انقذني من انتقامي

بارت 3

أّنِقِذّيِّنِيِّ_مَنِ_أّنِتّقِأّمَيِّ
#بِقِلَمَ أّوِتّأّر حٌزِّيِّنِهِ
#أّلَجِزِّء أّلَثّأّلَثّ
،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،
تلك جروحي،،،،، ستخبر ربي
انكم ظلمتوني ،،،،،
ستخبره،،،انكم شرعتم شريعه
ليس في كتابه
ولا في  سنه رسوله
ربي اوجدني ،،،من ضلع ادم
الذي ،،،،،،،،ظلمني ونسى
اني جزء منه،،،،،
ربي لم يظلمني عندما خلقني منه
حشاها
لانه ارحم بي
من الذكر ،،،،،وباقي البشر،،،،
وبيوم الحساب
لن تنفعكم اعرافكم،،،ولا
قوانينكم
ولا سطوتكم وقوتكم،،،،
لانه ببساطه اقوى منكم
لانه الجبار،،،،الذي سياخذ
حقنا منكم
وحق نبينا لانه وصاكم بنا
لاننا نحن من شبهنا
بالقوارير،،،،،نحن ،،،ارق من ندفه
الثلج ،،،،،نحن
حواء التي خلقت في الجنه،،،
وكنا ولازلنا امانه رسوله الكريم
التي لم تصونها،،،،،،
وعقابكم سنراه باعيننا يوم لاينفع
لا مال ولابنون،،،،
،،،،،،،،،،،،،،،،،،،،،
نمت اني ودموعي وجروحي
بفراشي بدون عشه،،،،،
وكمت احجي وي نفسي بصوت
ناصي
واني اشهك
« يمه الحكيني،،،يابه
لييش عفتني
تعالوا عليه،،،ضربوني،،،
وطلعوا دمي،،،،
ظليت انوح،،،بمكاني
وااني اتلمس،،،بكدمات جسمي،،،،
وادعي،،،بگلبي عليهم،،
ومااعرف شلون غفيت،،،بين النايمه
والكاعده،،،سمعت الباب انفتح
بقوه،،،وصوت صاح بيه
«كوومي،،،ولج بنت القندره
نايمه بتخت التسوها
والتسوه اهلها،،،،
فزيت،،،من مكاني،،،من سمعت
صوت ساجد،،،،،،وهو اجه وجرني
من ايدي ووكعني بالكاع ودفرني
برجلي،،،
« نامي بالكاع،،،،،،،،بنت النعال
والله اذا شفتج بعد نايمه،،،هنا الا
اشعلهم لاهلج
زحفت ليوره من شفت عيونه تجدح
ويحجي بعصبيه،،،
ودنكت راسي واني خايفه منه
وهو كعد،،،وكام يدخن ويهز برجلي
ويباوع عليه ،،بحقد
« خرب صفحه اهلج،،،،،،،ومن
ساعه السوده،،،،
الي وافقت حقي وكتله ايي،،،
حجه هيج وكام، ،،واني لزكت
بالكنتور،،من خوفي منه وهو اجه
ونزل على ركبه،،،،ولزم وجهي
وصاح بيه،،
« باوعي عليه ولج،،،
رفعت راسي
وغمضت عيوني،،،من شفت
الحقد،،،،، والكره بعيوونه وهو
حجه ونفسه الحار
يطخ بوجهي،،،،،،
« اياج اسمع حسج بالبيت ومن
اطب
مااريد اشوفج چدامي،،،،،
خلقتج الزفره هاي مااريد اشوفها
لان تذكرني باخوج،،،،الترس
حجه هيج ودفعني وكام وهو يعض
بايده وكمل
« ااخ منك حقي والله لوما انته،،،
الا،،،لاگتله،،لهذا الگواد الترس،،،
ومااخلي يشتم الهوه بعد
حجه هيج وضرب الجربايه برجلي
وكمل وهو يباوع عليه،،،،
«ولك،،،،، احنا بحال فلوس لو
نسوان،،،،،بحال هاي،،،
اشر عليه باشمئزاز،،،،،، وحقد
وكعد وهو يمسح بشعره،،،
ويحجي عليه
لميت روحي بعد اكثر واني
خايفه منه
وكتمت صوت البجي مالتي،،،
وره دقائق سمعته كام
رفعت راسي اله،،،،
وباوعت علي،،،،وفكيت عيوني
ونفسي ،،،،،،ضاك من شفته
نزع دشاشته،،،وشمرها علي
خوف تلبس بيه،،،وجنت عبالي
راح
يعتدي عليه،،،،بس هو
راح طفه الضوه،،،،وتمدد على
