أبكيك سرآ

اللقطة السادسة عشر

اللقطة السادسة عشر
ابكيك سرآ
هند الصالحي
........... 
اتأرجح أنا بين كلمتين
حب وصداقه
أنا أحبك بيني وبين نفسي
وانت الصديق القريب
في العلن
انا اتارجح فوق نار الغيرة سرأ
وابارك. حبك للاخريات مرغمه

كلما القاك صدفه أو موعدا
يتحول كل مابيدي الى
كأس  نبيذا يفقدني الصواب
متى ستفهم ياهذا
اني اعشقك ويزاد عمري
بعشقك الف يوم

وأني اموت الف مرة
كلما تقدمني لهن
كصديقه مقربه
بقلمي هند الصالحي

..............

ودق.... ليش الي بينا بس دراسه

قائد....  اي بس دراسه لعد شنو تخيلتي.. انت اختي الصغيرة صح مقصر بالسؤال عليج بس انا زعلان منج

ودق....  ليش زعلان مني.. عفية انت تعرف أني احبك اموت عليك وانت مو اخويه... وانت گلت

قائد...  أني ماگلت شي لا تتخيلين من كيفج وشلون  ماحچيتيلي على الحادثه الي صارت وياج من چنتي طفله.....

ودق.....  ....

قائد.....  ليش ماتحجين اشو ساكته.

ودق...  وشنو تريد احچي مثلا ها.. ليش بنظرك هيچ شي ممكن ينحچي.. 
لو الانسان يتفاخر بي ويظل يفتر ويسولف بيه ها..

قائد
.. وليش الكل يدري وانا لا

ودق ببكاء... لأن انت ماچنت هنا من صار الحادث...  وصح انت تربيت بيت عمي مثل ابنهم بس هذا مايخليك واحد من دمنا حتى يحچولك عن الي صار لي....  ولا انا املك الجراءة حتى اسولف بيه
الي صار أقوى من عقلي كطفلة...  شي اريد انساه وامحي من حياتي.. ياريت اكو شي يرجعني للماضي حتى امحي ذاك اليوم واغيره..  ماتتوقع حجم الالم الي اعيشه كل مااتذكر الي صار.. وتريدني اسولفلك

قائد...  لازم تحچين وانا اقرر نستمر لو لا.. لازم اتاكد انت

ودق بصياح....  كلكم نفس التفكير مع الاسف.. دكتوركم وثوركم كل همه بالمرةجسمها وعذريتها... يعني خلص أني كأنسانه الي يحدد كوني شريفه او لا  حقيقة  غشاء البكاره موجود او لا..  كل هذا الي يهمك.. مايهمك تعرف شلون عشت الالم. نظرات الكل الماحلوة الي.. انعزالي عن الكل حتى مااسمع كلمه ماحلوة.. كل هذا مو مهم.... المهم لازم اقدم دليل انه اني سليمه ...  ..  تعرف شي  طز بالكل واولهم انت زين.. ابد ماخطر على بالي ممكن كلمتين من ناس تكرهني تغيرك هيچ وتخليك تنسحب وتكول انت اختي الصغيرة..  .. ولعلمك.. ماراح احچيلك اي شي لان انت هم ماتستاهل واحد سطحي ومغرور..  والمشكلة انت دكتور..  بعد وين يودونك حتى تفهم وضعي..

قائد....  ودق احترمي نفسج لاتنسين اني ساعدتج هواي ولوما اني جان هسة انت حتى سادس ابتدائي ماطالعة.. 

ودق... اشكرك ماقصرت..  ولو تريد اگول لبابا ينطيك اتعابك مقابل تدريسي...  روح قائد روح  .....  مااريد تحچي وياي بعد روح