أبكيك سرآ

اللقطة 46

اللقطة 46
ابكيك سرآ
هند الصالحي
....................
ابشرك خلصو مابقو عندي هواي...
كل المشتريهم رخصو بيه...
اصافحهم واحس بأطراف اديهم غيض...
كاتل منهم ومادافع الديه...
واني الجنت اظل واكف بالاستعداد...
من اسمع عزيز يفوت طاريه...
.حسبالي العدد بي ثمره من يزود ..
وعن قلة الواحد تفرق الميه ..
بس تالي ادركت طين الكلوب اشكال...
والعشره الطويله تريد نوعيه..
............
عزيز الروح ذلني ومستلذ بالذل
وكمت من العرف والموعرف اختل
الوادم حصدت وضاكت من المحصول
وأنه الهذا يومك باقي بس اشتل
لون ماشي ابدغش وي ناسي جاهسا
كلشي بكاعي يطلع وحده ويسنبل
نيتي اتلوك كطنه الكل جرح ملجوم
بس منهم ارد كل يوم متفشل
............
منقول
............

ودق..... بداخل كل انسان شخصيه ثانيه مختفيه تظهر حسب ظروف الانسان مرات تكون هي القويه وتسيطر ومرات تكون سيئه ومرات تكون لا عكس يعني انت واگف گدام المرايه وتحس اكو شخصين من عندك موجودين بس كل واحد من عندهم يتصرف بشكل كل شخصية عدها رغبات وعدها احلام بس الي ثابت انه واحد اقوى من الثاني ي اذا كنت حقيقه كأنسان گدام الناس ضعيف فالي بداخلك اقوى واذا كان الي بداخلك ضعيف انت شخصيتك الخارجيه هي الاقوى اني اعاني من هذا الشيء
رغم كنت عايشه كطفلة وبسيطه و ما لحگت اعيش فتره المراهقه وتزوجت وكونت عائله وما افتهمت من حياتي شيء گانسانه
الشخصيه الي بداخلي هي شخصية دائما منتفضه تريد تعيش بدون قوانين وبدون قيود تطمع تروح تجي تحجي بدون خوف تعيش يعني بدون ما احد يگول هذا عيب هذا غلط وتريد تلتزم بدينها يعني صلاتها صيامها تقرا قران اوكي هاي تسويهن و تريد بنفس الوقت تعيش وتجرب كل المغريات والمحذورات الي موجوده بهذه الحياه .. شخصيه تريد تصيح وتعيط وما تحترم احد هي رقم واحد بكل شيء... الشخصيه الي بداخلي بعد ما اتزوجت صار صوتها اعلى تريدني اعيش حياتي كزوجه من ناحيه الرغبه الجسديه ويه زوجي بادنى مستوياتها يعني تفكيرها مثل تفكير بنات ليل....
اتعب كثير لحد ما اسيطر على هذه الافكار وما اظهرها للعالم او كدام زوجي حتى ما اكون بصوره سيئة كدام الكل هذا الصراع الي كنت اعيشه اني الزوجه والام يعذبني وياذيني ممكن تسالوني بوجود الانترنت عدنا واحنا عايشين بتركيا ليش ما بحثت عن حالتي او رجعت لدكتور نفسي اني فعلا بحثت بس لگيت انه هذه حالتي مو انفصام شخصيه او مو مرض لان اني ما انسى وما افقد الذاكره ولا هو تعدد الهويات الي ممكن يكون شخص عنده اكثر من هويه ويتبدل الشخصيات مره يكون هذا مره يكون ذاك لا اني ما عندي هيج شي لان ما انسى وما افقد الذاكره وكل تفاصيل يومي اعرفها هي اقرب الى وسوسه شيطان يوسوس بدماغك لان انت ضعيف
الله سبحانه وتعالى بالقران الكريم يقول الشيطان يسري من بني ادم مسرى الدم..
كل تصرف وكل حال نسويها الشيطان ويانه والقرين ايضا ويانه ممكن هذا الي اني عشته هو مجرد قله ايمان اوتعب نفسي و الشيطان يوسوس الي ما انكر اني كثير في فترة زواجي الاولى كنت ضعيفة بسبب الضغط النفسي بسبب العلاقه الي كانت متوتره بيني وبين زوجي بعدي عن اهلي الاحداث الي صارت وياية ضعفت كثير واستسلمت لهذه الوساوس ولهذه الرغبات بس شلون انتفضت وشلون قررت اخلي حد التفكيري الي كله غلط وحرام
بمرور الايام من تحسنت علاقتنا اني وزوجي وبدات اعيش الحياه اللي انا اريدها بدا يخف هذا الوسواس... ونگدر نگول انتصرت ودق بالحرب الي عاشتها ويه نفسها الداخليه الخفيه...