انقذني من انتقامي

بارت 9

#أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَتّأَّّسعٌ
،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيوم طلعت من البيت حتى اروح للمعرض
«يمه اني طالع ،،،،رايده شي
« روح يمه،،،،،الله وياك مامحتاجه
شي
اخذت السويج،،،وطلعت،،
ركبت سيارتي،،،،،،وطلعت بيها
للشارع،،،،،،،جان الطريق اليطلع على الشارع الرئيس مسدود بصبات
واله افتر من غير شارع يله اگدر
اوصله ،،،اني دمشي بالسياره
وكفت بي،،،فجأه
عكدت حواجبي،،،وحجيت
وي نفسي
« هاي شبيها،،،لييش وكفت،،،
شغلتها مره ثانيه،،،،ومااشتغلت
« شنوو الموضوع،،،،
حجيت هيج،،،وفتحت البنيد
ونزلت،،،،ورحت اشوف شبيها،،،
دورت اي خلل ماكووو،،،
« ولك هاي انته عقيل اي والله ،
انداريت من سمعت صوت وراي
وتفاجأت بغسان ابن  عمي حقي
عرفته رغم كبران،،،
وهو هم عرفني،،،واجه علي وهو
يضحك. وحظني وكام يبوس بي
غسان جان يختلف
عن زياد وحسام
طيب ويشبه عمي حميد بالاخلاق
وجانت علاقتي بي زينه،،،
« هلا ،،،،،،بابن العم اليوم منوره
الاعظميه،،،شعندك هنا يول
« هلا غسان ،،،،اني ساكن هنا
« هاا اي والله عم حميد كال
انتو ساكنين بيها ،،،،حجه هيج
وكمل
«شبيها سيارتك،،،
حجه هيج واجه وكف يمي،،،
ومد راسه وباوع للسياره،،،
وحجه
« همزين وكفت يم بيتنا
« ليش وين بيتكم
سالته،،،وهو اشر على بيت
قريب،،،،على المكان الواكف بي
اني وسيارتي،،،،،
شفت بيت مرتب،،،وتصميمه
حلو،،،،،،وحجيت واني
متفاجأ
« بيتكم هذا
« اي بيتنا،،،بس ماكتلي شبيها
سيارتك
سكتت وبداخلي ضجت من عرفت
بيتهم بعد شارع عن  بيتنا
« هاا اشوفك سكتت
« لا ماكو شي،،،
« ولك سيارتك تخبل واخر موديل
والله طاگ ابن العم
واني ماادري
حجه هيج واجه،،،،كدامي،،
كلام ،،،،عمتي علاهن من حجت
وكالت ابوك يكول عليك
انته،،،،، حرامي هو عمك،،،حقي
وبگت.،،،،،،من صار السقوط،،
وابويه،،،، وعمي حقي وعماتي
سموني عقيل. حواسم،،،،
ابتسمت بهم،،،من ذكرت اسمي
وهو حجه،،،
« ماعرفت شبيها وليش
وكفت بيك
ماجاوبته،،،، ودنكت وكمت
افحص بيها،،،
« مابيها شي،،،
حجيت هيج ووخرت منها،،،ورحت
باوعت للاشاره مال البنزين
وعرفت من شفت الضوه الاحمر
هيه مخلصه بانزين،،
« خرب بيك مؤيد 
حجيت بضوجه،،،على اخويه
وغسان اجه يضحك،،،
« مخلصه بانزين موو،،،
« ايي وماأنتبهت اله
جاوبته،،،،واني امسح بأيدي
« تعال غسل،،،،
« لا مايحتاج،،،،
« دتعال يمعود غسل واخذ دبه
بانزين،،،وخليها لسيارتك،،،
هذا اقل واجب،،،اقدمه الك لان
طلعت جيرانه واني ماادري ،،،
ههههههه
صفنت علي شلون يحجي ويضحك
وحجيت وي روحي
« شكد فطير لخاطر الله
بسه يضحك
«يله تعال،،،
مشيت وراه،،،،،،لان ماكو غير حل
«تفضل عقيل،،،
جنت اغسل بالكراج،،،من طب
اخويه وسمعت كال
« تفضل عقيل
ردت اطب بس هو كلي
« اووكفي دلال هذا ابن
عم ساجد عقيل،،،،،مو غريب