الجربايه،،،وخله ايده على وجهه
ذبيت النفس الكاتمته،،،،براحه
وظليت اباوع علي،،،واني ساكته
وكاتمه صوتي،،،،،
كتمت كلشي لا حركه ولا صوت
حتى  لايكعد ويضربني من جديد
ومن التعب والضرب ،،نمت بمكاني
بدون شعور رغم
بطني جانت تلويني من الوجع والجوع ،،،،،،
،،،
وي الفجر،،،،،حسيت
برجل ضربتني،،،بخاصرتي،،
فزيت وكعدت واني عبالي ساجد
بس الي شفته هي هاي البنيه
السمينه الي اسمها سعديه
« كومي بنت المسعده ،،،شعندج
نايمه للضحى العالي،،،شعبالج
انتي بيت ابوج،،،
كمت بسرعه،،،واني خايفه منها
وهي كملت،،،
« امشي وياي،،،،،،
طلعت وراها من جرتني،،،من
هدومي،،،ووكفت وحجيت
بخجل
« عفيه اريد اروح للحمام
« من غسلوج وجفنوج،،،كولي امين
امشي ذاك الحمام،،
اشرت على ممر خالين عليه برده
ومشيت اله،،،
غسلت وجهي وشفت بالمرايه،،
جوه عيوني ازرك،،،،،وحنجي
هم،،،،دمعتي نزلت،،،،،،،
وحجيت وي روحي بقهر
« وينج يمه وينك يابه،،،
تعالوا شوفوا حالي انذليت
وانضربت من اول يوم ،،،
وخرت الربطه من شعري
ولزمت راسي كوه
لان جان يدك ،،،،،واحسه
راح يطگ من الوجع
« يله خاتون شنوو نمتي جوه
لو طمستي بالطهاره،،،
سكتت ماجاوبتها
وعدلت ربطتي،،،،،،،،وطلعت
واني مدنكه راسي،،،،
اخذتني للمطبخ،،،الي جان جبير
كلش،،،واثاثه مرتبه،،
جانت ريحه الجاي فايحه
واكو صينيه، ،،ريوك محطوطه،،،
على الكاونتر،،،،
«امشي اتزقنبي. ،،،،،خلي نفض
شغلنا. من وكت ،،،
حجت هيج،،،ومشت من يمي
وطلعت،،،من باب
المطبخ لبره،،،
ظليت واكفه بمكاني،، واني خايفه
وعيوني تفتر علي المكان،،،وكلام
وي نفسي كمت اردده،،برعب
« هسه يطلع واحد منهم
ويضربني،،مثل البارحه
افكار دارت براسي مخربطه
مثل حياتي الي تخربطت بين ليله ويوم،،،،،،،،،بس مثل مايكولون
الجوع ظالم
وغلب خوفي بالاخير
مشيت،،،،، للكاونتر واخذت خبزه
من الصينيه
وكمت اكل بسرعه واني
التفت يمنه ويسرى اخاف احد
يجي،،،،،وبس سمعت صوت وراي
فزيت،،،واندرايت بسرعه
وشفت بنيه اكبر مني بهوايه
واكفه وصافنه عليه،،،
« لييش واكفه وتاكلين،،،امشي
اكعدي وخلي الصينيه بالكاع ،،واكلي
مثل البشر
سكتت ودنكت راسي،،،
وهي اجتي وصبت جاي وخلته بالصينيه
وشالتها وخلتها بالكاع
« تعالي اكعدي واكلي
ماحجيت شي بس هزيت راسي
ورحت كعدت على الجدوليه،،،،
صفنت عليها،،،،شلون ظلت
يمي تشتغل وهي ساكته،،،
وشفتها تشبه ساجد وعرفتها
اخته
« انتي شسمج،،
« كوثر،،،،
جاوبتها بخوف،،،
« اني علاهن،،،،،اخت الكتله اخوج
سمعتها كلامها وغصيت باللكمه،،،،،
ودنكت راسي،،،،
« كملي بسرعه
وامشي وياي،،،لاتجي سعديه
وتضربج ،،،
عفت الاكل،،،وكمت وشلت الصينيه
وخليتها على الكاونتر،،،
« تعالي،،،
مشيت وراها بدون كلام،،،
وطلعت واني،،،بس اتصفن
بيتهم جبير كلش،،،،وبنائه
بذاك الوكت
حديث ومرتب،،،حديقه
جبيره اكبر من بيتنا بهوايه،، ومزووعه،،،،،،،،،زرع يخبل
والاشجار تارستها،،،،
« تعالي لاتظلين واكفه وصافنه
