" وقف الجميع يشاهد الانفجار بصدمة إلا رائد ووالديه وكأنهم توقعوا حدوث هذا "
- قاطع إياد مشاهدتهم قائلاً: لازم ناخد رائد وأهله لبيت الغابة بسرعة قبل ما الشرطة توصل وبعدين نشوف هنعمل معاهم اي
- أردف مالك قائلاً: ماشي مقدمناش غير كدا اصلاً
- تيم مقطباً جبينه: بس احنا معرفناش اي اللي جوا القصر وكمان انفجر ازاي
- أجابه إياد: نفهم بعدين مفيش وقت ومينفعش نفضل هنا
" ليتحركوا جميعهم بسياراتهم ومعهم عائلة الشريف مبتعدين عن مكان الانفجار وبعد ساعتين وصلوا أخيراً لمنزل ضخم داخل غابة مخيفة ومظلمة ليهموا بالدخول وقد بدا من هيئة المنزل أنه لم يفتح منذ سنوات طويلة"
- إياد: هنحط كل واحد في اوضة منفصلة ونربطهم كويس.....وأشار ليائير قائلاً: وابعت للحراس يجوا يراقبوا البيت يا يائير
" أومأ يائير إيجاباً وبتعد لأجراء مكالمة"
- رمقت كاميليا رائد ووالديه بتعجب: هو أنتم ساكتين ليه!! مش هتحاولوا تهربوا تصرخوا وتزعلوا على قصركم اللي نفجر دا
- ايتن: ما بقاش في فايدة من الكلام دا احنا خسرنا كل حاجة، احنا خلاص بسبب غلطة قتل مكيه انتهينا تماماً وسواء أنتم قتلتونا او هما مش هتفرق
- رائد بنبرة غضب: اسكتي يا ماما
- ريان: اللي هما مين بقى قوليلنا
- إياد: الوقت مش مناسب للكلام دا لازم نرجع القصر كلنا بسرعة اكيد خبر الانفجار أنتشر وباقي العيلة قلقانين علينا
" ليصعدوا جميعهم للسيارات للعودة للقصر بعد أن عزلوهم في غرف مُنفصلة وقاموا بربطهم جيداً ووضع حراسه لتأمينهم"
- تيم بضحك بجانب ريان في سيارته: حاسس اننا بقينا عصابة خطيرة
- ريان بضجر: عصابة اي دا انا مدايق أن إياد مقتلهمش على طول
- طالعه تيم بنظرات حادة وقال: إياد عايز يكتشف سر القصر مش بس ينتقم لمكية علشان كدا سابهم عايشين ومعتقدش أنه هينتقم من رائد بقتله
- ريان بنبرة ضيق: احساسي بيقولي أننا هنتورط في مشاكل كتيره بسبب سر القصر دا بس انا كنت هموت وعرف مخبيين اي جوا
- تيم باستياء: وانا والله الفضول كان هيقتلني
☆----------------------------☆
" وداخل قصر عائلة المُحمدي كان باقي أفراد العائلة وديالا في قلق وتوتر على إياد ومن ذهب معه أيضاً لتمسك ليليان هاتفها لتتصفحه لتخرج صرخة منها فجأة بعد دقائق"
أنت تقرأ
فقيـدتي
Mystery / Thrillerلقد ولدنا أنقياء يا عزيزي ، هم من زرعوا فينا الشر وصنعوا منا وحوشاً وبرغم كل الجرائم التي قُمت بها لم أخدع ولم أخون ولم أكذب ولم أنافق ويسعدني أن ابدأ هذه اللعبة معك ولكن اعلم جيداً أن نهايتها الموت ، انا او انت. - أودري" أحد شخصيات الرواية"
