي صار نار عليك
« اهووو بدت الدراما الهنديه
مال كوكه خاتون،،،نار وفراگ
ومانمت الليل،،،وبالي يمك ظل
حافضيها بابا،،،،مو جديده علينا
« انزول عليج شبيج بس حجيت
اكلتني بكشوري
« ههه هاي ام لسان منو يكدرلها
« تعالوا شيلوا وياي. لاتعوفوني
وحدي مثل كل مره
عفت امي ورحت لاختي الصغيره
واني اضحك عليها
« اليوم هرهور مطلع اضافيره
ويخرمش بينا موو يمه
« اي شعبالك،،،،،ميووو
هاله رفعت ايدها وسوت مثل
البزون
« عوووو،،،،
صحت بيها فجأه وهي فزت
« هههههه
ضحكت من كل گلبي،،،،من شفتها
فزت وكمزت،،،وشلت
علاگه،،،ووديتها لامي،،
« يمه هاي العلاگه لولد هديل
مريم واحمد ،،،
« تسلم يمه،،،
طببنا الغراض جوه بالمطبخ ،،واني صعدت لغرفتي،،،،
طبيت وكبل للحمام سبحت
وطلعت،،،،،ورحت تمددت بالشورت
على الجربايه،،دقيقه وغفيت
من التعب والسهر،،،،
وماكعدت للعصر،،،،بدلت ونزلت
حتى،،،،، اروح للمعرض اني ومؤيد
اخويه،،،،،،،،
طبيت للمطبخ،،،وشفت هاله
دسوي جاي لامي،،،
« تتغده يمه ،،،
« اي والله شمسوين،،،
« يخني وبرياني،،،
« عاشوا،،،،اثردلي هاله وسويلي
ويا بصل ،،،واريد لبن بي ثلج
وليمون ونعناع
« من عيوني هسه اسويلك
« وين مؤيد
« هياني ابو سمره،،،،،
اخويه جاوبني،،،ودنك وباسني
من خدي وكال
«الحمد لله على السلامه
« الله يسلمك تغديت يول
« اي من زمان،،،وصعدت عليك
حتى،،،،،، اصيحك تتغده ويانا
بس من شفتك نايم عفتك
براحتك ونزلت،،،
مؤيد حجه هيج وكعد بصفي
واخذ الجاي من هاله
« شخبار المعرض،،،
« خير وبركه، ،،،، هاا نسيت اكلك
ذاك اليوم اجه،،،،
غسان ابن عم حقي يريد سياره
سعرها رخيص،،،
« ايي اكو چم وحده ،،،خلي يشوفهن
بلكي تعجبه وحده،،،
« هو من شافك ماكو ،،،كال
اجي من تجي انته للمعرض،،،
سكتت وكمت اكل،،،،،وامي
حجت
« صايرين عشره وي ولد حقي
البنيه تروح وي بنته وابنه رايح جاي
عليكم
« شبيهم ولده يمه تره فقره،،،
ويختلفون عنه،،،
مؤيد جاوبها وهي ردته
« والله نفسه ونفس اخلاقه،، وهسه تشفون،،،،
« غسان ورده مال الله يمه،،،
ويختلف عن عمي حقي
جاوبت امي،،،،وكلت بگلبي بس
بنته دلال مثله،،،
نفسي انسدت
من جبت سيرتها
وشربت گلاص اللبن حتى تنزل
اللكمه وكمت
« وين يمه مااكلت شي،،،
« شبعت يمه، ،،هاله الجاي
وبكلاص
« والله اعرف كلما اصبلك
ادكول هاي الكلمه،،،،،
ابتسمت الها،،،،ورجعت كعدت يم
اخويه،،،
احنا دنسولف على الشغله سمعنا
صياح محمد وي مرته
« هاي شكوو هذا شبي يصيح
سكتت. من حجت امي
وسندت،،،،،،،،، ظهري على
الكرسي،،،،وهي كامت
تشوف شكوو،،،،،
دقائق طولت وصياحهم ماسكت
ومحمد اجه وهو يغلط على مرته
الي اجتي وراه وهي تصيح
« لاتغلط واحترم نفسك،،،انته لو
بيك خير جان رحت حللت وشفت
