مِن أينَ أنا وَ مِن أينَ أنتَ

الحلقة ٥٠

من أين أنا ومن أين أنت .
.
بارت . ٥٠
.
روز علي .
.
سهران
بايكْني الحِزن
والاهه تمشي بليلي
زين انتَرايح ماتِجي
هم تظن يرجع حَيلي
خلي نفترض حَيلي رِجع
جا ياهو اليغَنّيلي 💔🎻

ديلان .
صارت رياحين كدامي لو عبالك مثل السما ركضت حضنتها  وهي تبجي واني ابجي . كل شي محجينة بهالحظن الي مر عليها مو قليل والي مر علية هم مو قليل بهالحظن حسيت وحدة تهون ع الثانية .  بجيت من قلبي وهي بجت من قلبها كعدنة ع الكراسي واني مجلبة بأيدها واحجي ..
.
شفتي راحو اطفالي ثنينهم مبقالي ولا واحد . وهسة دهام . .
.
رياحين . واني الحب الي جنت اجيج علمودة طايرة بجناحاتي و ما امشي ع رجلي راح .  لا انتي راح تنسين ولا اني وكل وحدة بينة بقلبها نار شكل .
الله يعوضج ان شاء الله بأطفال يترسون حظنج .
.
ديلان ..
بست رياحين وكمت رجعت لبست ملابس المستشفى وفتت ع دهام للغرفة .كعدت يمة . والقران بيدي اقرا ودموعي تنزل .وادعي الله
.
اللهي اقسم عليك بأحب الخلق اليك محمد .وعلي وفاطمة والحسن والحسين والتسعة المعصومين من ولد الحسين ان تشافي وتعافي دهام وترجعة الي بصحة وعافية .
اللهي دعوة يتيمة لا تكسر خاطري بيها وانت الي كلت فأما اليتيم فلا تقهر .
.
سيدي يا قمر بني هاشم . مرة دهام كال العباس مايرد احد ينخا بخدر زينب لان عندة الخدر غالي واني احلفك بخدر زينب بعباية زينب بستر زينب . بسبي زينب . بدمعة زينب وبمتن زينب الي انضرب بالسوط . بجاهك عند الله ان تشافي وتعافي.  نظرة منك مولاي وانت باب الحوائج وقاضي الحاجات . 
.
اقسم بالله بعدني ادعي سمعتة نطق بأسمي . 
.
دهام . ديلان (بتعب) .
.
ديلان . ها يروح ديلان ها عيوني ها قلبي .  اصيح للدكتور واجيك . 
.
  يمة فرفحت روحي    طلعت اركض واني اكول شكرا لله شكرا يابوفاضل.  واصيح
.
دكتوووور كعد دهام والله كعد . 
.
اجوي الدكاترة يتراكضون.  واني كاعدة برة  وزينب ورياحين وحدة منا وحدة منا ..

زينب .
فاتت ديلان للغرفة على دهام بقيت اني ورياحين برة واحس بمؤيد متوتر يريد يحجي ميكدر .   الة من طلعت ديلان . والتهو الكل وية دهام. وعمامي عينهم ع الغرفة . اجة وكف من الجهة الي كاعدة بيها اني وحجة .
.
مؤيد ..شعندج جاية لهنا .
.
زينب . اجيت على ابن عمي ..
.
مؤيد . دشوفين ابن عمج وين . يالة كعد بخير وسلامة لو ناوية تبقين ..
.
زينب . اكيد ارجع وترة للعلم اخوية جوة .
.
مؤيد . هاا اخوهة جوة يعني انت معليك . مو كاافي عاد .رديلي خبر خل افتهم راسي من رجلي .
.
زينب. اعتقد مو وقتة هالحجي .  من ارجع للبيت اخابرك .
.
مؤيد . نشوف ..راح اصبر ولو اني صبري ديقل .
.
_____
ديلان
طلعو الدكاترة من يمة وبلغونة تعدى مرحلة الخطر وراح  يحولو بالردهة بغرفة وحدة .  .
.
طلعو من الغرفة بالسدية واني امشي ويا.  اني ومؤيد وزينب ورياحين   من شفنة الجنود تقربو ع السدية رجعت ليورة اني والبنات.  فوتو للغرفة.  للردهة .  عاد صعدو ولد عمة الي جوة منتظرين.  سلمو علية وتحمدولة بالسلامة وطلعو. بقيت اني ومؤيد .
.
مؤيد.  راح تبقين بالمستشفى. 
.
ديلان . اي ماعوفة. 
.
مؤيد . ميصير لازم واحد من الولد يبقى وياج معقولة ولد عمة.  محد بقى.
.
سراج.  لا ليش  جا غير اخونة.