Unicode
[ Song recommend:
မောင့်ဆေးကျောင်းသူ (ခင်မောင်ထူး)...// ]မနက်ခင်းမှာ သူတို့အားလုံးတာဝန်ကိုယ်စီခွဲ
ယူကြပြီးနေရာဒေသတွေကိုလိုက်လံတွေဆေးစစ်မှုတွေပြုလုပ်ပေးခဲ့သည်။ နောက်ရက်တွေလည်းသွားဖို့ရှိသေးတာကြောင့် ညနေခင်း ညစာစားပြီးတဲ့အခါ အိမ်ရှေ့ကွပ်ပျစ်ပေါ်တွင်ထိုင်ကာဆွေးနွေးနေကြ၏။ဦးလေးစိုင်းက အနွေးဓာတ်ရစေရန် မီးပုံလေးမွှေးပေးထားသည်။ သူတို့ထိုင်နေတဲ့ကွပ်ပျစ်လေးက သစ်ပင်ရဲ့ဘေးပတ်ပတ်လေးကိုဝိုင်းပြီးလုပ်ထားတာဖြစ်သည်။ အလည်တွင်ပင်စည်အကြီးကြီးရှိကာ အုံ့မိုးပေးထားသည်။
"မနက်ဖြန်ကျရင်ရော ဒီလူအတိုင်းပဲသွားမလား၊လူလဲပြီးသွားချင်လား။"
အကုန်လုံးအဆင်ပြေမည်ကိုသာလိုလားသူမို့နွေဦးကမေးလိုက်သည်။ ဒါကို နွေဦးဘက်လှည့်ပြီးအကြောက်အကန်ငြင်းသူမှာ....
"ဒီတိုင်းပဲသွားမယ်လေဒေါက်တာ။ နော်"
ခန့် ကထပြောတော့သူရိန်မှူးမှာပါးစပ်ပိတ်နေလျက်သာ။ ခါတိုင်းဆိုလျှင် လွင်မိုးနိုင်နဲ့သွားရမှာကြောက်တဲ့သူကအခုငြိမ်ချက်သားကောင်းနေသည်။ တစ်ရက်ထဲနဲ့နှစ်ယောက်တူတူသွားကြည့်တာအဆင်ပြေပုံပဲ။
"ဒါဆိုလည်း နားကြတော့လေနော်။"
"ခဏ"
အကုန်လုံးထရန်ပြင်ပြီးမှစန္ဒီကတားလာတာမို့ပြန်ထိုင်လိုက်ရပြန်သည်။
"မီးပုံးပျံပွဲကိုတော့သေချာပေါက်သွားကြမယ်နော်။"
ဒီတော့မှ သူတို့မီးပုံးပျံပွဲကိုသတိရသွားကြ၏။ ဟုတ်သားပဲ။ မကြာခင်မီးပုံးပျံပွဲလာတော့မှာကို။ တောင်ကြီးတန်ဆောင်တိုင် ဆိုတာနဲ့အမြဲပြုံးလိုက်မိသူဟာနွေဦးဖြစ်သည်။ အရင်လိုအဝေရာကွင်းထဲခြေပြန်ချရတော့မယ်ဆိုတော့ စိတ်တွေလှုပ်ရှားပါသည်။ မရောက်တာကြာပြီဖြစ်တဲ့အတွက်လည်း ရင်ခုန်သည်။ ဒီတခါတောင်ကြီးတန်ဆောင်တိုင်ကနွေဦးကိုအမှတ်တရတွေထပ်ဖြစ်စေမှာသေချာပါသည်။
"ခန့် တောင်ကြီးတန်ဆောင်တိုင်ရောက်ဖူးလား"
စန္ဒီတို့ကသူတို့စကားဝိုင်းနဲ့သူတို့ရှိနေကြသည်မို့ဘေးမှာထိုင်နေသည့်ကောင်လေးအားမေးလိုက်သည်။
![](https://img.wattpad.com/cover/343061460-288-k948180.jpg)
YOU ARE READING
နွေဦးပုံပြင်
Romanceဆက်ဘုန်းခန့်ရှိန် ( Satt Bhone Khat Shein) နွေဦးထည်ဝါ (Nway Oo Htal War ) (Own Creation ) Starting date: 1./6./2023