شبيك ماتخلف
« ولج حللت وطلع مابي شي
« واني هم مابي شي ،،،والدكتوره
كالت الصوج من زوجج،،،
خلي يجي يحلل يمي
« باوع هاي شتحجي ،،،انتي
ماتفتهمين
داكولج حللت وطلع مابي شي
« جذب والله جذب،،،،وهسه تطلع
عاقر مثل عمك حميد
اني سمعتها جابت سيره عمي
فزيت من مكاني،،،،ووضربت
المواعين الچدامي
بايدي عليها،،،،وصحت بيها
« ولج بنت الكلب ليش تحجين
على عمي هيج
انعل ابوج لابو الخلفه،،،،،،لابو
المارباج،،،،
هديت عليها ومؤيد وامي ومحمد
لزموني،،،وهي انهزمت
« انعل صفحه اهلج،،،اذا بعد
غلطتي على اخويه لو عمي،،
سكتت ونفضتهم مني وصحت
باخويه
«ولك انته شبيك مو رجال،،،،
ماتضبها لهاي الفليته
« عقيل معليك انته اني احل
مشاكلي بنفسي ،،،
« اوي عيني يالمثقف،،،خليني انام
واكعد واشوفك شوكت
راح تحلها ،،،،،
« عقيل يمه انته معليك ،،
مره ورجال لاتتدخل
« يممممه،،،،
طب طووب هو وياها،،،،عساهم
ماتصافوا طول عمرهم اني
القهرني شلون حجت على عمي
حميد،،
صحت باعصاب،،،وكملت وي
اخويه
«وووخر من چدامي
انعل ،،،،،ابو هيج قسمه خره
فرحان ماخذله،،،،،مره
وهي بسوك النسوان ماتسوه
فلس
حجيت هيج،،،،وطلعت ووراي
مؤيد
« اصعد ولك،،،،خلي نطلع،،
لان اذا ابقى راح اسوي
جريمه
« اهدأ عقيل ومعليك بيهم تره
مو خلصانه وياهم
شغلت السياره وطلعت بيها للشارع
وجاوبته
« ورثلي جگاره الله يحركها مثل ماحركت دمي الادبسسز عافت
الكل،،،،، وحجت على
عمي حميد الفقير
« خليها تولي،،،يمعود لاتغث
نفسك من وراها ،،،،،
سكتت وظليت ادخن،،،وطلعت
للشارع الرئيسي،،،،،، هناك شفت
عمه سحر ودلال
واكفات،،،ترددت اوكف يمهن
من وره الصار بذاك اليوم
«عقيل اوكف هاي عمه سحر
ودلال
وكفت من حجه اخويه
وهو نزل وسلم واني وراه
« شلونج عمه سحر
« هلا عقيل،،،هلا مؤيد شلونكم
« الحمد لله عمه
جاوبتها واخويه سلم على ام خشم
« شلونج دلال
« هلو مؤيد شلونك انته
« الحمد لله زين،،،
مادرت بال الها ولا باوعت عليها
وحجيت وي امها
« وين رايحه عمه
دلتني على المكان الي جان بطريقنا
وكتلها
« خلي اوصلج،،،
« لا ماما هسه ناخذ تكسي
« لا شلون يصير، ،تاخذون تكسي
واحنا موجودين
« خاف زحمه عليك
« لا عمه مو زحمه تفضلي،،،
جاوبها مؤيد وفتح الباب وعيونه
على دلال ،،،
«اركبي ماما
حجت هيج وصعدت ليوره وبنتها
وياها
صعدت وشغلت السياره،، ومؤيد
كام يسولف وياها
اخويه مؤيد حنطاوي وشعره بي
شكار وعيونه،،سود وكبار
جان حلو ومرتب وكشخه،،
وجان ابو بنات،،،جهازه
ابدا مايوكع
من ايده والليل
كله لازمه ويبيع
رومنسيات براس البنات
جنت اعرفه ديحاول يجذب
انتباه دلال،،،،،،،ومااعرف ليش
هذا الشي ضوجني كلش وخلاني اتوتر،،،،،،،،،،عيوني
راحت لاراديا
الها،،،وشفتها تباوع عليه وهي
