أبكيك سرآ

اللقطة الثالثه

اللقطة الثالثة
ابكيك سرآ
هند الصالحي
.......................

قد تحلم مجرد حلم بأن من حولك هم سند لك لكن ما أن تصحى من الحلم ستصدم بأن من حولك هم مجرد حائط مشبع الميلان وممكن لن يسقط باي لحظه
..........................
أحببتك بقلب طفله محبه للحياه
لكنك أخترت أن ترد الجميل
وتؤادني وأنا على قيد الحياه
بقلمي
...................

مابيني وبينك مـشاريـه وعـتـاب
شف دربك اللي جيـت منه تدله
مـاراح تـغـلـبـنـي لو الحب غلاب
من حـضـرتك عشان قلبي تذله
كـنـت الـقـريب وكـلـهـم أغـراب
حتى القمر لاغاب شفتك محله
رح واعتبرنـي واحـد أذنب وتاب
مـانـي بثوب تلبسه ثـم تـمـلـه
منقول...

ودق.. رجعنا من بغداد والجو متكهرب وأول ماوصلت رحت على جده جميله ركض

جده جده

حجية جميله..... هلا هلا يا نور عيني شوكت رجعتوا

ودق.. هسه وصلنا جده اشتاقيتلج موت

جميله.. ها ودق خيرج.. لازم مسويه مصيبه

ودق... لا والله قابل شمسويه بس هم مايتقبلوني ودائما يتقصدوني

جميله.. امم مو گلت جيتكم من الصبح مو خاليه شصار تعاي احچيلي..

ودق.. احچيلج بس خلي أم بدري تگول للطباخ خلي يسووينه دليمي.. بغداد مااكلت هواي كلش جوعانه

جميله.. ادللي أصلا اليوم عدنا عزيمه عمامج وولدهم يتغدون يمنا

ودق .. وشنو الجديد عمامي هم وولدهم بين يوم ويوم هنا يتغدون  وجدو يصرف

جميله.. ولج أم لسان لو يسمعونج تتعلكين فلقه.. هسه عوفج من الأكل گوليلي شصار هناك وليش رجعتوا من وكت

ودق.... شوفي جده.. أول ماوصلنا بيت جدو هوسه وأني عندي كومه تحاضير وواجبات يصير اگعد بنص هاي الهوسه اكتب وادرس

جميله.. لا مايصير ابد

ودق.. وأني هم هيج سويت.. اخذت جنطتي ونزلت للسرداب السري مال بيت جدو.. شفته مامرتب والمرايه خطيه وصخه نظفتها وشويه سولفت وياها وشويه كملت واجباتي قابل شنو الي صار ها   ومن سمعتهم يصيحون طلعت وماما ضربتني قوي وتزاعلوا هي وبابا

جميله.... اممم ودق اني شكم مرة گتلج لا تسولفين ويه روحج مايصير يا بنتي القرين مالتج يكيف بعدين تتخبلين لأن ماتعرفين قرينك شر لو خير

ودق.. بيبي هو شنو يعني قرين اني ماأعرف

جميله.. مو حچينا ذاك اليوم إن   كل أنسان عنده اثنين ملائكه على چتفه من اليمنى يسجل الاشياء الزينه  الي تسويها ومن اليسرى يسجل الاشياء الي مو زينه.. واكو قرين من الجن يمون وياج 24 ساعه وماتدرين هو خير لو شر.. ولازم دائما نتبع قلبنا ومانخلي الصوت الي يحجي براسنا ويعلمنا على الخطا انه يتحكم بينا.. ودق بعدج تصلين مضبوط