انتبهت لعلاهن من حجت،،،
ومشيت وراها، ،،،،
طبت من باب،،،،،واني وراها
وكفت وصفنت ،،،جانت قطعه،،،
جبيره وبيها،،،،،،،ابقار،،ودجاج،،
وبط،،،،
« امشي اخذي هاي السله
ولمي البيض
مديت ايدي،،واخذت السله مال الخوص ،،،،،وهي كملت
« روحي لذيج الدامه ولمي البيض
« هااا،،
ماعرفت شنوو تقصد
« ذاك المكان،،،شبيج ماتعرفين
شنوو دامه
حجت واشرت على غرفه مبنيه
من طين ومسكفه،،،،بسعف مال نخل
مشيت واني خايفه من الابقار،،،،بس
من شفتهن رابطيهن،،،
بوتد بالكاع،،،،،، كلت. الحمد لله
ووكفت من شفت،،،
علاهن كعدت ،،،،،،وكامت تحلب
بوحده منهن ،،،،،،
وهي باوعت عليه واني
طبيت بسرعه
وكمت الم بالبيض،،،،،،
كملت وطلعت،،،،وهي شالت الصطله
ومشت واني وراها،،،
« خلي ننظف مكان الهوايش
ونخلي الهن علف،،،
ماافتهمت وهي،،،عرفت وكملت
« مكان البقر،،،،،
هزيت راسي الها،،،ومن ردت اطب
وراها صاحت بيه
«اوكفي لاتفوتين بهااي الشحاطه
خلي اجيبلج،،حذاء مني
وكفت بمكاني، ،،وهي راحت واجتي
وره،،،دقائق وشايله حذاء
« هاج البسي
اخذته وشفته لاستيك،،،
ولبسته،،،وخليت شحاطتي،،،يم
البوري
ورجعت عليها
كمت شسوي اسوي والشغله
الماعرفها
هي تعلمني عليها،،،،،
نفسي لعبت من شفتها،،كامت
تلم بالفضلات،،،مال الابقار
وتسويهن
شلون ،،،،،القرص وتخليهن على
حايط عريض،،،مكدرت اشتغل،،
مثلها وظليت بالكرك انظف واخلي
يمها،،،،
روحي،،،طلعت،،من الريحه،،،
وعفت الكرك ولفيت الربطه على
وجهي مثلها ،،،،ورره وين،،
كملنا،،،
« روحي غسلي،،،اني راح اعلف
الهوايش،،،
ماصدكت،، كالت روحي
طلعت واني احس بروحي،،،وصخه
كلش،،،،وكبل للبوري،،شفت صابونه
على الحوض ،،،الي موجود نفسه
بيتنا،،،اخذتها
وغسلت ايدي،، وكمت اذب مي
على وجهي،،،،،،،،،كملت وهي اجتي
وراي غسلت،،،وغسلت حذائها،،
وخلته على الحايط اليعزل الابقار
عن المكان الي احنا بي
سويت مثلها،،،،،،،وهي
كالت
« تعالي خلي نودي الحليب،،
لامي حتى تجبنه وتسوي خاثر
ماافتهمت،،،،،،شي ومشيت وراها،،
واني شايله السله،،،،مال البيض
من نفس الباب طبينا،،
وطلعنا على البيت،،،
بالمطبخ،،،شفت امها كاعد ومدنكه
« يمه ترگيتي ،،،،
امها رفعت راسها،،،،،وباوعت عليه
شفت عيون الضابط،،،،،،،،،بيهن
حقد،،،وكره خلوني ادنك راسي
وعلاهن حجت
« كوثر روحي ،،،،،نظفي البيت
المكانسه جوه الدرج،،،
مشيت بسرعه،،،،،وعفتهن
بالمطبخ وسمعتها حجت
« ااوف يمه،،، ،،وينك يابه،،
تعالوا شوفوا حرگ قلبي،،،تعالوا
شوفوا ناري الي مابردت،،،،
ام حقي سكتت وكامت
تضرب على رجلها بقهر وكملت
وهي تبجي وتنوح
«ولك يمه محمد يبو طول الحلو
نمت بالگبر،،،وانذب عليك التراب
والكتلك طيب،،،،،، ويشتم الهوه
واخته تفتر چدام
عيوني ،،،،،،
« يمه كافي سكرج راح يصعد
« وينه ويصعد ويگتلني،،
ولج اني محد ديحس بيه،،ولا بالنار
الي بگلبي
علاهن سكتت، ،،وامها كملت
« ولكم اني دفنت وليدي،،،،العريس
