مِن أينَ أنا وَ مِن أينَ أنتَ

الحلقة الثانية

من أين أنا ومن أين أنت .
.
يمكن اني الكاتبة الوحيدة الي ما احب اطول  بالنشر لان اكتب الرواية كلها يالة ابدي انشر . .
.
مرحبا حبيباتي شلونكم.  اتمنالكم حياة حلوة.  مثل وجوهكم.  ❤️
.
هذا بارت ثاني   كل يوم انزل بارتين.  . كل الحب الكم .😘
.
نبدي بسم الله ..  rose_____ali
.

عيونك كبار تورطت گتلك عود
سويت كلشي وما ترست عيونك

.
اكثر شي مؤلم ممكن يعيشه الانسان هو يحس نفسه ضايع عايش ع الهامش . ميعرف بداية حياتة ولا الطريق الي ديمشي بي . ولا نهايتة .
.
اي هذه اني تقى هيج حياتي . عشتهه بملهى وبيت اشكال والوان الاصناف تفوتلة و تربيت تحت ايد وحده ماعرف هي الخير او الشر هي الظلام او النور .

.
تقى. ماشي .
.
. فتت للستيج  المكان المخصص للركص و وداد وراية. جانن بعض البنات يتمركصن يمي   ونفس الوضيعة الشرب والضحك والفشار . وكفت بالوسط . وبديت اتمايل الكل صارت نظراتهم علية . يمكن لان اني الوجه الجديد  .
من بين كل النظرات هو الوحيد كانت نظرته بخزرة . ليش يخزرني ماعرف . حتى ارتبكت وخفت حسيت نظراته اخترقتني غمضت عيوني واستمريت و وكفت بمكاني مكدرت اتحرك بعد .

_
.
دهام . عمر اني رايح
.
عمر . وين دهام ضروري تروح .
.
دهام . اي ضروري . لاازم اتواجد . شاك بكم شغلة لازم اراقب الوضعية
.
عمر . زين دير بالك ع نفسك . و ياريت لو تبطل علاقات نوم .
.
دهام . ومنو كلك اني مسوي علاقات نوم . والله حلوة هاي . قسم بالله ما نايم وية وحدة  بالله هاي سالفة عمر اليسمعك شيكول.  ما خاف الله . .  هو انة لو ما الواجب والمهمة العلي انة اوصل الهيج مكان.
.
عمر . والمبيت .
.
دهام . هاي وحد . مضطر  حتى ابين انة جاي الهيج سالفة.  بس بالخوة البيني وبينك ما طاخ وحدة منهن .
.
عمر . هاهية.  
.
دهام .  يالة في امان الله ..
.
عمر . الله وياك .متمر البيتكم .(بصايح)
.
دهام. لا بس خابرت امي كتلهه ما اجي

طلعت و صعدت سيارتي وتوجهت للملهى . فتت للقاعة شافتني وحده من البنات جتي كعدت يمي . وتتموع . صارو يعرفوني هاي مو اول مرة اجي . ويعرفون طلباتي . ينزلولي ميز كامل بس بدون شرب بدون كحول يعني . بقيت كاعد وية البنية تقريب نص ساعة بس بالي مو يمهه عيوني تراقب . اي احد ممكن يخليني اشك . بي . منو هذا المسؤول الي ممكن يكون هو رأس البلاء . هناك وفاتت البنية الي شفتهه الصبح جمالهه من  كثر ما هادئ يخليك تنجبر تلتفت الها  . فاتت وعيون الكل صارت تبحلق بيهه كنت كاعد كدامهه وكفت بمكانهه وصارت تتمايل تريد تركص بس مبينة خجلانة شكلها جديدة ع الشغلة . . مبينة بعدهه صغيرة حيل . مو مال هيج شغل . صارت عيني بعينهه خزرتهه حسيتهه ارتبكت او خافت ماعرف لكن وخرت عيونهه مني بقيت صافن عليهه وهي ثابتة بمكانها بها الاثناء كام واحد شكلة سكران ومبين ميكدر يمشي ولا يتوازن بمشيته راح عليهه ولزمهه من ايدهه بقيت كاعد بمكاني وع اعصابي .
.