من أين أنا ومن أين أنت .
.
البارت ال ١٨ .
.
روز علي.
.
غيرك اجه بعز الظهر
رايدني انام بفيه
رايدني ويحب من صدك
بس اني مدري شبيه ...
.
Rose_____ali.
•
قد نقسو على من نُحبّهم من شِدة حبنا لهم وحنانُنا أيضاً ، وقد نضطّر لأن نجرحهم لأننا نخاف عليهم ، لأننا نريدهم أن يعودا لوَعيِهِم ، لأن يستيقظوا من غفلتهم ، ليتداركوا الأمور جيداً قبلَ أن يهلَكوا ... نقسو عليهم لأننا نريدهم أن يُصحّحوا أخطاء ارتكبوها في حق أنفسهم..!
ديلان . .
.
فتحت عيوني اتفاجئت بروحي اني وين نايمة . تذكرت وغميت روحي باوعت ع الساعة. ب٨ الصبح . كمت من الفراش ورتبت الغرفة . ونزلت طبيعتي من انزل درج متعودة ما اطلع صوت من جنت بيت عالية . واخذت رجلي نزلت واسمع الحجي .
.
اميمة . يمة هالحية هاي لازم ما تلفي هنا .
بلقيس . يالة ورينة شطارتج فالحة بس باللسان الله وكيل .
.
اميمة .جم يوم بس مو اكثر انة فلا بنت ابوي اذا ما اخلي يطردها .
.
بلقيس . وهذيج الثانية .
.
اميمة . صبري علي وداعتج لركضهن حفاي ..
.
ديلان .
عرفت وراهن سالفة وراح يخططن الشي . لكن بقيت ساكتة.
.
مشت الايام وصار تحكم البيت بيد بلقيس لان عمو صار ما يجي للبيت بالنهار . يجي تالي الليل ومتأخر وكلنة نايمين . ومن يطلع الصبح يطلع من وكت . ويترك مصروف الية بغرفتي على الميز يومي. ويترك مصرف للبيت ع الميز بالمطبخ .
.
بس خالة بلقيس ابد متصرف منة صرنة ريوك تسوي خاثر وخبز وجاي.
واني صرت اطلع للدوام .بدون ريوك . من غير من ارجع لو مسوية غدا لو تعاي انتي سوي ومشاكل ع الشغل .الحياة صارت متنطاق وياها اذا شافتني الزم كتاب لازم تطلع شغلة من الكاع ..
رجعت من الدوام ميتة جوع . من بعد وفاة خالة . رجعنة للخط اني ورياحين .
لان شفنة عمو تعب خطية وصدك حيلة مهدود .
.
نزلت من السيارة اني ورياحين. وكفت باب البيت .
.
روحي.. متعقدة مارريد اطب واشوفها .
.
رياحين .اذا هي جانت عمة الله يرحمها تتخبل منها من تجي تكول راعية مشاكل ديري بالج ع روحج .
.
ديلان .
فتت للبيت لكيتها كاعدة بنص المطبخ هي وبنتها وكدامهن كاسة ثريد وراس بصل .
.
السلام عليكم .
.
اميمة . شرفت ست الحسن .
.
بلقيس .تعاي تزوهري . مثرودة
.
ديلان ..
شمرت الجنطة والكتب باالكاع . وصرت احجي بعصبية .
.
صراحة اني ماعرف شنو سبب حقدجن هذا وكرهجن الي .
.
اميمة . لا صيحين على امي بالعباس اشك حلكج .
.
ديلان .
محجيت شي باوعت عليهن بنظرة منقرفة وعفتهن وفتت للغرفة بدلت ومددت بفراشي . اخذتني الغفة كعدت لكيت البيت هدو . كمت للمطبخ شفتة كلة مواعين وريحة المطبخ تكتل نظفتة وغسلت المواعين وكليت طماطة وتغديت بيها .
طلعت غسلت الطرمة ورجعت عزلت البيت ومسحتة . الحمد لله ارتاحيت من شفتة نظيف .
رجعت فتت للغرفة كعدت اقرا بقيت انتظر رياحين تجي . يوم الي متجي اعرف امها ممخليتها . .
.
استمر الوضع على هالحال . وبدت الامتحانات وانخبصت واتوترت ومو طايقة شي والي يحجي وياية كلمة يمكن انفجر علية . الى ان وصلت اخر امتحان .
.
كعدت من الصبح . بدلت واني الكتاب كدامي اراجع بي . فتت للمطبخ اشوف شي اكلة . تلكتني بلقيس .
.
بلقيس . تعاي عاونيني شوية .
.
جانت شايلة باكة سبيناغ وكعدت بنص المطبخ تثرم بيها .
أنت تقرأ
مِن أينَ أنا وَ مِن أينَ أنتَ
Romanceفتاة سمعت أنين أوجاعها من حياة لم تنصفها. فتاة تسير على ما يسيرها به القدر . فتاة تعذبت بما يكفي قيدها المجتمع ونظرته . حكم عليها بالنفي لانها تربت على يد كان لها منها نصيب من الوجع . لتقع بيد من يملك وجهان . ملاكٌ وشيطان . فأي الوجوه ستلقى...
