أبكيك سرآ

مشاهد مستقبليه

مشاهد مستقبله

أبكيك سرآ
هند الصالحي
.................

...... مثل كل يوم أگعد الصبح على الصوت والحركة الي تصير بالبيت افتح عيوني بس مااترك فراشي لأن ماما ماتقبل ننزل الا اذا هي تجي تتأكد من انه احنا نازعين الملابس الخاصة بالنوم ولابسين الزي الهندي لانه مستور أكثر من الدشداشة وخاصة بيوتنا مليانه ذكور.. بهذا اليوم ظليت اسمع صدى صوت يحرضني على انه انزل على كيفي واروح للبستان وارجع بدون مااحد يشوفني وكنا نعرف مكان سرى نطب ونطلع منه بدون مااحد يدري نزلت بنفس ملابسي الشورت والفانيله الربع ردن والي اليوم نسميها سترابلس وصلت للبستان والدنيا صيف مشيت وأني فرحانه بالمنظر وصوت العصافير الي يخليني احسدهن لان هن حرات يطيرن ويروحن بره هاي الاسوار.. وبنص هذه السعاده سمعت صوت ملعون اكرهه لحد الموت..

..... ها ولج اشو اليوم نازله سفردحي أمج وين عنج. بسببجن مانگدر نروح ونجي براحتنا وتگول عينهم على بناتي ويتحارشون بيهن  عمي اذا أنتن تفترن مصلخات ووحدچن أطر بالگاع قابل اغمض عيوني..

...... وهسة شتريد وخر من يمي لو اعيط وخلي الكل يجي 

.... هههه لو تعيطين منا لباجر محد يسمعج.. اليوم الا انفذ الي بالي ولج انت شنو عمرج 6 سنين وانا ثالث متوسط ومااگدر أنام ولا اتنفس بسببج

.... من سمعت هذا الحجي جسمي كله گام يرجف واتذكر المرة الفاتت اخاف ذيج المرة خلصت بسلام.. هذا المرة ماراح أفلت.. رغم بذاك العمر ماكان عندي ادراك كيف ممكن يأذيني بس أول شي فكرت بي هو ان اركض واعيط......

... بابا انت صدك مو أبني بس أني ربيتك بيتي من الصغر و تبقى بغلاتهم والله شاهد وأريد مصلحتك.. روح على أي بنية تريدها حتى لو من خارج عشيرتنا ادفع مهرها من المليون لل20 بس بنات عمي باهر مايفيدنا عمي حضريات  ذني مثل امهن وخاصة هاي الصغيرة بعد حادثتهامن جانت صغيره ماينعرف هي بعدها بنت لو لا..... 
صباحووو لاجمل متابعات 💕💕💞💖😍