عاكده الحواجب ،،،،
نظراتنا التقت للحظه من الزمن
بس حجت الكره والحقد الي
بگلبنا ،،،،،
رفعت حواجبي الها بأستفزاز
وشفتها
حركت شفايفها ودارت وجهها
على الجامه
افتهمت شحجت ورددته
وي روحي
« مكروه،،،،
« عقيل ذاك اليوم غسان
اجه عليك
للمعرض مالتك حتى يشتري
سياره ،،،
« اي كلي مؤيد وهسه اخابره حتى
يجي اليوم لان اني موجود
« اي بعد عمتك ،،،خابره لان هذا
مايعرف بيهن ،،،،وخاف يشتري
من غير مكان ويغلبوا بيها
هزيت راسي الها ومؤيد حجه
« دلال تدرين چم مره وصلتج
وماعرفت انتي بيا صف
« خامس علمي،،،،
« شاطره مووو
عيوني راحت الها وشفتها ابتسمت
لمؤيد وجاوبته
« اي شاطره،،،،
« هههه عكسي جنت كسلان
ويوميه مبسوط من المدير،،،
« هههه والله
ضحكتها خلتني ارجع اباوع عليها
وهي من شافتني رفعت حواجبها
ووياها خشمها،،،،
مردت الستيرن بأيدي من سوت
نفس حركتي ،،،،وكمت اشوف
الشارع مغوش من عصبيتي
« عقيل بيك شي
انتبهت لاخويه،،،من حجه
وجاوبته
« لا. ليش تسأل
« مو اشوفك زدت السرعه
انتبهت لروحي اني دايس البانزين
ووخرت وهديت السرعه،،،
« مو مستعجلين عقيل على
راحتك
عمه سحر حجت وياي واني
هزيت راسي الها ،،،،وبعد ماباوعت على
الي ظلت تحجي وتضحك وي مؤيد
وصلنا ونزلنا،،،ومؤيد نزل وراهن
واني ،،،،،،،نزلت وظليت واكف
بمكاني،،،وايدي على سكف
السياره
« تسلم عقيل تعبناك ويانا
« لا ماكو اي تعب،،،عمه
« مع السلامه وسلمولي على امكم
والبنات
« يوصل عمه،
مؤيد جاوبها وهي حجت وي
بنتها
« يله دلال امشي ،،،،
صعدت ومؤيد وراي شغلت السياره
وحجيت وي اخويه
«بس فهمني شبسرعه اخذت
ميانه وياها وكمت تشاقه،،،
« منو ،،،،
« بنت عمك منوو غيرها،،،
« هاا عادي لان اني اوصلها
وي هاله للمدرسه كل يوم
حجه هيج وكمل
« ولك عقيل دلال شلون
صايره تجنن عبالك لعابه،،،
« وجع وسم،،،شبيك مو شايف
بنات لو مو يوميه وي وحده
« ولك كلهن
صفر بصفها اووف
يابه من اشتعل عمك على
هاي الخلفه الحلوه
« انجب وسد حلكك عيب عليك
تحجي هيج،،،هاي عرضك
مؤيد سكت واني ضليت ضايج
من وره كلامه،،،،
وصلنا وهو نزل واني،،،،وراه
وخابرت غسان،،،،،الي اجه
بليل واشتره سياره صغيره وعلى كد
فلوسهم،،،
« تعرف تسوق موو،،
سالته وهو جاوبني بضحك
« اي بس مو مضبوط،،
« ابق يمنا احنا ناخذك بيها لان
بعد ساعه نعزل
« اي والله لان اشوف نفسي
مرتبك وخاف ماادبرها
ابتسمت اله واخذته،،،للمكتب
مالتي
كعدنا نحجي بامور عاديه،،،
وره ساعه ونص عزلنا،،،وطلع مؤيد
ويا بسيارته واني وراهم،،،،،
احنا وصلنا لبيتهم شفنا قوه
مطوقه البيت،،،
غسان نزل بسرعه،،،وراح
واني وراه ومؤيد،،،
« اووكف ولك وين رايح
« بيت اهلي هذا،،،خير
شصاير
« ماكو شي بس كم سؤال نسأل