دفنت وصله من گلبي ،،،اووف يابه
فراگگ يايمه يامحمد ،،راح يموتني،،،
حجت هيج،،،وكامت تبجي وكملت
وره لحظه
« يولي
هاي مااريد اشوفها،،،،،،خلي من
تشوفيني تولي بغير مكان،،،،،اكلها
وشربها بغرفتج،،،، افتهمتي
« ايي يمه ابويه هم كال هيج
ووصه ،،،
« الله ياخذها هي واخوها،،،،
ام حقي
حجت هيج وفتحت ثوبها وشغرت
للسما،،
« ربي بجاه كلمن عنده جاه عندك
طلقه بقلبه لكتل وليدي،،،اريد
حگه منك،،،،،،اريدك انته تگتله
مثل ماگتل
محمد اريد گلب امه يحترگ
مثل ماأني هسه گلبي محروك
كلامها لام حقي سمعته،،،ومن دعت
على اخويه زرفت گلبي،،،،
ورغم السواه،،،،،،بيه مكدرت اكرهه
ولا احقد عليه،،،،،لان يظل اخويه
رغم افعال بعض الاخوه والاخوات
ورغم قسوه الام والاب،، مانكدر
نكره اي احد منهم،،،
لان الكره جان ماموجود بقاموسنا
بذاك الوكت ،،،،ولا نكدر
نقاطعهم
لفتره طويله،،،، لان يبقى الدم يحن،،
وصله الرحم،،،،،،،،تدور عليهم
واحنا،،بحد ذاتنا،،،نبرر الهم افعالهم
ونلتمس الهم الاعذار،،،،،حتى يبقى
الود والرحمه،،،بين القلوب
،،،،،
وراضي،،، بعد ماطلع وره فتره
جان حاله،،،،،
مو احسن من اخته،،،،،،كوثر ،،،،
الهم وعذاب الضمير كتله،،،،
وظل يردد اكثر من مره
« يابه شلون،،انطيت اختي،،،الهم
هذوله راح يذلوها وياذوها،،،ولكم
جان خليتوهم يعدومني،،،،،،
جان خليتوني انسجن،،،
لييش هيج تصرفتوا،،،،
« بعد مايفيد الحجي راضي،،
اختك راحت وصارت بذمته للكتلت
اخوه،،،ويجوز،،هسه
ابوه سكت،،،وامه،،،شهكت بالبجي
وراضي سكت،،،ودنك راسه
وحجه وهو يبجي
« ااخ يابه،،،،،،ولكم اااخ لوميت اني بمكانه هوايه احسنلي،،،
« حجيك بعد مايفيد راضي،،،
لان كوثر راحت وانتهى موضوعها
وهسه. بس الله اليدري شديصير
بيها،،،
« اووف يمه ولكم،،، گلبي مو مرتاح
واحس بنتي ديأذوها،،،
گلب الام دليلها،،،،،،،وابدا مايخطأ
بولدها،،،،،،،وبنتها جانت،،بعذاب
ماله نهايه،،،،،
،،،،،
شهر مر عليه ،،،،،،بيت
اهل ساجد،،،وبيوم الصبح
الباب اندك،،،،،،،،علاهن راحت علي
ورجعت بسرعه،،،وحجت وياي
« كوثر امج بالباب تريد تشوفج
امشي شوفيها بسرعه،،،لايجي احد
بس سمعت كلامها
طلعت امشي  بسرعه
وروحي مفرفحه،،،
اني شفتها بالحوش بعد خطوات عن الباب ركضت الها،،،وذبيت
روحي بحظنها شهكاتي وشهكاتها حجوا
القهر الي بقلبنا ،،،ومن حجت
افتهمت كوه لان صوتها جان
مخنوك
« شلونج يمه كوكه ،،،
حجت هيج ولزمت وجهي،،،وكملت
بلهفه
« خوما ديأذوج ،،،ضربوج يمه
احجي،،،،،، شي لاتظلين ساكته
ولج من قهرج صار بي ضغط وكمت امووت وراج
فتحت عيوني،،،وانتبهت لامي شلون
ضعفانه وصايره صفره،،،وبلعت غصتي
وحاولت اطمنها واني
اريد واحد يطمني على روحي
« لا يمه مابي شي شوفيني،،،
جاوبتها وهي صفنت عليه بنظرات،،
محد يفهمها غير الام نفسها
وحجت
« يمه اني هناك وقلبي ناغزني عليج
واكول هسه ضربوها اذوها،،،
لكوثر،،،
حجت هيج واني لميت روحي بحظنها
وكمت ابجي وهي كملت
