أبكيك سرآ

اللقطة 44

اللقطة 44
ابكيك سرا 
هند الصالحي.... 
الجزء الاول
........................... 
تصورت انه من الصعب
ان انساك يوما
.بعيدا عنك عشت
حياة صعبة تهديني
كل يوما جرح ودمعة
. بدونك مرت ايامي
دون ان اتذكر كيف
نسيت حبك... 
........................ 

رأيت في عينيك كل مدائني.
ولم ترى عينيك الا عيوبي 
فأخبر عيناك بأن لا عيب لدي سوى وجودك وقلبي...

بقلمي هند الصالحي
............     ........ 

ربيع... نعم عمي باهر اؤمرني

باهر. بغضب ... شوف ربيع منا و غاد. ماأريد اشوف لا وجهك ولا اسمع صوتك واذا تشوفني من طريق تروح من طريق ثاني.......

ربيع....  ليش عمي مسوي شي يزعلك.. 

باهر بغضب ...  مسوي مامسوي مو موضوعي لان لو اجاوبك على  سؤالك لازم يعلى صوتي واذا صوتي عله يعني راح تندفن هنا حتى بدون مايغسلونك...  واذا تشوفني مامفلش وجهك لسبب واحد فقط هو ودق حلفتني مااسوي مشاكل..  اتجنبني تا تسلم بحياتك

ربيع... حقك والله حقك عمي  وانا نادم على الي سويته  بس والله شيطان ولعب بعقلي وجنت صغير ماخذنى الغوه السموحه فدوة لعمرك والله تندمت وردتها تسامحي وطلبتها للزواج وماقبلت

باهر... هو شنو الشي الطايح حظه نسوي نگول شيطان.. ومن كل عقلك انطيك ودق مخبل انت   . المهم انا حذرتك واعذر من انذر بعدها البادي اظلم خوش

عفت ربيع ورجعت لان الجماعة راح يوصلون اكو نار بگلبي اريد اطمئن على بنتي مااشك انا  ب
بنتي بس الي مايخافن من الله مايسدن حلگهن  .. وصلوا الجماعة بوقت متاخر وكلنا خفنا عليهم لان كانت سنوات سودة بتاريخ البلد 2006- 2007  الحمد لله  وصلوا بسلام واول ماطبوا للبيت حسنه گلبت البيت بالهلاهل

حسنه... ﻜللووووووووووووش

صبرية..  وجع طرشتينا  من سورية للعراق بس  تهلهلين ماتعبتي قبغ راسي طار

حسنه.. ليش اتعب حجية بنيتي هاي والفرحه ماسايعتني..  بنيتي بيرغها ابيض نقي وكسرت خشوم الشامتين

فخرية...  وهو ياهو الشامت حسنه اشو ماتعرفين تسولفين

باهر..... كل اخواني موجودين من حسنه ظلت توصف انه  بنتي ما بيها شيء تحجي هذا الفخر وبيرغ عالي وابيض بنتي ما بيها شيء بنتي هوايه حاربوها وهواي سمعت  الكلام الي يصير ورانا وتاذت نفسيا وجسديا  بس انا چنت مكبر عقلي وياهم وعايفهم احتراما لشيبتهم
سابم.. ها بويه حسنه بشري شمو العلوم

حسنه... شيخنا مدحت افندي يسلم عليكم عريسنا زوج  ودق  ويكول ابوس ايديهم و ابوس راسهم على هالتربيه زينه وبنتكم رايتها بيضة  مثل بياض الثلج.

سالم...  الله يبيض وجهه دنيا واخره وهاي المعهود بنات الباشا تاج على الراس والي يگول غير شي اگطع لسانه