للوالد ونعوفه
الضابط جاوب غسان الي
لونه انخطف
واني واكف طلعوا عمي شادين
ايده ،،،،منظره من شفته خلاني
اعرف القدر اخذ حقنا منه،،،
والذل الي شافته امي منه من
زمان
شافه هووو هسه
شفته شلون ضعفان والشيب
تارس راسه،،،ولحيته
هو شافني صفن عليه وطول
وبعدين دنك راسه،،،
وعمه سحر اجتي وراه وهي
تصيح
« عوفوا ماعنده شي دخيل الله
عوفوا رجال جبير شتريدون
منه ولكم بي سكر
هسه يصعد عنده ويموت
« عوفوا بابا،،،الله يخليكم
من شفت العيون صارت على
دلال كبت بي النار وصحت
بغسان،،،
« اخذ اختك جوه بسرعه
غسان سد الباب بوجه امه واخته
من رادن يطلعن وره عمي
ورجع على ابوه
« ياله اخذوووا بسرعه
« اوكف،،،،
صحت رغم عني وتقدمت
على الضابط،،،،
« ارجع ليوره،،،،لاتتقدم
الضابط صاح وواحد من الويا
تقدم عليه ودفعني
« لاتدفع وخليني اطلع هويتي
الجندي باوع للضابط الي اشر الي
طلعت هويتي وانطيتها اله
وحجيت
« هذا عمي،،،الاخذوته وماعنده
شي،،،،
« مو انته الي تقرر. احنا عدنا
امر القاء القبض علي
« اخذوني ويا،،،
ابنه صاح،،،،واني وخرته من تقدم،،
لان اذا راح يمكن نخسرهم
اثنينهم،،،
« وين ماخذي، ،،
الضابط جاوبني،،،،واني هزيت
راسي
لان عرفت المكان
وبس تحركوا وراحوا ،،،
غسان انهار بالكاع، ،،،وعمه سحر
هجمت الباب،،،،، وهي تصيح
فتحته الها ،،،،،،،لان غسان قفله
من بره وهي طلعت،، تبجي
وتصيح وادور بعيونها علي
« اخذوا ولك اخذوا لابوك
« ايي اخذوه
جواب غسان خلاها تلطم على
وجهها ودلال انهارت
وكامت تبجي ،،،،
« عقيل خابر استاذ كريم
سمعت اخويه من حجه،،،،وغسان
فز من مكانه وكال
« اي عقيل خابره الله يخليك
خلي يتلاحك لابويه
« فوتوا جوه هسه الناس التمت
علينا،،،،عمه كومي
« عمك راح بعد مااشوفه
كومت عمه سحر ،،،،وطببتها اني
ومؤيد وغسان حجه وي كم واحد
من الجوارين وسد الباب
واجه ورانا
طبينا للاستقبال مالتهم،،،وكعدنا
عمه سحر على القنفه
« جيبي مي لامج،،،
من حجيت وي دلال انتبهت هي
لابسه دشاشه قصيره وربع ردن
وحجول رجليها جانت طالعه
وتضوي،،،،مثل الگمر
مسحت وجهي،،،وحجيت
وي روحي من راحت،،
« خرب اصلج هاي طبوا عليكم
وشافوج هيج،،،لابسه،،
اشتعلوا اهلج،،،
بدون شعور رحت وراها،،،،
ووكفت من شفتها اجتي ،،وحجيت
واني مدنك
«بدلي،،، هدومج على السريع
خاف يرجعون،،،
« هاااا
« طرش،،،روحي بدلي هذا اللبس
الخزي
هي ماحجت شي ومدت ايدها
وانطتني المي وراحت للدرج
رجعت للاستقبال وانطيت المي
لعمه سحر التبجي،،،،
« خلي اخابر اخوتي
« بلغهم بس لاحد يجي،،،خليهم
ببيوتهم،،،
غسان هز راسه،،،باي واني
طلعت بره
وخابرت استاذ كريم وحجيتله
الصار وهو جاوبني
« لاتخاف عقيل اذا ماعنده شي
يطلعوا بعد كم يوم