« اووف يمه،،،قهرج راح يموتني
والدنيا ظلمتج وانتي بعدج صغيره
حظنت امي بقوه
واني اتمنى تاخذني وياها،،،بس صوت علاهن من حجت
خلاني اوخر منها واني
امسح بدموعي
« كوثر خلي امج تروح ،،،امي كعدت
واخاف تشوفها ويصير
شي موزين،،،،،
« رايحه يمه والله يرضى عليج
ويفرحج مثل مافرحتيني،، بشوفه
كوثر
امي حجت هيج،،،وانطتني جنطه
وكملت
« هاي غراض الج اخوتج وابوج
انطوني فلوس واشتريتهن الج،،،
وهاي فلوس خاف تحتاجين شي
« يمه مااريد شي ومو محتاجه،،،،
بس شوفتكم
حجيت هيج وغصيت بالبجي
وهي وياي،،،حظتني وبوستني
من وجهي وراسي وعلاهن حجت
وهي
تباوع ليوره
« خاله على بختج روحي تره بس يشوفج تصير مشكله الي والها
« لاا يمه رايحه
امي حجت هيج،،،وراحت للباب
مشيت وراها مثل الجاهله،،،وهي
اشرت الي وكالت
« ارجعي يمه،،واني كل فتره اجي
اطمن عليج
وكفت بمكاني وظليت اباوع للباب
شلون سدته علاهن واجتي بسرعه
عليه ولزمتني من ايدي،،،
واخذتني جوه اني والجنطه،،
جنت فاصله عن العالم ووشوفه امي
رجعتني لحظنها،،،ولذيج الايام،،
الحلوه،،،الي ماتتعوض اي لحظه
بيها،،،،،،
الحنيه الشفتها بيت اهلي
شفتها اضعافها بيت ساجد بس
بالعكس ،،،،، وماتغير شي بيهم
نفس الاهانه،،،ونفس
العذاب،،،،،،،،وجانوا يكوميني،،
كومي،،، ولج،،،،،،
واكعدي ولج
واقربائهم ،،،،،،،،،من جانوا يجون
جنت اسمعهم
يحجون عليه،،،،،واسم الفصليه
مايوكع من حلكهم ،،،،،،
« اكولج سعديه،،هي هاي الفصليه
الاخذتوها لساجد ،،،،
« اي خاله كريمه ،،،،،،هي
« شسمها ولج،،
«كوثر ،،،،،،اسمها
« هي حلوه بس مابيها لحمه
مو مثلج راينه وتترسين العين،،
سعديه ضحكت وخلت الجاي گبال
خالتها،،،الي كملت وي اختها
ام حقي
«اكول ام حقي هوو اخذها،،
« لااا ام جاسم ،،،
« هااا اي اني هم سمعت هيج
حجي
« منيين سمعتي
« من ،،،،،مرت اخوج بدريه،،
ام حقي سكتت واختها كملت،،
« ام حقي انتوا،،،،، بعدكم تريدون
تماضر موو
« اي بعدنا،،،،بس اخوج محمود
راكب راسه ومايقبل ينطيها،،،
« ايي ادري بي،،،وابو جاسم
حجه ويا واني هم ومفاد
حجينا بي،،انتي
ليش ماتروحين اله وتحجين ويا
« على بختج خيه كريمه،،،،،
تريديني اروح واخطب،،،لابني
وافرح واني وليدي تراب گبره
مانشف بعده
ام حقي حجت هيج وكامت تبجي
واختها لزمت،،،ايدها،،
وكامت تهدي بيها
«اسكتي خيه وحگج عليه
والله اني،،،حجيت هيج من خوفي
لاتروح تماضر من ايد ساجد
ام حقي مسحت دموعها بفوطتها
وسالت اختها
« لييش شسمعتي انتي،،،
« راح ،،،،،احجي الج السمعته
بس الادكولين اني الحجيت
امانه الله ورسوله
« لا وروح ابوويه مااحجي
« اني سمعت ابن اخو بدريه رايدها
واخوج موافق،،،هو وبنته وامها
« واخويه شلون ينطيها وهو يدري
بساجد يريدها وگاتل روحه
عليها
« اخوج يكول بعد مالهم قسمه يمي
ماطول ابنهم تزوج،،،
« والله لو يسمع حقي الا يتخبل
« عجل،،،، ليش ماتحجين اله
بلكي ،،،،،،هوو يگدر يتصرف
« اني احجي ويا بس يجي.
