အခန်းကျယ်ကြီးထဲ၌ လူနှစ်ဦးရဲ့ ညစာစားဝိုင်းက လူနည်းသော်လည်း ပြည့်စုံလွန်းသည်။စားပွဲပေါ်၌လည်း ဟင်းတွေက စုံလင်စွာပင်။ထိုလူနှစ်ဦးရဲ့ စကားသံတွေက ယခုထိတိတ်ဆိတ်နေဆဲပင်။
"သမီးငယ်ထည့်စားလေ"
နီ့ထမင်းပန်းကန်ထဲ၌ ဟင်းတွေကသာ များနေလေပြီ။ထည့်ပေးတဲ့ ဦးမင်းသစ္စာမျက်နှာကတော့ ပြုံးရယ်ရင်းသာ။
ထမင်းစားပြီးတော့ အချိုပွဲက စားပွဲပေါ်အရန်သင့်ပင်။ပြောစရာစကားရှိ၍ အခန်းဆီကိုပင် နီမသွားဖြစ်သေးပဲ ဧည့်ခန်းမှာ ရှိနေသည်။
"ဒက်ဒီ မနက်ဖြန် မြေကွက်လေလံပွဲတစ်ခုရှိတယ်"
"ဟုတ်လား သမီးငယ်သွားမှာမလား။ရုံးခွဲသစ်အတွက်မြေကွက်ရှာနေတယ်ဆို။နေရာကရော ဘယ်ဘက်လဲ'"
သွားဖို့ဆုံးဖြတ်ထားပေမယ့် တစ်စုံတစ်ယောက်ကြောင့် ထိုနေရာကိုသွားဖြစ်သော်လည်း ကိုယ်တိုင်ပွဲတက်ဖို့တော့ မဖြစ်နိုင်တော့ပေ။
"မဟာအောင်မြေဘက်လို့တော့ တေဇာကြားတယ်တဲ့ဒက်ဒီ။မနက်ဖြန် နီသွားဖြစ်မယ်မထင်ဘူးဒက်ဒီ တေဇာ့ကိုပဲလွှတ်ရမှာ"
"ဘာလို့လဲ သမီးငယ် ကိုယ်တိုင်မသွားဘူးလား"
"နီ ကိစ္စလေးရှိလို့ပါ။မြေကွက်ကအဆင်ပြေရင် ဝယ်ဖို့ဆုံးဖြတ်ထားတယ်ဒက်ဒီ"
"သမီးငယ်သဘောကျရင်ဝယ်လေ။ငွေကတော့ ဘဏ်မှာ သမီးငယ်လိုသလောက်ထုတ်လိုက်လေ"
"ဟုတ်ကဲ့ဒက်ဒီ"
"သမီးငယ်နားချင်ရင်နားလေ"
"ဟုတ်ကဲ့ နီနားတော့မယ်နော်"
"အေးကွယ်"
ကျန်ခဲ့သည့်ဖခင်ကို အပြုံးနဲ့သာ နှုတ်ဆက်ခဲ့လေသည်။အပေါ်ထပ်ရောက်တော့ လုပ်ရမည့် အလုပ်တွေကို စတင်လုပ်ရတော့သည်။အလုပ်လုပ်နေစဉ် အတွေးထဲကို တစ်ချက်တစ်ချက် ဝင်လာတတ်တဲ့ မြကြောင့် နီစိတ်ထဲမှသဘောကျမိပြန်သည်။အပြုံးတွေကလည်း ခပ်ရေးရေးဖြစ်တည်လာပြန်သည်။မမြင်ကွယ်ရာမှာတောင် နီ့အပြုံးတွေဖြစ်တည်လာအောင် မြကဖန်တီးပေးနိုင်သည်။ထိုသို့ဖန်တီးပေးသည့် မြကို နီ့ရင်ထဲမှ နှစ်နှစ်ကာကာ ချစ်နေမိသော်လည်း တစ်ဖက်ကမြကတော့ မည်သို့မှမသိသေးခြင်းဟာ နီ့ ရဲ့ကြိုးစားမှုခြေလှမ်းတွေနောက်ကျနေခြင်းကြောင့်ပင်။