« هو رجال جبير وبي سكر ياريت
تحرك جماعتك علي
« ادلل عقيل،،،،،وهسه راح اسده
واخابرلك جماعتي وانتظر مني
اتصال
سديت الخط ورجعت للاستقبال
وشفت دلال لابسه تراك
ازرك واحمر، ،،وكاعده يم امها
وتبجي وياها
« هااا عقيل شسويت
« ان شاء الله خير،،،ننتظر ونشوف
حجيت هيج وطلعت بره حتى ادخن
جگار ومؤيد لحكني
« عقيل شكال استاذ كريم
« راح يخابر جماعته بلكي يكدرون
يطلعوه،،،
« وشلون هسه نعوفهم،،،،
« انته روح للبيت واذا سالتك امي
عليه كول الها بتت بالمعرض
لان عنده سيارت راح تجي
الفجر
« اوكي،،،،
اخويه راح،،،واني كعدت بالحديقه
انتظر استاذ كريم يخابرني،،
اني كاعد،،،دكت عليه وحده من
الي اعرفهن انطيتها رفض،،،
ورجعت دكت،،،
« ابد مو وكتج هسه روحي
انطيتها رفض مره ثانيه
وهم رجعت دكت
ضجت وكمت من مكاني،،،
وحجيت وي روحي
« اهوو مراح تخلص خلي
اجاوبها
« الو سهر،،،،
« هلا وغلا بالعمر كله
جاوبتني وبوسه وياها
« سهر روحي هسه،،،اني
مشغول
« گلبي اني سهرايتك
الحلوه محد يشغلك عني،،،
« عندي اتصال مهم بس افضه
اني اتصل عليج
« تحبني،،،،،،
« سهررر
« كولها واروح،،،
جنت اريد بس افضها وياها
وجاوبتها
« اي احبج،،،سهر
« فدوه اروحلك،،،،وهاي بوسه
الك
سمعت صوت البوسه
وجاوبتها
« باي،،،
سديت الخط وسمعت راسن
صوت وراي،،،
التفت بسرعه وشفت دلال
واكفه وتباوع عليه ،،،
نظراتها جانت كلها اشمئزاز،،،
شكلها وعيونها ومن مشت
بسرعه
خلتني احس بروحي اني
خنتها،،،وهي كشفت هذا الشي
شعور ماعرفت افسره وخلاني
اضوج لان سمعتني احجي هيج،،
شعور تجاهلته بعدين. وكذبته
ومادرت بال اله،،،،،
والحسيت بي سكن الگلب
وصار مرض وانتشر بجسمي
شويه شويه
حبي الها جان مثل
زهره الصبار من تزهر وسط الشوگ،،
،،،،،
للفجر مانمنا،،،،وساعه بالخمسه
اجاني اتصال من استاذ كريم وكلي
روح استلمه من نفس المكان
الي كال علي الضابط
طلعت بسرعه ووياي غسان
ورحنا استلمنا،،،،،،،
جان مابي شي،،،وبس محققين
ويا على چم واحد جانوا
يدامون ويا ورادوا يخلوه چم يوم
بس اتصالات اجتي عليه
خلتهم يطلقون سراحه
اني جنت ساكت
وعيوني جامده
على الطريق،،،،وهو هم
سكت،،،
وصلتهم للبيتهم،،، وشفت زياد
وحسام واكفين بره،،،،،،،اول
ماشافوا ابوهم حظنوا وكاموا
يبجون
« غسان اني اترخص
حجيت هيج وزياد صاح
« اوكف عقيل
وكفت وهو اجه وحظني
ووراه حسام
« تسلم اخويه هاي وكفتك مراح
ننساها ابد
سكتت وعيوني راحت لعمي،،،،
الي اجه ومد ايده،،،وكال
« تسلم عقيل ،،،
صفنت على ايده،،،واجتي كدامي
ضربته الي من وكفت بوجهه
رفعت راسي اله وما مديت ايدي
وهو حس ونزل
ايده
« اترخص
حجيت هاي الكلمه،،،،ورحت بسرعه
ركبت سيارتي وطلعت بيها
لبيت اهلي

يتبع،،،،