مِن أينَ أنا وَ مِن أينَ أنتَ

الحلقة السادسة عشر.

.
من أين أنا ومن أين أنت .
.
البارت ال ١٦ .
.
يسعد مسائكم.  
.
Rose_____ali.
.
- ياريت كل هذا الحچي من اگعد گبالك يحضر،♥️✨"
- ومن ألتهي بعينك بعد تهمسلي حتى اتذكر ؛♥️🕸".
.

الخيبة التي نظن أننا نسيناها، تعود بعد زمن على هيئة بكاء بلا سبب أو ضيق أو حزن أو وحشة بلا توقيت‏النسيان لا يأتي كاملا ابدًا•
.

ديلان
اجاني صوتة من اجاني صوتة دموعي صارت تجري بشهكات .واحجي بغصة وصوتي مخنوك .
.
هاي ااااني عمو

دهام  .  وينج كليلي شلون كاعد تحجين .
.
كنت احجي وياها واشرت الجماعتي مجموعة المكافحة الالكترونية  يشتغلون ع الموقع. ويحددوو .
.
ديلان .  . اني بكت موبايلهم هذا .
.
دهام  . دليني وين انتي شنو شفتي شنو قريب عليج ..كم واحد يمج
.
ديلان  . اني مادري بس شفت بستان واني بكوخ بنص بستان وهذا الكوخ يمة كرفانات ثنين .
.
كنت احجي وارجف . 

دهام  .  راح الكاج انة لا تخافين .
.
انة واحجي سمعت صرختها و انسد الخط . هنا ما بقى عندي صبر . اريد اكلب المنطقة فوك راس الي بيها  تقدمنة بخطواتنة الى ان شفنة الكوخ والكرفانات . تقدمنة واحنة محتمين بالهمر .  شفت الكرفانات كدامي . والموخ يمهن .  . بس عرفت هالشي كمين من عدهم  من شفت فوك مبنى الكرفانات انعكاس  للعدسة مالت القناص عكست الاضائة. 
.
انطيت اشارة بوجود قناص . من بعد ما دققت بالناظور الليلي
.

.
ديلان ..
جر تابع الموبايل مني . ودفرني دفرة حسيتها  زرفت خاصرتي . حالتي حالة وكلي دم . وفكري يم  عمو زحفت زحوف اريد.اخلص منة .
.
مستعدة اسوي الي تريدة  واروح اخذني ع عالية  بس لا تخلي يموت .
.
تابع .اذا ما اسكتج بطريقتي راح تبقين تولولين واني اكرة الي تتبجبج.
.
ديلان
برمشة عين اجة سحلني من شعرني وطلعني من المكان الي هو بي واخذني سحل فتح باب بالكاع .و  نزلني الدرج واني اصرخ واتوسل بي يهد شعري . واحس جسمي كلة تجرح من السحل نزلني جوة بغرفة ظلمة فتح بابها وشمرني بيها  وقفل الباب وطلع.  قرفصت روحي ولزكتها يم الباب من الخوف . واسمع انين وصوت بجي خفيف . كمت اتخيل اشياء رعبتني . كمت اصيح  وارجف .
.
منو هنا .  منو هناااااا .  منو اكو . احجوووووو .  .منو هنا
.
سمعت رد الكلامي .بس شنو الاشكال مادري . من الظلام ..
.
_ احنة هنا مجموعة بنات . بينة المخطوفة وبينة الضايعة وبينة الي انهزمت من اهلها .  وانتي الجديدة . لا تخافين ماكو شي يخوف بالغرفة احنة يمج .  اخذي نفس عميق .
.
ديلان  . ليش ماكو ضوة .
.
__ هو احنة حياتنة كلها ظلام بظلام . منتحمل هالكم ساعة من الليل مو زين هسة صرنة نشوف ضوة النهار جنة حتى ضوة النهار منشوفة . اي انتي شلون وصلتي الهنا بيا طريقة .
.
ديلان  . مادري . كعدت لكيت نفسي بالغرفة فوك .
.
__ها انتي مخدريج يعني خطف
.
ديلان
تحجي هاي البنية واني عقلي يم عمو  لحظات وصار صوت رمي قوي بحيث  تحس الرصاص يمك . وكفت بقوتي وحيلي كمت اركع بالباب . واصيح .
.
ررااح عمو  . قتلتو الله يلعنكم . مات عمو  بسببي .عمووووووووو    ..وينكم  . تعالو افتحوووو  الباب