أبكيك سرآ

اللقطة ال32

اللقطة ال32
آبكيك سرا
هند الصالحي
....................

الدنيا هي المكان الذي فتحت أعيننا عليه لم نعرف لماذا جئنا او كيف ولكننا هنا يتوجب علينا أن نصارع من اجل البقاء ، وأصبحنا كلنا نتعارك من أجل معركة الحياة وكل ذلك يحدث بسبب صراعنا للحصول على فرص سواء كانت وظيفية او مادية او حتى معنويه كل ذلك يولد صراع بين الناس ممل يجعل الحزن هو الشعور العام المنتشر لتلك المجتمعات المتصارعة والحزن هو أسوأ المشاعر الإنسانية التي يمر بها الناس في الدنيا حيث أن الحزن يحول الإنسان من الفرح الى الزعل والكآبة ومن الاقبال على الحياة إلى الادبار عنها وذلك هو اخطر مساؤه فهو يدمر الفرد خارجيا وداخليا
منقول

..............
ودق....جاوبت على التليفون و يا ريتني ما مجاوبه شو هذا يرعد بالتليفون وبكيفه ينطي آوامر لمي غراضج وغراض ابني وتعاي هنا.. زين اني شصار لي ليش سكتت وماجاوبته وگتله ماشي... على كل حال اني صعدت فوگ لملمت اغراض جده كلها كملتها واغراض الولد خاله شكرية هي تكمل الحاجات الاساسيه او الملابس يعني كل الاشياء اللي جايبيها وياهم هي تعرفهن شنو تبقي شنو يودون شنو يجيبون حاجيات اورهان اني ما اعرف الي عليه اني اغراضي واغراض جده حضرتها بين مادا اشيل الجنطة الظاهر اني نسيت اقفل جنطتي زين وگعت هي والاغراض والملابس كلهن اني الجنطة باقية على حطت ايدي مرتبتها ومن احتاج شغلات افتحها اني مخليه اغراضي على شكل اكياس يعني مثلا كل واحده وهذا الكيس مالتها هنا بلوزات هنا ملابسبيت هنا بناطير وهنا الملابس الداخليه والحجابات والكوتات هم لهن مكان المهم وگعت الجنطه من العجله احتمال من الخبصه فكري يم جده وانا دا ارجع الاغراض لمكانهن يعني حتى الكتب اللي انا جبتها حتى اقراهن ما يطلعن ثلاثة لو اربعة ومخليتهن بالجنطه الخاصه الي اني اشيلها على كتفي بها الكاميرا مالت عمو وبيها الالبوم وبيها دفتر المذكرات مالتي لمحت كتاب مدحوش بين الملابس اني ما مخليته ما اتذكر هذا الكتاب عندي او بالمكتبه مالتنا صح بابا عنده كتب لنزار قباني بس هذا الكتاب بهذا الغلاف ما شايفته ومتاكده ما موجود ضمن المجموعة اني حافظتهن كلهن الكتب اخذته من بين الملابس وفتحته شفت اكو مثل ورقه مستطيله مثل التحديد من تقرا كتاب او تقرا قران اكون خيط حتى تعرف انت وين واصل فتحت هذه الصفحه لگيت بيها هذه القصيده لنزار قباني

أحبك جداً وأعرف أن الطريق إلى المستحيل طويـل

وأعرف أنك ست النساء وليس لدي بديـل
وأعرف أن زمان الحنيـن انتهى

ومات الكلام الجميل

لست النساء ماذا نقول

أحبك جدا... أحبك جداً

وأعرف أني أعيش بمنفى وأنت بمنفى

وتحتها بشكل صغير كلش مكتوب سامحيني على كل شيء صار بيناتنا وفعلا اني احبك جدا ما اشوف غيرج بحياتي اني ما اصدگ كل شيء ينگال عليج وراح انتظرج لحد ما ترجعين من السفر ونبدي من جديد وان شاء الله ما تطولين ويا ريت اذا عندك استعداد تسامحيني حتى نبدي من جديد بس دزي لي اشاره بموافقتج و هذا رقم تليفون تگدرين تتصلين عليه وادزين رسالة باي وقت انا انتظر... قائد