أبكيك سرآ

اللقطة ال22

لقطة ال22
آبكيك سرآ
هند الصالحي
.....................
ودق..

راح اسولف نار كلبي
مـن الاول للاخير
والي يسمع قصتي
اريده يحكم بذمه وضمير
ليش ياهو الي تحبه
وتنطي كل عمرك اله
ينتظر يايوم توكع
حتى لحمك ياكله
والتسوي وياه زين
ينكلب تاليها شين
والتصير حزام ظهره
خنجر بظهرك يصير
.......................

حرامات التعب للمايجازيك
وحرمات الوفه للطبعه خوان
جرحك بالملح تكدر تداويه
ويزيدك عطش لو جنت عطشان
شما تتعب على العكرب تربيه
يلدغك لو جنت لحظه غفلان
تترجه الوفه أي وين تلكيه ؟
وتتأمل تمر من جذع ذبلان

منقول
..............

الوقت الحاضر.....

ودق... احلى صباح لاحلى متابعي برنامجي فضفضة بعد نصف الليل.. مع ايريز

توصلني كثير من الرسائل والمرسلين.   يطلبون أن اوصل فضفضاتهم بشكل غير مباشر.. ويرسلون المشاكل الي يعانون منها... وصلتني اكثر من 2000رسالة 1000منها قصص حب خلصت وانتهت بسبب الخيانه...  او الأهمال..  عائلات تفرقت بسبب الخيانه...  بࢪأيي كل الجروح ممكن تشفى الا جرح الخيانه..
هذا الجرح مو بس مايلتأم  وانما يفقد. معاه الثقة بين الطرفين...

من المشاكل الي لفتت انتباهي هي مشكلة احدى المتابعات....

ونص رسالتها.اقراها بصوتي مثل ماهي للأمانه   ست اريز أني تعرضت لخيانه من أقرب الناس الي كنت حاسبتها   صديقتي..  يمكن تكون مشكلتي مكررة وصايرة كثير بس اريد اوصل صوتي ومعاناتي ومشكلتي يمكن هي هم تسمعني ويمكن لا
أني متزوجه بمحافظة بعيدة عن أهلي وماعندي احد واداوم بدائرة ومن اول يوم داومت تعرفت على بنية جدا جميله موظفة ويانا بس مامتزوجه...  يمكن لأن هي اول وحده تعرفت عليها اعتبرتها صديقتي.. من خلال اطراف الحديث  طلعنا تقريبا جيران  وزوجي الي كان حبيبي وزميلي من ايام الكليه وبعدها تعينه وهو كمل عسكرية وجا تقدملي واهلي رحبوا بي وتزوجنا. سنه 2000.. كان هو وياها اصدقاء طفولة يعني معارف وجيران قدامى  بس اهل زوجي منتقلين لمنطقة ثانية ليش مااعرف

  أهله ناس رائعين بمعنى الكلمه  يوم بعد يوم علاقتنا صارت قوية.. بذاك الوقت هي تسوق سيارة ومامحجبه وسپورت يعني ماعدها خط احمر بالكلام والتصرف .. كانت تصر على انه توصلني للبيت كل يوم لان لازم تمر بمنطقتنا يله تروح على بيتهم.. مرت الأيام والاشهر وكصديقات دائما ندردش ونسولف احوال البيت الروتينيه.. وهي تسألني وانا بكل شفافيه اجاوب..  حملت باول طفل ألي.. والكل يعرف الاعراض ومشاكل الحمل والدوام ومشاكله.. مرت ايام الحمل ببطء..  وبدأت احس زوجي متغير بارد مو مثل الأولش مايتقرب مني الا كل اسبوع... يعني واذا حامل اني هم انسانه امراءة محتاجه اشعر بأن الرجال الي اختاريته وحبيته يريدني بكل حالاتي لأن الحب مو حب للشكل فقط.. هو مشاركه وتقبل الاخر بكل عيبوبه   يعني ماصار 6 اشهر من تزوجنا....  وبدأ يتغير ويتحجج ويكثر گعدات ويه اهله وما يصعد الا من انام واعترف أني هملت نفسي بسبب ضغط الشغل والبيت والحمل....  گلبي نملى هم وحزن ولان اعتبرتها صديقتي  كنت اسولف لها عن كل مشاكلنا....  ونصحتني اخذ استراحه يعني اجازة اروح لبيت اهلي ابتعد حتى يشتاقلي.. وفعلا فاتحته بالموضوع وقبل بدون تردد  ووداني لبيت اهلي.. اسبوع واني بيت اهلي ولا خابر ولا سأل..  ماحبيت الح عليه هواي.. وحتى مو هو الي رجعني لبيت عيالي ابوية رجعني.ومن اعاتبه يتحجج بالشغل لو انت حامل ودوام مااريد اتعبج
.. مرت الايام والأشهر وولدت اولادي التؤام واضطريت اخذ اجازة سنه بدون راتب علمود الاولاد... المسافه بدات تكبر والحب الي كان بينا تبخر وصار مجرد علاقة زوج وزوجه يتذكرني ويتقرب مني باوقات متفاوته.. بعد سقوط النظام  أني التهيت بالبيت والتؤام  وولدت بنت الانشغال صار أكثر والمسؤولية كلها عليه وعلى اهله وبالمقابل هو بدا يترفع شوية شويه بعمله لحد ماوصل لمركز  رئيس قسم..... الايفادات ماادري منين تجي ويسافر مرة لتركيا مرة ماادري وين..... واني من ثولي  ارضى بالهدايا وافرح بيهن الي ولاطفالي مرت ست سنوات على هذا الوضع والتؤام دخلوا مدرسة والبنية بالروضة يعني الحمد لله اگدر ارجع لدائرتي ورحت راجعت وماشاء الله تسهلت الأمور ورجعت لدوامي نسيت اگلكم خلال فترة 3سنوات صديقتي اختفت وبالدائرة هم سألت ماموجودة منقولة لمقر وحدة من الوزارات الحساسه.. زين شوصلها هم صح مرتاحين ماديا بس مااتذكر واسطتهم قوية بهذا الشكل
..اكثر من هذه المعلومات محد يعرف  گالولي تزوجت.. زين احنا موصديقات ليش ماعزمتني على خطوبتها عرسها زين المن تزوجت. شي محير
... فترة والرجال رجع من وحدة من سفراته تفاجأت  مشتري البيت الي بصفنا حتى نستقل عن اهله ومسجله باسمي... راح يوم وجا يوم واستقريت بيتي ومكيفه بي وراتبي الي ومملكتي لكن بدون زوجي الي مانشوفه  الا كل شكم شهر يوم لو يومين وبمشاعر اعتياديه اسقاط فرض نسيت اصلا شنو علاقه زوجيه...
بدات تصدر علينا موجات  العولمه تلفونات الثريا.. والمحمول والستلايت وشوية شوية الانترنيت... وطبعا الي عنده امكانية ممكن يشتريهن.. زوجي كان رافض رفض تام دخول الستلايت والموبايل الحديث للبيت   وحتى الانترنيت ممنوع... لحد مابيوم بالدائرة شفت الزملاء متجمعين على صورة
.....  هاي شكو شبيكم