مِن أينَ أنا وَ مِن أينَ أنتَ

الحلقة ٥١

.
من أين أنت ومن أين أنت .
.
بارت ٥١
.
قراءة ممتعة .
.
روز علي .

الحجي بيناتنا عيونك مدوختني
ومن بين الاحبهم بووگ باكتني
عود اني الثگيل الماتهزه الريح
عمي عيونك من الكاع شلعتني..
.

من بعد ذيج الكعدة الصارت . وافقت زينب وخالة صبا وحددو موعد.للخطوبة .  وراحو اشترو ذهب ونيشان كامل .  وقررو يسوون
خطوبة بسيطة بدون عزيمة احد علمود رياحين .  بيومها والمت اربعاء . رياحين ماكدرت تحظر . بس باركت الزينب وبوستها واخذت ملابس وراح البيت ام عمر . وخصوصا ثاني  يوم يوالم خميس . يعني مراح تحظر العقد  وهم  علمود الثواب ..
.
بطبيعة الحال زينب حلوة كطول وجسم ولون عيون وبياض وشعر صح مو طويل بس حلو . . وعدها شامة فوك شفتها ناطيتها جمال فوك جمالها .يعني صدك حلوة . ولو ما اكو مشاكل بين الامهات.  والعمام.  كان مستحيل زينب عافوها تروح المؤيد .
.
حظرو الولد والعمام اليوم بعد ما خلصنة الغدا هم فاتو للبيت . واني وزينب بغرفتنة نحاول نجهز نفسنة ما قبلت تروح صالون .  اشترت فستان ابيض وطويل حلو ونازك . 
اني لبست فستان عادي مال محجبات . تمكيجت ومكياجها ماشاء الله يجنن خصوصا  حسب معرفت منها داخلة دورة لمدة ٦ اشهر . يم مركز تجميل . فكلش خبرة بالمكياج .  كملنة  ونزلنة بالصالة كعدنة .  ننتظر . شعرها سرح مي.  والحد الكتف كاصتة كاريه يموت عليها  . وعيونها خضر وكبار .  ورسمتهن طلعت تصفن . 
.
نزلت شفت دهام كاعد بالصالة ويدخن .  اجيت وكفت كدامة .
.
دهام.  ها يبعد الروح واهلها .
.
ديلان . ماعرف شبية
.
دهام . يابعد عيني اعرف بيج ضايجة تحمليني اصير زين وارجع اطلعج واونسج . .
.
ديلان . ماشي حبيبي ولا يهمك  لا تحجي هيج فدوة .
.
دهام . شوكت حترجعين للدوام اجازتج باجر تخلص
.
ديلان . ماريد طالعة من نفسي هالسنة.
.
دهام . ميخالف حبيبتي هذا مستقبلج .
.
ديلان . 
اني واحجي وية دهام اندكت الباب فتحتها فاتو بيت عمو عماد وتحظرو الولد . دهام كان لابس قميص وبنطرون  رسمي .   وكام وكعد بالاستقبال ميكدر يتحرك هواي .
.
صار صوت الهرجة والرياجيل فاتو همة للاستقبال وخالة وخواتها وبنات اختها وبنين جوي للصالة سلمو وكعدو  وبنين يمي جتي حظنتني وبوستها مشتاقتلها اختي
.
بدت المشية والحجي واتفقو بيناتهم.  صاح زيد
.
زيد . خل تجي حيعقد الشيخ .
.
ديلان .
كعدت زينب يم الباب وخلينة كدامها الصينة والقران والهيل وعلى حسب الاصول الى ان عقد الشيخ وكمل كل شي  ..طلعو الرياجيل وتحولنة بمكانهم . اباوع عليها ترجف . لزمت ايدها و وكعدت يمها .
.
زينب . ابد مراح انسى وكفتج .
.
ديلان . واني هم  ما انسى وكفاتج وياية .  .
.
كالو حيجي العريس كمت  وكفت بصفها .  وفات هو لابس قاط وبيدة باقة ورد .  وخجلان وجهة صاير احمر.   قبل ميوصل يمها وكفت هي.   ناطها باقة الورد وباسها من راسها  وكعدو ثنينهم . 
.
مؤيد . بالعباس دخت .
.
زينب.  ليش
.
مؤيد . كل هالجمال كدامي وتسأليني ليش مو حقي انثول وادوخ
.
زينب  ... 
اسعد يوم بحياتي صح ما صار مثل ما كنت احلم.  بس كان يوم حلو خصوصا عيونة جانت تحجي كل شي.   اخذ الحلقة من امة ولبسها الي  وباس ايدي .  وايدي ترجف وايدة ترجف.  رجعت اني اخذت الحلقة من امي ولبستها الة.  رجع هو اخذ القلادة لبسها الي وتقرب باسني من ركبتي . وخالة ام مؤيد بأيدها لبستني التراجي لان مكدر  ايدة ترجف  اكلنة كيك وشربنة عصير.   سوتلنة ديلان جو رقص سلو. . و وحدة من البنات طلعت اغنية . تامر حسني الله يباركلي فيك .  من بعدها ديلان طلعتلنة اغنية . انا كلي ملكك . رقصنة  عليها . وهو ضايع احسة .  ومحاوط خصري بأيدة.    تقريب  خلصنة مراسيم العقد .