" عاشوا أكثر من شهر في سلام وطمئنان غير مُدركين لتلك المؤامرة التي تحاك من خلف الستائر، وبينما هو في غرفته يستعد للخروج من القصر أقتحم شقيقه الغرفة فجأة"
- صاح تيم قائلاً: إياد احنا لينا أكتر من شهر عايشين في سلام وهدوء ودا مخوفني...أمتى هيحاولوا يقتلونا تاني بقى زهقت!!!
- نظر له إياد بسخرية وهو يقول: أنت مستنيهم يقتلونا يعني!!...على العموم أعتقد بيخططوا لحاجة بعيدة عن القتل لأن سكوتهم دا مش طبيعي
- هتف بنبرة حماس: بعيدة عن القتل!!! ياسلام على التجديد والإثارة
- ضحك إياد بصخب على رد أخيه غريب الأطوار ثم قال: مشوفتش حد بيفرح بالمشاكل والمصايب قدك
- سأله تيم مُستفسراً: هو أنت مخدتش أي معلومة من راشيل اللي كل شوية تتخانق مع لي لي على المحروص يائير
- جز على أسنانه مردفاً بضيق: محدش يعرف أي معلومة عن المنظمة غير آلبرت والرئيسة اللي محدش كلمها ولا شافها غير آلبرت برضو، الحاجة الوحيدة اللي تعرفها راشيل هو مكان المقر الرئيسي
- نهض تيم من على سرير شقيقه بضجر قائلاً: الرئيسة دي وليه قادرة بصحيح.....أكمل بفضول: هو أنت رايح الشركة؟
- أجابه إياد بابتسامة: لا هوصل عائشة وسديم لبيت عمي عبدالرحمن وبعدها هروح للدكتور النفسي بتاعي
- تيم بتساؤل: هو علاجك دا هيخلص أمتى؟
- إياد نبرة حزينة: مش عارف انا بدأت أفقد الأمل اني أرجع زي الأول ورجع لشغلي، العلاج معتمد على اني أنسى مكية وأتخطى موتها بس انا عاجز عن دا يا تيم، مكية لحد دلوقتي ساكنة عقلي وقلبي، انا ممكن أنسى نفسي ومنساهاش
- ضمه بحنان وأردف قائلاً: مش مطلوب منك تنساها يا إياد دي كانت حبيبتك ومراتك وعشت معاها 5 سنين من عمرك بس أنت لازم تتجاوز وفاتها علشان دي الحقيقة اللي مستحيل تعرف تغيرها، هيبان الموضوع صعب في الأول بس لو أديت نفسك فرصة وكان عندك عزيمة وإرادة هتتخطى اللي حصل
" ابتسم له دون التعليق وتوجه خارج الغرفة تاركاً تيم خلفه"
☆------------------------------☆
" كان يقف أمام سيارته بابتسامة تحدي وحماس وهو يراقب عدة سيارات سوداء تقف أمام مجموعة من الوحدات السكنية لتقطع مراقبته دقات هاتفه"
- فابيان بابتسامة أكبر: مرحباً يا سيدي
- آلبرت بتهكم: لماذا لم تنتهي إجراءات المهمة حتى الآن؟
- فابيان بهدوء: سيدي هذه مهمة غاية في الخطورة وحساسة جداً نحن لا نواجه عائلة عادية أنها عائلة في قمة الثراء والنفوذ بالإضافة لحب الناس لهم بسبب أعمالهم الخيرية فيجب أن تتم المهمة بإحكام دون وجود ثغرة واحدة
أنت تقرأ
فقيـدتي
Mystery / Thrillerلقد ولدنا أنقياء يا عزيزي ، هم من زرعوا فينا الشر وصنعوا منا وحوشاً وبرغم كل الجرائم التي قُمت بها لم أخدع ولم أخون ولم أكذب ولم أنافق ويسعدني أن ابدأ هذه اللعبة معك ولكن اعلم جيداً أن نهايتها الموت ، انا او انت. - أودري" أحد شخصيات الرواية"
