من أين أنا ومن أين أنت .
.
بارت ٣٧
.
روز علي . rose_____ali
.
حلم عيون توصيفك
يا قرآن گلب الروح
يالممنوع تحريفك
لا اكدر اجيك بوكت ما اشتاك
لا اكدر امر ضيفك
شعندج هنا من شفتها كمزت من مكاني ورحت يم الكنتور لبست ملابسي وهي واكفة وتحجي .
.
خلود . الله يخليك ساعدني تعبت ومليت. ماكدر احجي وياك كدامهم ما يخلوني واذا عرف قيس من عمتي اني محاجيتك يطيح حظي .
.
دهام . كولي شعندج .
.
خلود . اريد اتطلك من عندة تعبت منة ومن سوالفة التعبانة شرب وخيانة وضرب يومية وتكفخ
انت مموجود ليل ونهار هنا حتى تشوف وتسمع بعينك . . والله من جانت مرتك هنا جنت اموت الف موتة بالليلة
ابقى كاعدة اخاف لا انام ويغافلني ويروح عليها . وهذا السبب خلاني هيج اتعامل وياها حتى تكره البيت ومتجي ولا تبقى هنا من ورا. والا شعندي وية البنية اني .
الله عليك بروح امك ساعدني لان دشوف الويل. مروتك ساعدني اطلع . واروح الاهلي . احجي وية اهلي خل يسون حل فدوة. قيس تعارك وية اهلي قبل منجي لهنا وزعلو وياية وتبرو مني بسببة. لوة ايدي بجهالي. ماردت اجي بس اخذ الجهال وعفت حجي اخوتي وابوية ورة ظهري واجيت ويا . مروتك اني على الله وعليك . ساعدني اخذ جهالي وارجع الاهلي .
.
دهام . والله ماعرف شكلج . همة هاي هالملة نكسة . يغدرون ماكو امان بيهم .
.
خلود . شسوي اعتبرني اختك . بس روح ع ابوي. .
.
دهام . صار اساعدج . طلعي هسة وبعد لتجين للغرفة وبدل ما انتي بمشكلة الحق بيها وياج تصيرين بمشاكل والحق بيها عليج ..
.
خلود . ربي يوفقك ويحفظك الشبابك ويرزقك من اوسع ابوابة
.
دهام .
والله هظيمة عندي هيج عمام واهل . رجعت مددت بفراشي حسيت ع المنبه دك ع وقت صلاة الصبح كمت توضيت وصليت وكعدت اقرا شوية قران خلصت صدقت وكمت. غسلت وبدلت. ونزلت سويت ريوك سريع وطلعت للدوام . اتابع بقضية ايمان. وعالية وجماعتهن .
.
كملت شغلي باوعت ع الموبايل رسائل ومكالمات من ديلان وموبايلي صامت من الصبح واني البارحة مدزيت الها رسالة .
كتبت الها مسج .
.
📩📩
.
حبيبي ليضل بالج. علي . عندي شغل راح اتأخر . من اخلص اخابرج. واعوضج .
.
طلعت من المقر . صعدت سيارتي رجعت للبيت . بدلت ونزلت اكلت لكمة ع السريع وطلعت رحت ع اهل خلود مرت قيس . تلكوني ورحبو بية واستقبلوني بمضيفهم .
.
ابو خلود . الله بالخير .
.
دهام . الله بالخير والعافية . .
.
حجي عندي شغلة يمكم . وهي تخصكم بنفس الوقت .
.
الحجي . خير ان شاء الله .جيتك على العين والراس ومكضية ان شاء الله .
.
دهام . بخصوص بنتكم خلود .
.
الحجي . لا تجيب طاريها مو بنتي ..(بعصبية)
دهام . عمي انة جاي اتفاهم وياكم اريد اعرف السالفة وشصاير . هيج ترد بوجهي و ولدك يفزون .
.
الحجي . السالفة ومابيها. رجلها مو خوش ادمي . وطعن وليدي سجاد بالسجين بخاصرتة . ومن غير سوالفة التعبانة. من حشاك المنكر والنسوان . وانة لو ما كلت بنتي والها خاطر عندي .
الة اكعدة للحك وافصم ظهرة . جبتها يمي وعززتها وكرمتها. تالي من تالي تكسر جلمتي وتروح ويا والله شنهو عدهة فروخ . بدت بزرتها على جلمة ابوها
.
دهام . حجي الله بالخير .
.
الحجي . الله بالخير والعافية
.
دهام . ماكو ام تعوف اطفالها حجي الا ماندر وانت هم راعي هالشي بنتك منو الها عايفها للذل والمهانة غير هي تريد سند الها منو سندها غيركم انت و اخوتها . الحيف زوجها طلع مو خوش ادمي . وانة والله خجلان منكم عندي هيج ابن عم . بس انة اجيتكم لان هي طلبت مساعدتي وهالدتشوفوها متأذية منة .و تريد تنفصل بس ما تريدة ياخذ اطفالها .
.
الحجي . انة مديت ايدي وهي ردتني .وانتهت
.
رحيم (اخو خلود) . يابة تبقى هي اختنة الوحيدة . لازم نساعدها .
..
سجاد . حجي انه حتى لو تأذيت من زوجها . بس تبقى هي اختي من لحمي ودمي وانة اريدها مرتاحة مو متأذية.
أنت تقرأ
مِن أينَ أنا وَ مِن أينَ أنتَ
Romanceفتاة سمعت أنين أوجاعها من حياة لم تنصفها. فتاة تسير على ما يسيرها به القدر . فتاة تعذبت بما يكفي قيدها المجتمع ونظرته . حكم عليها بالنفي لانها تربت على يد كان لها منها نصيب من الوجع . لتقع بيد من يملك وجهان . ملاكٌ وشيطان . فأي الوجوه ستلقى...
