أبكيك سرآ

اللقطة العاشرة

اللقطة العاشرة
ابكيك سرا
هند الصالحي
.............
كلش كرهة الروح كمت احسد المات *** اتورجوا عالحال اهواي شمات

افرض ولو مليت من عشرتي وياك *** دور صديق يطيح مثلي عالبلواك

لاجرح لاجرحين لاهنه ميه *** شما اضمد اللجمات تبقه الاذيه

طحت وصرت بجفاك مابين الثنين *** ونت كلب محتام ومكاطر العين

ونه اعله ونه اعليك كضيته عمري *** عنك يظل لاوين مبعدني دهري

خلصت عمري وياك ها باجر يعود *** تالها جف الغير يلعب بالجععود

اني بكد رحمة الله الك اشتاك

وجذب فد يوم تخلص رحمة الله

تعيش ابداخلي صورتك لليوم..

كطعت الماي كلش خاف تتبلل

صورت طعنتك ضلت فقط تذكار

شلتها بكلبي خاف دكول ناسيها

ما ردنه العتب عالقسمه والمـكـــتوب

بس ردنه الوداع شــــــويه يتــــأخـــر.,.
.......منقول.....

باهر..... طلعت من بيتنا على السريع لان موعد الدكتور مالت مياح ماردنا احد يعرف حاليا بالوضع الجديد .. .. وبالطريق شفت ابني غيث وگتله بلغ امك ودق انا دزيتها يم حسنة لان مريضة وخلي بعدين احد من البنات الكبار لو مرت عمك تبات يمها وخلي يرجعون ودق عدها مدرسة .. انا طالع لبغداد امك تدري

غيث.... زين يابا اني اگوللها

بعد ساعات
رؤيا.... عمة لحگيلي صخام صخمني

جميلة..... شكو ولج

رؤيا..... ودق الغضب ماكو ....

جميله...ولج شنو ماكو ..وين راحت هاي الطفلة . اخاف بمكتب ابوها

رؤيا... لا عمه ماكو دزيت ندى وديمه راحن ماكو ..

دزيت ديم بيت جماعتنا مفتر الكل ماكو .. هاي يومية الله كاتب لي شلعان الگلب من وره ودق ..راح تموتني گبل يومي

سالم.... ام ديم يا ام ديم وينج

رؤيا.... ها عمو هياتني بغرفة الحجية

سالم.... شنو يگولون ودق ماكو

رؤيا ببكاء... اي والله يا عمو گلبت الدنيا عليها ماكو شيخلصني من باهر والله طلاقي يحل يذبحني على القبله اذا عرف

سالم.... هو وينه باهر اشو ماكو لا هو ولا مياح وين راحو

رؤيا... والله عمو من وره الظهر طلعوا لبغداد عندهم شغل

سالم ....... شغليش اشو انا ماعندي علم بي ..ولا الشيخ مكلفهم بشي وين مولين .شفتي حجية هذوله ولدج لا نفع لا دفع وعود ضاجوا لان ابويه حطاني انا الشيخ بعده ..بنته ضايعه وهو يتونس بغداد