أبكيك سرآ

اللقطة ال43

اللقطة ال43
آبكيك سرآ
هند الصالحي
....................
إذا عقد القضاء عليك أمرًا
فليس يحله إلا القضاء
فما لك قد أقمت
بدار ذل وأرض الله
واسعة فضاء تبلغ
باليسير فكل شيء
من الدنيا يكون له انتهاء
ما لا يكون فلا يكون
بحيلة أبدًا وما هو كائن
سيكون سيكون ما هو كائن
في وقته وأخو
الجهالة متعب مخزون
يسعى القوي فلا ينال
بسعيه حظا ويحظى
عاجز ومهين
: ليس للإنسان إلا
ما قضى الله وقدر
ليس لمخلوق تدبير
بل الله المدبر
منقول......

ودق.... بعد شهر من جوابي الهم بالموافقة تمت الخطوبه كل شي صار بسرعه بسرعه بعد العقد يعني ثاني يوم بوقت الظهر طبعا اهلي حضروا مثل عزومة العروس الظاهر بعد ما يريدوني ارجع للعراق.. خلص الغدا وبدات مراسيم التوديع امي وجدة ودادا حسنه واخواتي وازواجهم واخواني واكيد نسوان عمامي جوي ويانه الي أني متوقعته ومن البديهي تكون حفلة الزواج بيت اهل مدحت صح ماكنت على أطلاع بالتفاصيل كل التفاصيل كانت جدة خديجة تخابر و تحجي ويه جدة وجده توصلها لماما ماكان عندي اي معلومة عن اي شي تركت الامور كلها لامي لان اي شيء الانسان ما يريده ما ينفذ برغبه ولا يهتم بتفاصيله طلعت من بيت اهلي هيج بدون بدله عرس ملابس كشخه بس اعتياديه مو مال عروس المهم كلنا صعدنا بالسيارات و مشينا يعني اعتيادي الطريق بالعراق اني عرفته لكن بعد دخولنا الحدود السوريه شفت اخذونا لطريق انتبهت عليه غير طريق القريه الي قبل رحنا عليها يعني ما فتحت مجال انه اتكلم او اسال او افهم هاي شنو ووين رايحين بس كنت اشوف انه مدحت والسيارات مالتهم بدون اي نقاش مكملين الطريق وماكو اي اعتراض من جماعتنا يعني اكو اتفاق مسبق الظاهر بس اني ما ادري بيه.
العرس ما راح يكون بتركيا راح يكون هنايا وبعدين شنو ديصير ما اعرف ما كان عندي جراءه اسال يعني الاحداثيات شنو الخطه شنو ليش تبدل الطريق ما كنت اتجرا اسال بعدين قررت بيني وبين نفسي اظل ساكته وانتظر شراح يصير لان اكيد هم ما يتصرفون من كيفهم فلازم اكو اتفاق بينهم يعني بينهم وبين اهلي انتظر التالي من الاحداث ليش استعجل .. من بين السيارات الي كانت جايه يعني جايبينها جماعه مدحت واهلها على سياره خليني اقول عليها مثل الثلاجات
اللي يوزعون بها الشركات بضائع على المحلات مثل بيبسيات او اطعمه صراحة ما اعرف شنو اسمها زين جماعتنا سئلوا هاي شنو ماسئلوه وما اعرف كل شيء ما اعرف مثل الاطرش بالزفه اني هاي الي يسموها عروسه طرشه بالزفه هاي اني قطعنا الحدود العراقيه السورية لمده ثلاث ساعات وتوقفت السيارات بهذا المكان وتوجهوا لهذه المقطوره او خلينا نقول الثلاجة بداوا ينزلون من سياراتهم شلون كراسي سفريه وعلى العدد و الولد اقصد شبابهم سووا مثل گعدة بيها شرابت و كيك ترامز ﺟاي وما اعرف شنو وفواكه وزعوا على الكل حتى لا احد يجوع طلعنا من الحدود العراقيه القريه الي نزلنا بها تقريبا مسافه خمس ساعات او ست ساعات يعني هم نگول منطقه حدوديه مع تركية