ظليت واكفه بمكاني،،،،
وهو ماطب،،،،وغسان طلع ورجع
وحجه وياي
« طلعي الصونده خلي يغسل
ايده بين مااجيب اله
البانزين
مشيت بالصونده،،،،للباب،،،
وفتحته،،،،،،،،وشفته واكف
ومنطي ظهره للباب،،،
« تفضل ،،،،
درت راسي وباوعت بطرف عيوني
« لااا مااا،،،،
سكتت من شفت ايد بيضه
كلش ،،،،،ولابسه بتوت اثنين،،،
لمعه الذهب ،،،،وي بياض ايدها
جذبتني،،،وعجبتني
وخلتني ارفع راسي،،،،،واصفن
على بنيه،،،،،بيضه ثلج
من عيونها،،،، الخضر وشعرها
وشكلها
عرفتها دلال بنت
عمي حقي،،،تفاجأت بيها،،،
لان كبرانه وصايره مره،،،،،
ومتغيره كلش،،،،
« تفضل غسل،،،،،
سمعت صوتها ومدت ايدها،،،،
بالصونده واني  مديت ايدي
الي جانت نقيض لايدها
سماري،،،،،،،،وبياضها جانوا،،،،،
مثل النهار والليل،،،،،
غسلت شلون مجان
ورفعت راسي،،،وصفنت
على وجهها وشعرها
النازل بخصلات نكرو  على وجهها
وانتبهت هي ،،،،،جانت شاده ربطه
صغيره على
شعرها،،،،
« هلا عقيل كل الهلا،،،
سمعت صوت عمه سحر من
طلعت واجتي عليه
وحظتني وكامت تبوس بيه
« فوت ماما ليش واكف بره،،،
« لا عمه مايحتاج عندي شغل
حجيت هيج وعيوني راحت لدلال
من طبت
« شلون امك وشلون اخوتك
« الحمد لله كلهم زينين،،
جنت اجاوب بسرعه واني اريد بس
انهزم منهم لان مااريد اشوف عمي
حقي،،،،،،
« سمعنا محمد تزوج وهديل هم
هزيت راسي بأي
وعيوني على غسان
الي راح ديخلي بانزين للسياره
« اني اترخص عمه لازم اروح،،،
« سلملي على امك وخواتك،،،
«يوصل عمه ،،،
جاوبتها ومشيت بسرعه،،
« عقيل ماتعرف شگد فرحت من
شفتك،،،روحي ردت لان شفت
واحد من اهلنا،،،ساكن قريب
علينا
كلام،،،،، مكدرت ارد بمثله لغسان
لان ركبت سيارتي وطلعت
بيها،،،،
وضعي تخربط،،،،،وجنت
عبالي من وره
شوفتهم،،،كابرت بذاك
اليوم وكلت اي من وراهم هم،،،
بس لااا جان من وره دلال،،،،
شوفتي الها،،،،،،،،،،هزت عالمي،،،
وشويه شويه عرفت نفسي،،،
وبعد فتره اني حبيت،،،،،بنت
واحد كارهه كره المووت،،،،،
،،،،،،،،،،
كملت الكراج،،،،ورجعت للمطبخ
وسمعت ماما  تحجي وي
بيبي لطوفه
« يمه لو شايفته ماتعرفي شلون
صاير ماشاء الله طول بعرض
وكشخه،،،وسيارته من هاي
الحديثات،،،،
« ايي ماشاء الله،،،،الله يزيده
« والله اني هذا الولد من صغره احبه
لان سبع ،،،،
مشيت من يم امي وجاوبتها
بگلبي
« شعجبج منه اشو
شكله شكل المجرم،،،،،،ويخوف
هاي نظرتي جانت لعقيل ابن عمي،،،
من الكلام الجنت اسمعه من بابا
كرهته،،،،،،،،،،لان سمعته كال
علي حرامي،،،،وابو ملاهي ،،،،
،،،،،،،،،
والايام جمعتني وي هاله
تؤم روحي
من كمنا،،،،،،،
ندوام سوه،،،،،،،هاله اكبر مني
بسنتين هي مواليد 1990  واني
مواليد 1992 هي جانت محجبه
عكسي،،،،اني لان جنت سافره،،،،،،
ابويه جان تعامله ،،،
وي ولد عمي ساجد سطحي،،،
وحتى ويانا،،،هيج لان،،،،،
تغير من صار السقوط،،،،
