أبكيك سرآ

نقاط مهمة

نقاط مهمة للتوضيح

السلام عليكم متابعاتي العزيزات.. اولا اشكرك متابعتكم وكلملتكم الجميله بحقي وحق القصة

ثانيا.. ليش اتاخر بتنزيل البارت..
لان اني اكتب حسب وقتي وللعلم دااستخدم تقنية حديثة جدا بالكتابة فقط حتى استغرق اقل وقت ممكن بس هماتين دااتاخر لان عندي ظروف خاصة

ثالثا....  قرات تعليقاتكم والبعض گال قائد شخص انهزامي صح انهزامي لكن مدحت ابد مو ملاك..  والحب الي جمعهم  جمعهم متاخر  وحياتها ابد ماكانت مثالية... 

رابعا....  قرار زواجها من مدحت والموافقة عليه كانت بلحظه غضب وضعف وتندمت عليها بعدين بالايام الاولى من زواجها  لدرجه وصلتها للموت

خامسا...  ودق عاشت صراع نفسي رهيب  

سادسا....  اليوم المفروض انزل بارت وكتبت شوية بس والله ماگدرت اكمل لان الدنيا عندي هوسه جدا

ثامنا...  جدول اعمالي ليوم غد الصبح اروح مستشفى للفحص الدوري واخذ العلاج
ارجع اسوي غده للعمال الي بيتنا عدنا شغل بناء وكذا
تنظيف البيت بعدها..   ووووووو تعرفون يوميات المراءة العراقية بعد يعني من كثر المشاغل اخذت اجازة من الدوام 
يعني مااتقصد ااتاخر بالعكس اتمنى اكملها واختمها  لان تعرف تعبت كل يوم تطلعلي شغلة ابد ماتوفقت باوقات النشر

تاسعا.... هذه الي كتبته اليوم وان شاء الله باجر انزل البارت حتى لو سهرت لاوقات متاخرة

❤💕🥰😍😘😍😍❤
اللقطة 41
ابكيك سرا
هند الصالحي
................ 
ريت العمر مشوار تكضي أيامه وتعدي
ولو أدري الوكت دولاب ياخذ بينه ويودي
جا ما شمت الشمات بيه ولا خنت ودي
ولاخليت دمعي يسيل تيزاب وحرك خدي
مو انته الكلت أعوفك واخلف بوعدي
أشو نص الدرب يفلان وتبريت من عندي
لحيمي ودج عليه الريش وجناحك كوه بجبدي
كل هذه التعب والطيب ضيعته وصرت ضدي
صدك ينسى الفكر والضيم من يستغنى لمجدي
بعد وردة شبابي تفوح ما طاحت بمرض معدي
بعد حملي عدل ما مال ليش تعوفني لوحدي
تدريني خشب وبنار بفركاك رماد وابدي
كل جرح يألم يطيب بس جرحك جرح يضل يدي
بعد شتريد من عندي شضحيلك بعد شفدي
ولو أدري النهاية بهاي ما جنت بهواك أبدي
............... 

قائد....  ليش رجعتي لهنا مرة ثانيه  منو انطاج الحق ترجعين وتخربطين اوضاعي مره ثانيه

ودق.... سؤال غريب هذا يعني شنو منو الي انطاني الحق  للعلم هذا بيتي وبيت اجدادي واهلي كلهم عايشين في البلد  طبيعي ارجع يعني موقعي الاصلي ليش وين تريدني اروح مثلا

قائد.. يعني مثلا تبقين هناك بتركيا يعني هذا وضع طبيعي للي بوضعج

ودق... وضعي ليش ايش بيه وضعي.. كلامك ما مفهوماتك ما اعرف شلونها يعني هنا مفروض اني اللي ازور اني اللي ازعل انا اللي اعاتب انا الي اسال واستفسر شنو الشيء الي شفته البارحه گدام عيني مو انت تسالني ليش راجعه.. غريب والله يعني ترى هذه بيت اهلي مو انا الغريبه  انت الغريب هنا

قائد... شنو قصدك انا غريب اني مو غريب انا هم. صوره ربيت هنا وهذا يعتبر بيتي الاول مو الثاني وانا يم بيت خالتي  وامي الثانيه و راح يكون منطقة  بيت زوجتي

ودق....  ايه ما گلنا شيء الف الف مبروك بالعافيه عليكم انتم واحد يستاهل الثاني وانا جدا جميله من تگول ادهدر الجدر ولگه قبغه 

قائد...  يعني شنو ما فهمت

ودق....  انتوا اثنيناتكم لايقين على بعض بالضبط.  ماراح تلگي احسن من عندها تناسبك و تماثلك بالخيانه وقله الأصل

قائد....  ودق احترمي نفسج  يوم عن يوم اعرف كلام  الاخرين عنج  هو الصدق انت وقحه وما عندج  جبير وما عندج رداد

ودق.....  رحم الله والديك.. تسلم هاي شهاده اعتز بها

قائد.....  انت شنو هذا البرود الي بيج انت موهاي ودق الي اعرفه... الخيانه اني لو انت من فاتح فاتحه الخطوبه مالته اني لو انت

ودق.....  قائد كان منفعل كلش  كنت حاسه بيه متندم على الخطوة الي اخذها هو  معتاد ينطي قرار يتندم يتراجع بقراره ماكو تراجع هالمره هذه خطوبه وزواج تراجع ما بيها نهائيا هذه الخطوه التراجع بيها  عد عشيره الباشوات تطير بيها رگاب مو بس دموم  ... الشيء الثاني الي انا استغربت يعني شنو انا الي بدات بالخيانه قصده شنو شنو الي انا بديته ما افتهمت شيء مع
هذا ما بينت  اني ما اعرف شيء هو جاي هنا حتى يسالني دا يعرف تفاصيل  موضوع حتى اني ما اعرفه شنو  اوك خليه هيج على عماه وخاطي هاي الخطوه الغبيه ويرثد  يصحح الخطا ليش عبالك كل خطا ممكن تمسحه المساحه.. بقيت ساكته ماجاوبت

قائد.... ما تگدرين لا تجاوبيني ولا تواجهين دائما الانسان الخطا يداري على خطا يذبها برگبه انسان الثاني 

ودق....  شنو المطلوب مني اني خطا اني خاينه اني موخوش انسانه  شنو تريد مني  ليش جاي من الصبح  اتركني يا اخي اريد اگعد وحدي ممكن 

قائد....  انا مارايد شي  بس حبيت اگول لج مبروك على الخطوبه ان شاء  الانسان اللي اختاريتي يكون عند  حسن ظنج و يسعدج

ودق....  بملامح بارده وصوت ابرد  جاوبته وكلت له تسلم رحمه الله  والديك... و اكد لك  راح اكون وياه اسعد وحده  بالدنيا  عن  اذنك حتى هالگعده وحدي ما اريدها  .. تركت قائد بنفس المكان بالحديقه ورجعت للبيت  بالبداية توجهت لبيت هذا حسنه بس اتذكرت انه ممكن زوجها  وولدها يكونون  راجعين غيرت الطريق ورحت على مشتملنا  من البارحة  ما شفت لا جده ولا اطمئنيت عليها  حتى ملابسي مالت البارحه مالت السفر مامبدلتهن.. بس اوصل لاي  مكان مغلق حتى اعبر عن الالم الي بداخلي بس تصادمت بالي بيوم من الأيام كانت الي اقرب شخص وصندوق اسراري بنت عمي الي المفروض صاحبة عمري كله ابتسام..

♥😘😍❤♥