أبكيك سرآ

اللقطة السابعة عشر

للقطة السابعة عشر
ابكيك سرا
الجزء الثاني
هند الصالحي
.............

خالصة.... بسمه هاي انت گاعده

ابتسام... سده سده امي جتي

ربيع..... سمعت بسمه انت صدمه مو بسمه..

خالصة... هاي ويامن تحچين بهلفجريات ولج

ابتسام... ويامن يعني بيت جدو العاملات خابروج.. حتى يبلغونج ودق مدخليها للانعاش

خالصة... عزا على الشيطان.. ولج منين جبتي هلحچي.. عيني عليك عمو باهر ماادري منين تجي هلمصايب. بسمه ولج اخاف الج ضلع بالموضوع.. احنا مامتفقين هيج البنية تدخل للانعاش.. لاتورطينا بقتل روح...

ابتسام... يمه انا شعليه هي بنت عمج مو صاحيه شمدريني شبيها.. وانت لا كل شي تذبينه براسي.. اوففف

خالصة.. وجع. امشي ولي گعدي ابوج.. تاننزل لاهلنا لمااصلي الفجر وگعدي عذيره تسويلنا ريوگ...

ابتسام.. انا هم اجي وياكم اريد اطمئن على صديقتي

خالصة... صديقتها من شوكت صديقتج.. ولج انت شنو تخطيتي كل المقايس بالشيطنه امشي ولي لزمي كتبج واقري سادس انت سادس لو اموتج امشي

ابتسام.. ترى هسة راجعين من العطلة تحاضيرنا قليله

خالصه... هم ماتروحين.. امشي ولي كتلج

عذراء.. صباح الخير ماما شبيكم انت وهاي. بسمه بس تتعاركون شكو

خالصة.... صباح النور... هلا بام گصة ١٣ هاج استلمي انت ماعدچ حظ گصتج جيره..

عذراء... استغفر الله العظيم غير افتهم شكو اشو رديتي عليه.

خالصة.... بنت عمي ودق خطيه واگعة من طولها ومدخليها للانعاش... ادعي تعدي سلامات بيت خالج على اساس الجمعة يجون مشاية.. امشي امشي حطي الچاي على النار وشوفي الخاثر صار لا وحطيلنا ريوك لمن اصلي وتاننزل لهلنا

عذراء.... ماشي. ماشي.. اهم شي ودق تصير زينه.. قابل بيت اخوج طايرين

خالصة... مو تااروح اصلي لا تغليني اقسم من الصبح.. امشي. من وجهي بنات لو عله..

في المستشفى....

باهر... ها حسنة رؤيا بعدها نايمه

حسنه.. اي لان انطوها مهدىء خليها نايمه شتريد. منها هي هم حقها واگعة بين ناريين

باهر... من ايدها.. اختارت تكون تابعة وتسمع كلام هاي وهاي وتركت البنية
يعني هاي انت وياها وياها ووصلت لهنا لعد لو انت ماكو چان شصار ها....

حسنه.... انا جنت وياها لحد. ما زلمتي وولدي رجعوا بعد ماوصلت يمي وحتى نتشاف قليل.. وبالبيت ماعدها احد يوجهها الكل مشغول بنفسه.. ديمه تزوجت ورؤيا لگت شي تلتهي بي ديمه وعمتها وهسة ديمه حامل وتا تحضر هدوم الطفل وندى وخطوبتها وغيث وديم وانت وماجستيرك ومشاكل البيت وية ابوي.. بس محد سأل ودق وين شتسوي مااسوي بيش تحس ليش عافت مدرستها.. شنو ذنبها ها...
باهر ودق بخطر ولازم تنقذها.. ودق لازم تبعد وتطلع لمكان بعيد تنسى كل شي