الخميس من بغداد هو وعيلته،،،،
ام جاسم عدلت
كعدتها ولفت الفوطه مالتها زين
وشربت الباقي من چايها
وكملت،،،،
« اكولج،،،، خيه هي سحر بعدها
على زياد،،مصار شي بالطريق
« لا كريمه،،،على حطه ايدج
« هاي بزرها عزيز،،،مثل امها،،،،
« ايي اني هم كلت للحجي،،،
نفس سالفتج،،،،
« اني ادري حقي منين جابها عليكم
اشو بناتنا،،،يخبلن وامهات بيوت ووحدتهن خلفت. درزن،،،
« خيه عشگها وعشگ عيونها الخضر
وهي وامها جلبن بي من شافنه
ضابط ورتبه،،،
« ايي والله امهات بغداد منوو
يكدرلهن ملعبات،، ويبوكن الگحل
من العين
ام جاسم حجت هيج وعوجت حلگها
من فاتت كوثر من يمهم
،،،،،،
رحت انطيت الفضلات
مال الغده
للدجاج ورجعت،،،ووكفت من شفت
ساجد كاعد يم البوري ويغسل،،
« غده ولج على السريع،،،
حجه وياي،،،وهو ميباوع عليه،،
« ايي هسه ،،،،
جاوبته ورحت،،،،،،صبيت غده،،
واخذته للهول،،،،،،،
خليته كدامه،،،،ووخرت
« سويلي،،،چاي وراي
طلعه،،،وطلعلي غير هاي الهدوم
اريد اسبح،،
هزيت راسي ومشيت بسرعه،،،
حتى اسوي،،،،،،،،،،، ،شغلته،،،،،
لان،،،،،،، اعرفه اذا اتأخر عليه راح
يبدي يغلط عليه ويضربني ،،،،
حظرت ملابسه،،،،وخليتهن بالحمام
ورجعت شلت الصينيه،،،من يمه
« چايج،،،
رحت صبيت الجاي اله ووديته
خليته گدامه،،،،،،،ورجعت
للمطبخ جلفت المواعين،،،
والاستكانات،،،،،،اني بالمبطخ،،،
سمعته صاح،،،
« ولج بنت القندره وينج،،،
رحت اركض اله،،،،،وطبيت للغرفه
وجاوبته بخوف
« هااا وسكتت من شفته
واكف، ،،وبس الشورت لابسه،،
دنكت راسي بسرعه ورجعت لليوره
وهو صاح بيه
« ولج غبيه ليش مو معلكه الدشاشه
زين،،،لكيتها واكعه بالكاع
« لاا والله علكتها زين،،،،،،
بس،،،يجوز ،،
ماكملت كلامي لان قاطعني
بصياح
« ولج ليييش تجاوبيني
بخطوه وحده صار كدامي،،
وايدي من جرها بقوه حسيتها
انخلعت من مكانها ،،،
« عفيه لاتضربني والله مو
متقصده،،،اجاوبك،،،
حجيت هيج واجتني كفخه على
راسي ،،،
« بنت النعال من احجي لاتردني
اسكتي وخلي قندره بحلكج
سكتت وكمت ابجي،،،وهو دفعني
وراح،،،،،، للكنتور فتحه بقوه
واخذ دشاشه،،،،وصاح بيه
« امسحي شحاطتي لا اجي
ادفنج
مشيت،،،اني ودموعي
طلعت الشحاطه،،،من الميز
مسحتها
وهو اجه جرها من ايدي بقوه
وكال،،،
«ولج،،،،،، والله لوما يكولون
گتل،،،،،،،،،،، مره بدال اخوه جان
كتلج من زمان،،جان نيمتج
بصفه للغالي، ،،بس اااخ
حجه هيج وعض ايده وضربني
على راسي،،،،وطلع وهو
يغلط عليه وعلى اهلي ،،،
ساجد
اشكر،،،،،،وعيونه عسليه
فاتح،،،وحنطاوي،،،،،،وضخم
بس اخلاقه صفر
جان ماعنده اسلوب
وياي ووي خواته
الولد جانوا مايحترمون
خواتهم ،،،،وحسيتهن مثل الخدم
