أبكيك سرآ

نبذه تعريفية 2

نبذه تعريفيه 2
ابكيك سرآ
هند الصالحي
....................
سلام عليكم مرة ثانيه.. تذكروني اني ودق باهر الي راح تقرون قصتها عن قريب.. اليوم نكمل تعارف العائلة. واكو ملاحظة جدا مهمة القصة ماراح تدخل بيها تفاصيل حياه كل العائلة يمكن نمر عليهم مرار الكرام... الترميز راح يكون على قصتي وعلى عائلتي المهم

نزلت للحديقة وسلمت على الكل ورحبت بالكل كوني زوجه الأبن الكبير.. كل الضيوف ماخذين مواقعهم لان العشا بدا ينصب وكل الي بفكري اختل من عيون الجده خجيجة وهم بالأخير لزمتني

جده خديجة(الكلام كان باللغة التركيه)

تعاي لهون يا بنت. فكرك تهربي مني
ودق.. لا بيبي وين اروح.. عظم الله آجركم وآجارنا باستشهاد سيدنا الحسين

جده خديجة... من گلبج هذا الكلام

ودق.. جده ترى أني مو الشمر حتى كل مرة لو بيدج تطبخيني اني بمكان الذبيحه

جده خديجة.. انت صاير مامتربي يا بنت تجاوب على كلام احنا.. مدحت مدحت اين انت يا ولد..

مدحت.. جيت جدة آآ مري

جده خديجه...  هذا مرتك صاير بنت مامؤدب يعلي صوته في وجهنا..

مدحت.. ودق شنو هلحچي هاي كل سنة نفس الموضوع ينعاد..

ودق... وكل سنه اگلك مامسويه شي بس جده خديجة تكرهني لان اني مو تركيه ومو من مذهبها..

مدحت... هذا خيالج المريض..

ودق... تمام اني خيالي مريض ومامؤدبه.. ومااحترم الشعائر واذا تريدون تقتلوني تفضل.. بس لاتنسى ابني باقي شهرين ويتخرج.. ومازلت تتعامل ويايه كاني طفله.. ومادام ماتردوني اني راح اخذ العشا واصعد فوك..

مدحت... اي هيج گولي ماتگدرين تتركين متابعينج والتلفون

ودق.. لا حول ولا قوة الا بالله العظيم....  رحت اخذت حصتي من العشا الي يسوونه خيرات بيوم تاسوعاء وعاشوراء ماشاء الله على الطعم انسى كل الرزاله ..وأني داارجع لغرفتي سمعت جده خديجه تصيح عليه
حفيد جميله تربيت سز

ودق.. تشكرات أناني خديجه

صعدت لغرفتي واصلا كل سنة اعتذر من ومتابعيني ومااتواصل وياهم.. دخلت غرفتي ولزمت دفتر العائلة حتى أراجع شجرة العائلة فتحت الدفتر اممم وين وصلنا بالشجرة اي وصلنا لعائلة عمو غانم

عمو غانم مواليد مواليد 1945
وزوجته خاله رعنه مواليد1950 تزوجوا سنة 1966 واولاده
شامل مواليد 1967 موظف
عطيه مواليد 1969 موظف
ياس مواليد 1970 مدرس
مؤيد مواليد 1972 طبيب بيطري
سمية مواليد 1974 معلمة
فوزية مواليد 1976 معلمة
كل اولاد عمي متزوجين ماعدا فوزية مامتزوجة للان

عائله عمو مياح وماادراك مامياح.. مواليد 1948 زوجته خاله علاهن 1949
تزوجوا سنه 1965
اولادهم 
معن مواليد 1967 مهندس زراعي
دموع مواليد 1973 ربه بيت
صياح مواليد 1977 ضابط شرطة
فلاح مواليد 1979 ملازم اول بالشرطة
رباح مواليد 1981 معاون طبي
آسن مواليد 1983 مهندسة حاسوب
وهن مواليد 1985 طبيبة اطفال ماعدا وهن
وهسة وصلنا لعائلتي
بابا اسمه باهر مواليد 1960 اصغر عمامي
ماما اسمها رؤية مواليد 1961 ماما كانت زميله بابا بكليه التربية قسم لغة عربية  بس ماقبل تتعين حتى لو بداخل قريتنا يعني زواجهم عن علاقه حب ماما هادئه بشكل مميت وطيبه جدا جدا ولان بابا يعشق المطر والبحر وكل شي له علاقه بالمياه كانت اسماءنا كلاتي
ديمه وديم  مواليد 1986 ديمه بنت وديم ولد الاثنين ماجستير لغات ديمه انكليزي وديم فرنسي

ندى بنت ده ريا ولد مواليد 1988
ندى خريجة علوم حاسبات وده ريا كليه عسكريه

غيث مواليد 1989 مهندس زراعي
ودق مواليد 1991 ربه بيت

كلنا متزوجين وعدنا اولاد
كل هذه العوائل قبل زواج بناتهم واولادهم كانوا يعيشون بمكان واحد يسمى قرية البشوات الي تعني مدينه كامله وبحدود خاصة تشمل بيوتنا بساتين مستوصف مدرسة جامع... ومل شي بموافقات الحكومة...

لارا.. أني نارديسن.

ودق.... تعاي أني هنا

لارا.. آني لتفا عربي كونوشما
(لاتحچين عربي)

ودق..ميصير لازم تتعلمين عربي حبيبتي لان ماما عربيه. تمام.. جوعانه.. ما اكلتي

لارا.. ايفت.. (نعم)
ودق.. شلت بنتي لارا الي تشبه امي كلش ولهذا اعشقها

وتعشينا سوه وغسلنا وخليتها بحضني وبديت احجيلها قصة مثل كل يوم حتى تنام واليوم حچيتلها قصة الاصبع الصغير.. ماادري كملت القصة لو لا بس الي أدري اني وبنتي رحنا لسابع نومه......

اليوم خلصنا النبذه التعريفية لعائله البطله ان شاء الله راح نبدي القصة فد يومين  بس تستقر حالتي واكدر اكتب لأن اليوم تجبست رجلي بيها فطر بعظم القدم... صح قدمي مصابه بس الالم قوي مااگدر اركز

ولخاطركم كتبت اليوم...
قراءة ممتعة
واحلى صباح لاحلى متابعات ومتابعين