أبكيك سرآ

اللقطة الرابعه

اللقطة الرابعه
ابكيك سرآ
هند الصالحي
.......... 

خديجه.. لا مساء نور.. انت بنت عرب ماتخجل.. شنو لابس

ودق.... خديجه هانم ملابس عاديه.. واعرف عدكم مجلس عزاء بعد شويه بس أني مااحضر أنت تعرفين التهي بالمطبخ بتحضير الضيافه.. جده هواي طوختيها

مدحت... والي مايعجبه حجي آناني خديجة محد جابره يبقى..  ..

اورهان....? baba... ne diyorsun...
ماذا تقول يا ابي

مدحت. sen .karışma 
لاتدخل انت

اورهان.... O benim annem.  onun incinmesine izin vermem

هي امي ومااقبل احد يأذيها

خديجه.. O senin annen değil, babanın karısı.. ve ben sana babana karşı günah işlemene izin vermeyeceğim.

هي مو امك وانا الي مااسمحلك تتجاوز على ابوك

ودق... بعد هذا النقاش مااتحملت اي كلام من عدهم مرة ثانيه.. ولاتحملت أسمعهم يحجون بلغتهم فجأه.. صار عندي غثيان ودوخه ركضت لجناحي فوك ودخلت للحمام فتحت الدوش والمي بارد والجو ايضا بي بروده.. اطلقت سراح دموعي  حتى تختلط بالمي مااعرف شگد مر وقت وأني بهذا وضعي.. مااعرف شلون اوصف شعوري.. بس هو يشبه الفحم الي يشتعل واطفي بالمي دماغي كان بنفس الحاله.. وصلت لنتيجه أني لازم ابتعد.. اني شكم  سنه وياهم ومازالت كلمه انت مو أمه تتردد گدامي.. شوكت يبطلون يگولون انت مو من  عدنا وأنت غريبه وهاي السوالف التعبانه. ابتعدت عن الكل حتى أولادي وطلعت من البيت بدون مااكول لأحد كل الي اخذته جنطة صغيره وجواز سفري وفلوس وماحسيت الا نفسي داخلة  بشركه سياحيه واخذت أقرب باص للعراق... ماحسبت شكد وقت مر لأني مشتاقه لوطني وكل قواميس العالم ماتوصف لحظة غربه... اول ماوصلت لنهاية الرحله ونزلت للمحطة كانت دادا حسنه منتظرتني كالمعتاد بموقف الباص اول ماشفتها رحت ركض عليها وهي هماتين بادرت وجتي سريع عليه..

حسنه.. حبيبتي ودوق مشتاقتلج

ودوق.... واني همين كلش مشتاقتلج دادا..

حسنه.. هاها شنو هلبجي صاير شي.. احجي لا تسكتين

ودق.. ماكو شي بس مشتاقتلكم.. دادا انت وين گاعده هسة

حسنه.. بيت علياء بنتي.. جيت أشوفها واشو تمرضت على غفله.. وهسة هي منتظرتنا بالبيت مسويتلج اكل يخبل

ودق.. بس دادا على  گد الاكل ماابقى هناك.. نروح لبيتي لان مااگدر اخذ راحتي بيت علياء

حسنه... ماشي مثل ماتردين بس تعاي هنا وين جنطج واين اذاعتج المتنقله

ودق... طلعتي صارت مفاجئة.. ماجبت شي

حسنة .. امممم گولي شردت.. هسة خلي نروح لبيت علياء  نتغده  وترتاحين وتنامين فد ساعه  ويصير خير