တစ်စုံတစ်ယောက်ရဲ့လက်ဆောင်ကို ရပြီးချိန်၌ မြရင်ထဲ မတင်မကျ။ဘာအတွက်ကြောင့်၊ဘာကြောင့်ပေးရသလဲဆိုတာလည်းစဉ်းစားလို့မရ။ထိုအမွှေမလေးကြောင့် ဝန်ထမ်းတွေရဲ့ တစ်ခါမှမကြည့်ဖူးတဲ့ အကြည့်တွေကလည်း ခံရသေးသည်။သိက္ခာတရား၊အိနြေ္ဒကြီးစွာ နေတတ်တဲ့ မြအတွက် ထိုကလေးမလေး၏လုပ်ရပ်တွေက သဘောကျစရာမရှိပဲ တွေးတောစရာပင်ဖြစ်နေပြန်သည်။ဒီအကြောင်းသာ တွေးနေရင်ဖြင့် လုပ်နေတဲ့ စာရင်းတွေပင် မှားပေဦးမည်။
"မမ"
တံခါးခေါက်သံနဲ့အတူကြားရသည့်ကြည်ပြာ့အသံ ခပ်ရှင်းရှင်း။တွေးနေရင်း တုန်လှုပ်မိပြန်သည်။တကယ်မလွယ်တဲ့ ကလေးမရဲ့ ဒုက္ခပေးမှုတွေကြောင့် မြအခုလိုဖြစ်နေသည်ကို တစ်ဖက်ကတော့ သိမည်မဟုတ်။
"ဝင်ခဲ့လေ"
တံခါးပွင့်ပြီးနောက်မြင်ရတဲ့ ကြည်ပြာ့မျက်နှာက ပြုံးစိစိနဲ့ ။လက်ထဲတွင်ကိုင်ထားသည်က အငွေ့တွေ့ထွက်နေတဲ့ ခွက်လေးတစ်ခွက်က ကော်ဖီဆိုတာ အသေအချာ။
"မမအတွက်ကော်ဖီ"
"ကျေးဇူးပဲကွယ်"
"မမ"
ပြုံးစိစိလုပ်နေသူက တစ်ခုခုဖြစ်နေသည်ဆိုတာ မြသိသည်။ဟိုကလေးမအကြောင်းသာ မေးရင်ဖြင့် မြအတွက်မလွယ်။အခက်ရိုက်မှာ မလွဲဧကန်ပင်။
"အင်း"
"ခဏတုန်းက ကောင်မလေးကမမအသိလား"
အသိလားတဲ့။မြအတွက်ဖြေဖို့ခက်တဲ့မေးခွန်း။အသိမဟုတ်သလိုရင်းလည်းမရင်းနှီးပါ။မိမိရဲ့လက်လွန်မှုကြောင့် မသိချင်ပဲ သိခဲ့ရတဲ့ လူတစ်ယောက်သာ။
"မဟုတ်ပါဘူး"
"ကြည်ပြာတို့က မမအသိထင်နေတာ ပြီးတော့ ကောင်မလေးက ဆိုင်ထဲဝင်လာတော့ ဘာပြောတယ်ထင်လဲမမ"
"ဘာပြောတာမို့လဲ"
သိချင်လို့မဟုတ်ပဲ ဒီအတိုင်းသာ မြမေးလိုက်လေသည်။ကြည်ပြာစိတ်ထဲ တစ်မျိုးမြင်မှာလည်း စိုးရိမ်မိပြန်သည်။
"မမကိုလိုချင်လို့တဲ့"
"ဘယ်လို"
အံ့သြမှုကြောင့်ကျယ်လောင်လာသောအသံချိုချို။ မြန်ဆန်လာသော နှလုံးခုန်နှုန်း။ပူနွေးလာသော ခန္ဓာကိုယ်။ရှက်သွေးဖြာလာတဲ့ မျက်နှာလေးက ပန်းနုရောင်ခပ်သန်းသန်းလေး။အဘယ်ကြောင့်အခုလိုဖြစ်ရသလဲဆိုတာ မြအသေအချာမသိ။
