"فتح عيناه بتعب ليجد نفسه في غرفة المشفى ووالديه بجانبه"
- ليلى بفرحة: الحمدلله على سلامتك يا قلب مامتك
- تنهد أركان بأريحية ثم قال: قلقتنا عليك يا حبيبي
- تحدث ريان قائلاً: تبارك فين هي كويسة!؟
- أجابته ليلى قائلةً: اه تبارك بخير متقلقش عليها وأنور معاها
- حاول النهوض من سريره بتأوه من الألم قائلاً: عايز اروح أتطمن عليها بنفسي
- أعاده أركان لسريره وقال بحزم: مينفعش تتحرك دلوقتي...خليك مرتاح علشان تقدر تخرج من المستشفى قبل فرح أخوك
- نظر له ريان بإندهاش ثم قال: فرح أخويا!!! هو إياد هيتجوز التالتة ولا اي
- ضحكت ليلى قائلةً: لا فرح مالك وديالا
- هتف ريان بنبرة ضيق قائلاً: يا ولاد الغدارة...يعني انا مخطوف وبموت والباشا بيتجوز!!! حسابك معايا بعدين يا مالك
- أركان بهدوء: طب انا ومامتك لازم نمشي دلوقتي علشان تجهيزات الفرح
- حاول ريان استعطاف والديه قائلاً: يعني هتسيبوا أبنكم الغلبان مرمي هنا في المستشفى وتروحوا تجهزوا لفرح أبنكم الحقير
- نهضت ليلى بضحك قائلةً: مش هتصعب علينا برضو
"خروج أركان من الغرفة وخلفه ليلى وريان على سريره يشتاط غضباً"
☆---------------------------------☆
"دلف مُلهم لغرفة شقيقه بهدوء ليتجمد عند رؤية مصعب نائماً على الأرض وتحيط به صور غرام من كل جانب"
- ركض مُلهم نحو مصعب بهلع قائلاً: مصعب....يابني حرام عليك اللي بتعمله في نفسك دا
- مصعب بنبرة رجاء: رجعهالي يا مُلهم...انا عارف أنك أنت اللي ساعدتها تهرب....رجعالي وأوعدك اني مش هخليك تتجوزها...انا عايز غرام..عايزها قدامي بس حتى لو هتفضل محرمة عليا
- انهمرت دموع مُلهم حزناً على شقيقه ثم قال: كان يوم أسود لما غرام دخلت حياتك...شايف حالتك بقت عاملة ازاي بسببك حبك المريض ليها
- مصعب بتهكم: أنت مش حاسس بيا علشان عمرك ما حبيت
- هتف مُلهم بنبرة ساخطة: ومش عايز أحب ومال الحب هيخليني ضعيف زيك...اللي عندك دا مرض مش حب أنت لازم تتعالج...انا هاخدك لدكتور نفسي
- مصعب باعتراض: مش محتاج دكتور نفسي انا محتاج غرام بس
- تحدث مُلهم بنبرة حادة قائلاً: قسماً بالله لو روحك فيها ما هرجعهالك...لو هتموت من غيرها..موت
أنت تقرأ
فقيـدتي
Mystery / Thrillerلقد ولدنا أنقياء يا عزيزي ، هم من زرعوا فينا الشر وصنعوا منا وحوشاً وبرغم كل الجرائم التي قُمت بها لم أخدع ولم أخون ولم أكذب ولم أنافق ويسعدني أن ابدأ هذه اللعبة معك ولكن اعلم جيداً أن نهايتها الموت ، انا او انت. - أودري" أحد شخصيات الرواية"