نفسيته تعبت وصار عصبي،،،بعد
اكثر
واخوتي زياد وحسام من وره
عصبيته الزايده طلعوا
كل واحد بيت
ابتعدوا عنه وعن تحكمه وتسلطه
لان المشاكل زادت بعد
زواجهم،،،،،،،،،،
سمعت الجرس،،،،وعرفت
هاله اجتي
طلعت بسرعه
من البيت،،،فتحت الباب،،،
وطلعت،،،،
« هلو هاله
« هلو دلال جاهزه،،
« اي يله،،،
« عابت هاي شلابسه
باوعت لملابسي،،،وجاوبتها
« شبي لبسي،،،
« ولج التنوره ضيگه هي والبدي
ولازكات على جسمج
« اي هذا لبسي امشي يله لاتظلين
تحجين زايد،،،
« والله اذا البس هيج عقيل
الا يذبحني
عكدت حواجبي من سمعت باسم
اخوها،،،وجاوبتها
« همزين،،، لعد طلع اخوج مو
اخويه،،،
« عابت شبي اخويه عبالك مو
عاجبج
« اخوج كله على بعضه
مايعجبني
« لييش بله
« شكله يخوف وكلما اشوفه،،
اتخيله من ذوله الارهابيين
« هههه هو شكله يخوف اي،،،
بس والله گلبه طيب،،،،ولو تشوفي
شلون حنين علينا جان ماحجيتي
هيج
سكتت لان مو هامني،،،وكملنا
طريقنا،،،،،
الدوام خلص وطلعنا من  المدرسه،،،،،
احنا دنمشي،،،،
سمعنا. صوت هورن،،،،سياره ورانا
هاله اندارت،،،،وكالت
« هذا عقيل،،،،
سيارته وكفت يمنا،،،،ونزل منها
جانن اكو بنات يمشن يمنا وعلى
الجانب الخ مال الرصيف
هنا شافن سيارته وهو
من نزل ولابس
اسود باسود وحزام
المسدس بكتفه وكفن وظلن يباوعن
علي،،،،باعجاب
« اني رايحه هاله،،،،
حجيت هيج ومشيت بسرعه،،،
« خرب اهلج هاي شلابسه،،،
وشلون طلعت هيج،،،،وين عمي
التحفه وين اخوها الفطير
من لبست هيج
حجيت وي روحي ،،،،،واشرت
لهاله
« اصعدي،،،
ركبت واني عيوني على هاي،،،،
التمشي وتفر،،،،،،،،استغفر الله
حجيت ،،،،،،،،،،،هيج
وركبت بسرعه
وكمت امسح بوجهي واردد
« معليك عقيل بيها وامشي طبها
طوب عدها اب واخوه ،،
مشيت بسيارتي واني اصر بسنوني
ولازم ،،،الستيرن بقوه
« عقيل خلي ناخذ دلال ويانا
وكفت السياره يمها من حجت
اختي الي نزلت ،،،،وحجت
« دلال تعالي اركبي خلي
نوصلج
من باوعت عليه بطرف عيونها
فتحت الباب ونزلت بسرعه
وحجيت
« اركبي ،،،،
« مايحتاج،،،،،،تسملين هاله
اني اروح
« اصعدي وكافي فضايح
« شنوو
جاوبتهته
بسرعه ورفعت حواجبي
« لبسج خاتون،،،،ماشفتي روحج
قبل لاتطلعين ابوج،،ماشافج
اخوج وينه عنج،،،
نار وكبت بي من سمعت كلامه
وجاوبته
« وانته منو حتى تحاسبني،،،
ردت اكول ابن عمج،،،،بس سكتت
وجاوبتها
« الظاهر ،،،،عاجبج الشباب
يباوعون عليج،،،،،،وعاجبج تسمعين
چم كلمه حلوه منهم
« عقيل هدي الله يخليك،،،
اختي حجت من شافتني صرت
عصبي وذيج باوعت عليه بنظرات
كلها حقد وكره ومشت بسرعه
وعافتنا،،،
« اصعدي ولج،،، ماظلت رجال
تضب نسوانها،،،،وتلبسهن
ثوب الستر
صحت بعالي الصوت،،،،وهي
اندارت وكالت
« خلينا الرجوله الك عقيل
حواسم
كلمتها دكت بگلبي وخلتني
اصفن
عليها بجمود،،،،،
بذاك اليوم شفت عمي حقي
بدلال،،،،شفت غروره وحقده وكره
