" عاد للقصر بعد يوم طويل ومليء بالأحداث الحزينة والغامضة وأسرار تم كشفها أيضاً ليجد بعض من أفراد عائلته مجتمعين أمام التلفاز يشاهدون فيلماً ومن بينهم جدته"
- طالعها بنظرات غاضبة ليقول بنبرة ساخطة: اي اللي عملتي من ورايا يا تيتا
- التفتت نحوه وقالت ببرود: مش فاهمة عملت اي؟
- اقترب منها وهو في اوج غضبه وقال: عائشة فسخت خطوبتها بكريم، مبسوطه دلوقتي وأنتي بتفرقي بين أتنين بيحبو بعض!؟
- لم تكترث آسيا لكلامه ليأتيه ردها الذي ادهشه: تمام ابقى روح حدد معاد لكتب كتابكم مع عبدالرحمن ويا ريت يبقى معاد قريب لأننا كدا كدا مش هنعمل فرح بسبب وفاة مكية
" برودها وردها عليه أخرسهُ، ظل يرمُقها بتعجب يحاول إيجاد سبب كي لا يحطم رأسها غير أنها جدته وعليه احترامها "
- هتف أركان بنبرة ضيق من افعال والدته وقال: إياد موافقش يا ماما وكمان منعرفش عائشة موافقة بجد ولا اهلها اللي جبروها
- آسيا بنبرة حادة: البنت عاقلة وبتفكر في مصلحة ابن اختها عقبال ما ابنك ما يفكر في مصلحته
" ليصرخ الجميع بهلع بعد تحطيم إياد للتلفاز فجأة أمامهم وبدون أي مُقدمات "
- كاميليا بنبرة رعب: في اي أنت اتجننت يا إياد؟!
- إياد بصوت مرتفع عم جميع أرجاء المنزل: محدش اتجنن هنا غير امك......ليعيد النظر لجدته الجالسة ترتجف أثر صدمة تحطيم التلفاز: الجوازة دي مستحيل تتم يا آسيا ووريني هتجبريني ازاي
" ليصعد لغرفته بدون سماع اي كلمة منها "
- مالك بنبرة رجاء لجدته: طلعي الفكرة من دماغك يا تيتا، إياد هيولع فينا كلنا قريب وكمان جوازهم هيبقى تعيس اوى، هو قلبه مع مكية وهي قلبها مع كريم، هيعيشوا مع بعض ازاي
- آسيا بحزم: ورحمة جدك ليتجوزها وهنشوف مين كلمته هتمشي في القصر دا
- نهضت ليلى من مكانها لتقول بنبرة ساخطة: هو الموضوع بقى عند وخلاص!!
- ليقاطع جدالهم صراخ تيم بانزعاج: أنتم اتشغلتوا مع جواز إياد وعائشة ونسيتوا المصيبة الجديدة اللي بقينا فيها
- ليلى بقلق: مصيبة اي اتكلم؟
- تيم بنبرة ضيق: إياد كسر التلفزيون فمش هنعرف نكمل الفيلم
" ما ادشهم حقاً هو تحدث تيم بكل جدية كأن عدم إكمالهم للفيلم أصبح مشكلة قومية تحتاج لتدخل الأمم المتحدة "
☆-------------------------------☆
" دلف إياد لغرفته ليتفاجأ بوجود سديم بها جالساً على السرير، لتزداد ابتسامته البريئة لمجرد رؤية أبيه أمامه "
أنت تقرأ
فقيـدتي
Mystery / Thrillerلقد ولدنا أنقياء يا عزيزي ، هم من زرعوا فينا الشر وصنعوا منا وحوشاً وبرغم كل الجرائم التي قُمت بها لم أخدع ولم أخون ولم أكذب ولم أنافق ويسعدني أن ابدأ هذه اللعبة معك ولكن اعلم جيداً أن نهايتها الموت ، انا او انت. - أودري" أحد شخصيات الرواية"
