مِن أينَ أنا وَ مِن أينَ أنتَ

الحلقة الرابعة

من أين أنا و من أين أنت
.
البارت الرابع.
.
يسعد مسائكم يا حلوين .. rose_____ali ❤️
.
قراءة ممتعة .
.
يتحطم الانسان . بعد كل مرحلة وجع . وبتسلسل الاحداث . لكن غريزة البقاء والعيش ونعمة النسيان ربما لساعات قليلة . هي من تعطي للانسان الدافع والصبر
.
لكن . مهما حصل حتى ولو ان مرارة حياتة مرت . لن يعود الانسان كما كان يبقى هنالك في اركان القلب جروح لا يمكن ان تختفي اثاراها ..
.
.
دهام .
عفتهن وصعدت للغرفة سبحت ولبست ملابس الدوام . ونزلت اخذت سترتي والسويج وطلعت من االمحفظة ١٥٠ خليتها ع الميز .
.
يمة هاي اشترن بيها ملابس وبعد شنو تحتاج مادري . . واذا تحتاجين فلوس بعد . كولي .
.
ام دهام (نبعة) . لا هاي زايدات . واذا احتاجيت اني اجمل من عندي . الله يرضى عليك يبعد طولي .
.
دهام . يالة في امان الله .
.
ام دهام . الله وياك يمة . يحفظك الرحمن .
.
يالة احنه خل نكمل شغلنة بالبيت حتى نطلع للسوك ع السريع منتأخر
.
تقى . (هزيت راسي بأي ) .
.
كانت هي تصخرني وتكلي سوي هيج وهيج . الى ان كملنة تعزيل وشغل . كالت كومي بدلي اني هم كمت غسلت وبدلت لبست ملابسي الي اجيت بيهة .بنطرون جينز وسويتر بي كلو مشطت شعري ولفيتة ذيل ولبست حذائي .
جانت هي واكفتلي بالباب تنتظرني .
.
مشيت وياها للسوك . اشترت ملابس داخلية . واشترت بجايم ٢ وتراكسود ١ . وشالات ثنين. وبالاساس ممقتنعة بيهن . . واخذتلي صاية (عباية ) رغم مقبلت كتلها ما البسها بس اصرت و اخذتلي سويترات مثل الي لابستة اني بس غير موديلات واني اختارهن. واخذتلي بنطرون وحذاء ونعال . وجواريب وسترة . واخذتلي معطرات وفرشة اسنان . ومشط خاص . يمكن عبالها راح ابقى طول العمر يمها .
.
بس بداخلي كلش فرحت . صح عالية كانت تشتريلي بس جانت بكل شي تعيرني وجانت اكيد المصلحتها تشتري . رجعت بية ذاكرتي .
للحظة الي فاتت بيها للغرفة وشايلة علاليك هواي. شمرتهن بنص الغرفة وتحجي .
.
عالية . شوفي شجبتلج . هاي كلة فساتين سهرة . وملابس تشبه ملابس النوم. بس ترهم للحفلات الخاصة. وهاي علاليك مكياج . وسيتات ملابس داخلية .
.
تقى . بس هاي وين البسهن . ماريد البس هيج ملابس . الجسم كلة مبين منها
.
فزت من يمها وكامت فرغت العلاليك ع راسي وكفختني وبدت تصيح .
.
عالية . اني شنو جايبتج حتى اباوع على طولج .اني غير اريد احصل منج وارد . كبرتج واشتريتلج و وكلتج رديلي الدين ..
جايتني هسة تكليلي ما البسهن . غصباً عنج تلبسيهن
.
تقى.
رجعت بذاكرتي للواقع وانحبست دمعة بعيوني . اني ليش هيج يصير وياية ليش هيج حياتي مو مثل باقي البنات ليش لا كرايب ولا اهل ولا سند . .
.
ام دهام . ها بنيتي ليش تكدرتي. كليلي انة امج . ما فرحانة.
.
تقى. لا خالة ما قصرتي . وتعبتج وياية . وشكراً الج من قلبي

بقت تسولف وياي وتحاول تشاقيني رجعت للبيت واني مبتسمة حسيت براحة ودفو بهذا البيت . حسيت عندي عائلة ومكان . بس للاسف ما انتمي لهنا . اني مين جاية. وهم مين .
.
في مكان اخر .