الهم،، واذا وحده تأخرت بشغله
عليهم،،،،،يغلطون عليها،،،ماعدى
حميد. ،،،جان يختلف هادأ،،،وحنين
علي خواته وعليه ومايقبل على
تصرفات
اخوه
وجانت الي تجاوب منهن
تنگتل،،،،،،،،،،،بيت ابو ساجد
اربع اخوه حقي الجبير ووراه حياه
المتزوجه ابن عمهم،،،ووراها حميد
عاقد على بنيه گرايبهم
وراح يتزوج بس تطلع السنه مال
اخوه محمد
وعلاهن،،،،،ووراها،،ساجد ووراه
محمد الي مات
وسعديه،،الصغيره
الي جانت مخطوبه لجاسم
ابنه خالتها
كل الي بالبيت وحوش وياذوني
ماعدى علاهن وحميد
الي مااذوني
بشي
بس، ،،،،،،، مرات من نشتغل
اني وياها
تذكر اخوها وتلوم بأخويه،،،
وتسكت وره فتره من تشوفيني
ساكته واني ابجي،،،،
،،،،
شهرين مرن واني
مثل الخدامه بيتهم
وساجد ،،،،،،اكثرهم اذيه الي لان
ذنب،،،،،،،،،،اخوه ماخلصت منه،،،
وجان لازم ادفع ثمنه،،،
وثمنه دفعته،،،،،،،من ظل
حقي يروح ويجي،،،على بيت خاله
حتى،،،،،، يقنعه ينطي بنته لاخوه
وبكل مره جان يرفض،،،،
والرفض جنت ادفع ثمنه اني،،،لان
ساجد جان يطلع قهره بي،،،
وجان يضربني ،،،، ضرب مال كفار
ومايخلصني منه غير اخوه حميد
وعلاهن،،،،
وبيوم،،،،،،،صار الجنت خايفه
منه،،،،،،،صار شي ربطني بساجد
وبعذابه،،،،للابد
بيوم الخميس،،،،اجه حقي هو ومرته
وابنه زياد ،،،،،،،،،وهم مثل كل
مره من تجي مرته
اظل واكفه وصافنه عليها،،
ام زياد حلوه كلش،،،وشعرها اشگر
وعيونها خضر،،،وجانت سافره
مالابسه ربطه،،،،،،،انيقه بشكل
وملابسها جنت اشوفها بالمجلات
الي،،،،،، جنت اخذها اني وخواتي
من مهى بنت الخياطه ام رفعت،،،،
حقي اتزوجها،،،،،،،،،من شافها
مره ،،،،،،،،جايه على صديقتها الي
تصير اخت صديقه،،،،ومن نظره
عشكها وحبها،،،،،اهله جانوا
مو راضيين بس محد كدر
يحجي ويا،،،،،
وجنت اشوف بعيوني
شلون يفرحون من يجون ،،
ويتملقون الها ،،، خوفا من حقي،،
الي ،،،،،،،محد يكدر يحجي ويا،،،،
رغم بعده عنهم وسكنه ببغداد،،،
جان مصيطر، ،،عليهم وعلى شغلهم واملاكهم كلها،،، بيت الحجي
عدهم بيوت 3 وكاع
جبيره بمنطقه زراعيه،،،وجنا
بين،،،،،،،،، يوم ويوم نروح للكاع
مالتهم اني وعلاهن وسعديه،
وساجد
وحميد نحصد الزرع وي الفلاحيين
الي ،،،،،،، لازمني كاعهم
ونرجع وي المغرب
شغل وگراب مو متعلمه عليه
وتعبني
كلش، ،،عكسهم هما الي احسهم ابدا مايتعبون،،،شما يشتغلون،،،
وجان حقي يجي حاظر محظر
كل خميس ياخذ مخضر وحليب وجبن
ولبن،،،ويظل خميس وجمعه ويرجع السبت من الصبح،،،،
،،،،،،
وبيوم الخميس،،،،اجوي ومرته طبت
وهي تطك بكعبها بالكاع،،،
والشعر مشسور،،،،،والريحه من امتار
نشمها
« شلونج خاله،،،
« هلا يمه،،،شلونج انتي زياد
وينه،،
