أبكيك سرآ

اللقطة الخامسة عشر

اللقطة الخامسة عشر
ابكيك سرإ
هند الصالحي 
.............. 

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
*****
فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه
............. 

ودق.. طلعت من بيت عمو ميرزا واني مضروبه على راسي ومكسور خاطري  .. هاي شلون عرفت.. اني ماحاجيه بس لابتسام..  بس هي حلفت ماتحچي لاحد.. رحت ركض وشلت التلفون حتى اخابر ابتسام محد شاله..  عفت التلفون وطبيت لمكتبه بابا حتى اخذ قصة جديدة.. وهلمرة شفت قصة عليها رقم 18ومحوط بدائرة.. بابا ماموجود عنده دوام بالكليه.. تركت الكتاب وهستوني دااطلع ولگيت امي جايه باتجاهي وصوندة المي بيدها هستوني دااحجي جرتني من شعري وسحلتني وتولتني دگ بالصوندة وين مايوجعك. وغلط وسبب اول مرة لسمع امي تگوله . عياطي ترس البيت محد اكو بس العاملات  كلهم بالدوام ماادري شلون خلصت نفسي وركضت على غرفه جده

جده عفيه لحگيلي.... 

جميله.... شكو يمه شكو هاي منو وياج

ودق.. ماما

جميله...  والله اليوم انعل والديها.. انعل ذاك اليوم الاسود على راسها وراس باهر

رؤيا... ولج اليوم اموتج وينج ودق الغضب

جميله.. شكو شكو شبيج خابصة الدنيا وتركضين وره هلطفله ماتستحين شسوت.. يوميه هاده عليها ومفرجه العالم علينا

رؤيا.. هاي هاي الادبسز الا تصخم وجهي يله ترتاح.. ادبسز الف مرة  گتلج عوفي قائد. بگد ابو فلس وادورين حب وزواج اليوم اذبحج

جميله... حاچيني الي عوفج من البنية

حسنه.... هاي شكو عياطكم تارس الدنيا
. المضيف مليان زلم رؤيا شبيج تخبلتي

رؤيا... انت بالذات لا تدخلين يل محامي
محد خرب اخلاق بنتي غيرج.. مسوية بيتج مكان عشاق. تشجعين بنتي على الحب والكلام  الفارغ لحد. ماصارت علج بلسانج ولسان امج وربعها

حسنه.. خلف الله عليج يا بنت الحسب والنسب  يا مرت عمي مشكورة يعني اني ماعندي أخلاق مو... 

جميله....  اي يا بنت بغداد هسة الحب عيب اشو ماگلتي لنفسج چم سنه ادورين ويه باهر بالكلية ولازگه بيه لحد ماتزوجج هسة صار عيب من وصل لودق.. وشبي قائد اشو ولد مؤدب وشايل دراستها.. ماچان تحافظين عليها مثلج مثل غيرج.. اتابعها اوجهها ادرسها لو شاطرة بس بالكتل..