أبكيك سرآ

اللقطة الرابعة عشر

اللقطة الرابعة عشر
الجزء الثاني
ابكيك سرآ
مسلم... بس اكمل كليه اتقدم لعذراء قلبي... هسة عوفك مني انا كل العشيرة تدري وابوي ملمح لخته خالصه خلينه بحبيبتك منهي

قائد.... اوعدني ماتحچي لاحد

مسلم... مااحچي يابه قابل احنا صغار

قائد... ودق.. انا احب ودق....

مسلم... يا ودق قصدك بنت عمي باهر

قائد... ليش أكو ودق غيرها وماأعرف

مسلم..... من كل عقلك قائد.. لك هاي طفلة شتحب منها

قائد.... هاي المشكلة تعال اسئل هذا ليش اختار ودق من دون الكل ثم أني ماگلت هسة.. من تكبر داانتظرها.. وكنت ناوي احجي ويه عمي باهر من تكمل الثالث ربط كلام يعني لحد مااكمل كليتي واتعين هي هم تكمل سادس

مسلم..... وفارق العمر بينكم شلون

قائد.... عادي انا اكبر، منها مو هي اكبر، مني.. وياما ناس تزوجوا والفرق بينهم كومه... وخلي نشوف كل شي يبين بعدين.... هسة اذا ماعندك محاضرات خلي نرجع للبيت

مسلم.. لا ماعندي محاضرات..

قائد.. ديله اتفقت ويه الولد ربع ساعة ونطلع

مسلم... يله

ودق.. طلعت للبستان مالتنا وانتظرت يرجعون ولدنا من الكليات واروح على قائد. اصيحه حتى ابلغه بقراري.. انتظرت أكثر من نص ساعة يله دخلوا للبيت بسيارتهم... رحت بسرعة على المكان الي ركنوا السيارة بيه وصحت عليه. عمو قائد عمو ممكن لحظه

مسلم... هي هاي الي تريد تخطبها.. تصيحلك عمو.. دروح عمو روح شوف شتريد

قائد... اي اروح ليش لا.. انت ماتفتهم العمو هاي تمويه هههه

ودق... قائد شافني وترك الشباب وجا باتجاهي

قائد... ها ودوق شلونج

ودق.. اني زينه بس زعلانه عليك هواي

قائد.. ليش زعلانه... اني ماسويت شي

ودق... انت من وقت الدوام مابدا وانت مااتسأل عليه. ليش

قائد.... امم انت مو تعرفين الظروف.. والوضع الي صار.. مااعتقد. يصير اتواصل وياج بدون سبب

ودق... وهسة اني عندي سبب

قائد... شنو السبب خلي اسمع

ودق.. اني اريدك تساعدني.. من انجح من الثاني متوسط اقدم تسريع ثالث متوسط.. حتى السنة الجاية أكون أكبر وبالرابع اداوم وتگدر..

قائد... وتگدر شنو ليش سكتي

ودق.... وتگدر تتقدملي ونتزوج اني اعرف. انت تحبني واني هم احبك كلش هوايه واريد اكبر بسرعة بسرعة حتى نتزوج مثل ديمه ورباح