« هيانه وي حقي،،
« شلونج كوثر،،،
تقدمت عليها وهي بوستني
وكعدت وهي تهفي،،،،،،،لروحها
وحقي،،،،،، طب وهو يضحك وي
ابوه،،،وبس شافني عكد حواجبه
وباوع عليه بضوجه،،،وحجه
« روحي كولي لسعديه خلي تجيب
النا مي
مشيت من يمهم بسرعه،،
ورحت كلت لسعديه،،،،وهي حجت بضوجه
« ايي مو احنا خدم لست الحسن
مالته،، الي تجي ملكه
وتطلع ملكه،،،
« عجل شلون ولازم احنا اندللها،،
دلال چثير حتى اخوج يرضى
علينا،،،،
علاهن جاوبنتها وانطتها دولكه المي والكلاص وذيج راحت تدردم وبس
وصلت للهول سمعناها
ضحكت وكالت
« هلا سحر شلونج الحمد لله على
السلامه
صفنت على علاهن،،،الي
ضحكت وكالت
« شنسوي،،،،عيني بس نگلب
خلقتنا بوجهها ،،اخونا يجي
يحاسبنا
« بس هوو حتى وياها قاسي
ومايسمع الها كلمه
« ايي عيني هو حلال يغثها
ويصير عصبي عليها،،،بس
غيره لااا يعدموا،،،،
ابتسمت من حجت هيج واشرت
على ركبتها،،،وهي كملت
« امشي خلي نخبز اني وياج ونذب
الغده براس هاي الهايشه
علاهن وسعديه،،،،،،،دائما متناكرات
ذيج تصيحلها عوده وعلاهن تردها
هايشه،،،،،،،،،،،سعديه دومها
تخبث عليه
وعلى علاهن،،،ودائما تأذيني
بالكلام،،،،واني جنت مااجاوبها
لان اخاف منها،،،
وظليت وي علاهن،،،،،،،ونومتي
وكعدتي كلها يمها،،،،،،، لان ساجد
طردني من يمه،،،،،من ثاني يوم
ابوه ماقبل،،،،،، وكله اخذها بس
هو ماقبل، ،،،ورفض واني ارتاحيت
لهذا الشي بس راحتي،،،خلصت
من اجوي بيت حقي،،،،،، وراح
لبيت،،،خاله محمود،،،
وبده عذاب جديد اسمه،،،،
الحقوق الزوجيه ،،،
يتبع
،،،،،،،
مساء الخير لكل متابعيني،،،
حبيت احجي وياكم،،،هنا
واعتذر عن
الالفاظ الي دأستعملها بقصتي،،،،لان
حسيتها جرحت بعض الناس،،،،
احب اوجه اعتذراي الهم،،واحب
اوضح الهم،،،شي
قصه انقذيني من انتقامي
ترددت هوايه
بنشرها ليييش
لان تمس شريحه معينه من الناس،،
وهم اهلنا الشروگ،،،الي هو اصل
نفتخر بي كلنا،،،،كلكم علي راسي
وقصتي الكم حتى ابين
مثل مانوهت
ببدايه قصتي الظلم الوقع
عليكم
بذاك الزمن الغابر،،،،
حبيت قلمي يكتب
شي ينصفكم
كلكم لان عقيل قريب عليه كلش،،،
حبيت اشوفكم معاناته الي عاشها
وطفولته الي تعذب بيها،،،
لان امه فصليه،،،
هوايه اشياء راح تكتشفوها
بقصتي،،،بدت بذكريات الزمن الماضي وطيبه اهلنا والفصليه
وعذابها بعيده عن زخرفه
بعض الكاتبات مع احترامي الهن،
وحب من طرف واحد رغم الاذيه
ونظره المجتمع انذاك،،
لفئه معينه من الناس،،،،،،،وهوايه
امور ،،،،،،،راحوا تكتشفوها بقصتي
هذا اذا سلمت من البلاغات،،
هههه،،،،
تحياتي لكم واعذروني على الاطاله
وياكم واستمتعوا بالبارت وسمعوني
رأيكم بي،،،،
تحياتي لكم
اوتار حزينه