وكلامه الجارح كله بيها،،،،
صعدت ومااعرف شلون
سقت السياره،،،،،ولادرت بال
لاختي من حجت وياي
« عقيل لاتهتم الها تره هاي
زعطوطه
وماتفتهم شحجت،،،
سكتت ومردت الستيرن بأيدي
ومن فتت من يمها، ،،،،تمنيت الزمها
واكتلها كتله اعدمها العافيه
بيها،،،،،،
توترت وضجت،،،من كلامها
وطلعت لربعي حتى انسه
السمعته ،،،،،،، اني كاعد داشرب خابرني،،،غسان،،،
وحجه وياي،،،
« عقيل صدگ انته كايل لدلال
ماكو زلم تضب نسوانها
« اي غسان،، اني حجيت هيج
« زين لييش وشنو السبب
حجيت لغسان السبب وهو سكت
واني كملت
« غسان اني مكدرت الا احجي
اختك رغم كلشي عرضي،،،واني
مكدرت اشوفها هيج لابسه
واسكت
« لا عقيل موقفك عجبني،،،
الصراحه
اني اطلع من الصبح للكليه
وما اشوفها شتلبس وهذا
كله من دلال امي،،،،،
الي خلتها براحتها تلبس ،،،
« غسان اني اعتذر لكلامي بس
صدگ من حركه دمي
حجيت هيج
« لا لاتعتذر عقيل انته ابن عمي
وكلامك،،،صحيح
سكتت وهو ترخص وسد الخط
غمضت عيوني،،،،واجتي چدامي
من اندارت وكالت،،،
« خلينا الرجوله الك عقيل
حواسم،،،،،
« ااااااااخ،،،،ولللج
صحت من كل گلبي وكمت
وضربت الكلاص الشايله بالحايط،،،،،،،
« هاي شبيك عقيل،،،،،
كعدت وجاوبت صاحبي،،،،بتعب
« مابي شي،،،
« شنوو مابيك شي فززتنا
بصيحتك،،،
سكتت وغمضت عيوني بتعب
وجاوبته
« صبلي كاس اريد انسه،،،،،،
اريد اليوم انصطر،،،
وكاس وره كاس وكلمتها ترن بعقلي
وگلبي،،،،وماكدر لا الشرب
ولا سوالف
ربعي تنسيني السمعته
كمت واني احس بثگل براسي
ورحت للسياره،،،مالتي
ركبت بيها وبس سندت ظهري
على الكشن،،،،صفنت بجمود
وفصلت
عن العالم،،،كله
رجعت سنيين ليوره،،،،
وكمت اتذكر
السواه ابويه. عمي واجدادي بأمي
تذكرت ذلهم الها،،،اهانتهم تفرقتنا
عن ولد عمي،،،نظره الغرور
الي جنت اشوفها بعيونه،،،لامي
شفتها اليوم،،،  شفتها وتكررت
ببنته،،،
« ااااخ عقيل شحجاك،،،ليش
ماسكتت،،،،،
ليش ماعفتها،،،
ذبيت حسره من گلبي وخليت
راسي على الستيرن،، وكملت
« هاي الردتها،،،تدخلت وسمعت
گلمه ،،خربطت وضعك كله
ومنين من بنت عمك،،،،،،،نفسه
الي حجه عليك نفس الحجايه،،،
ضربت راسي اكثر من مره بالستيرن
وبذيج الساعه
. تمنيت دلال زلمه
جان سكنت الكبور من زمان
تمنيتها رجال حتى اخذ
حگي منها ،،،،
حركت سيارتي،،،،وره دقائق
ورجعت لبيتنا، ،،،،بس مارحت اله
لاا رحت لبيت عمي،،،،ووكفت
ونزلت وصفنت علي،،،،سواد
گلبي جان مثل سواد الليل
الاجيت
بي يمهم،،،،،،
اخذت نفس طويل وذبيته،،،،
وحجيت بصوت،،،، اسمعه وتردد
وي روحي،،،
،
« اتمنى يجي يوم واكسر خشمج
انتي وابوج،،،،، ولج ادفع عمري
كله واشوف نظره الذل بعيونج
انتي وابوج،،،،
حجيت هيج وسكتت وباوعت
بحقد
لبيت عمي،،،،
ناري جانت كلما تطفي وتهدأ،،
يصير شي،،،يخليها توجر من جديد
والايام جانت بيها مفاجات
هوايه الي،،،،،
،،،،،،
يِّتّبِعٌ