مِن أينَ أنا وَ مِن أينَ أنتَ

الحلقة التاسعة عشر

من أين أنا ومن أين أنت .
.
البارت ال ١٩ .
.
روز علي . Rose_____ali ..

.
هـليّ شافوني ما أنفع
شنـي من المغرب أتوجـع ؟

صرت ماي بـ بلم واتخيل شمكروه
عليه تگـابلو رادوني بَـس أطلع

أنه المفروض تبچيلي
انـه مو هيج اتودع
..

دهام . عاشت ايدج على هالاكل الطيب .
.
ديلان . بالعافية عمو .
.
كملنة غدا. ولملمت المواعين وغسلتهن وهو راح كعد بالصالة  يباوع بالتلفزيون.  اني سويت جاي وصبيتة بكوب واخذتة قدمتة الة.   جنت بالي تدور سالفة وفكرة  اني واكفة حجيت ويا. 
.
عمو اكدر اسأل سؤال
.
دهام . اي جواب.
.
ديلان . عمو اني اذا اصلي هسة هم الله راح يقبل مني واني بحياتي كلها  ممصلية ولا صايمة .  ولا متحجبة. 
.
دهام . شوفي.   بطبيعة الانسان فطري . يعني من يجي للدنيا يسوي كل شي ع فطرتة الى ان يكبر ويفهم ويتعلم شوية شوية وتنزرع بي القيم والمبادئ والديانات عن طريق اهلة  .
.
لكن بالحقيقة الله من خلق ارواحنة   خلقنة معترفين بربوبيتة  خلقنة معترفين بدينة . وبالقران مذكور فطرت الله  التي فطر الناس عليها .  يعني زرع بذرة النور هذة بداخل الانسان .  فمهما  يوصل الانسان من مراحل كبيرة ويتعمق بالمعاصي . ويشوف نفسة غركان بير عميق من الذنوب . 
هاي اللحظة الي يباوع ع نفسة ويشوف عندة بس ذنوب . الله يوهج هذة البذرة بذرة النور الي بداخلة .  راح يمدلة الحبل .  مرة ومرتين واكثر . الى ان . الانسان يساعد.نفسة ويدور وين المنفذ  ويتعلق بهذا الحبل ويطلع من بير المعاصي والذنوب . 
ليش هو احنة بينة واحد ماعندة ذنوب بس لو لا ستر الله علينة
ومن انعام خالقنا علينا بأن ذنوبنا  ليست تفوحُ  فلو فاحت لأصبحنا حيارى . فرادى في الورى  لا نستريحُ.
و هاي نعمة .
انتي بعدج صغيرة   وتكدرين تصلحين كل شي صار  والله غفور رحيم بعبادة  يغفر ويسامح  ويرحم . شرط من قلبج التوبة .  واني راح اكون وياج . اعلمج تصلين والتزمي بيها . البسي حجابج عدل ومتكامل  صدكيني تطلعين اميرة . 
.
ديلان . الله عمو شكد حجيك حلو .
.
دهام . وانتي هم عقلج حلو  لان فكرتي بأول خطوة بالطريق الصح .
.
ديلان . عمو تكدر تعلمني اصلي. 
.
دهام . اي يالة كومي . 
.
كمت واخذت ايدها بأيدي ورحنة للحمام  جنت اتوضى اني كدامها وهي تطبق مثل ما اسوي.   كملنة وضوء وفرشت سجادة امي ولبستها الاحرام بأيدي . وفرشت سجادتي كدامها .   وكفتها بأتجاه القبلة .
.
شنو راح احجي كولي مثلي . وشنو الي اطبقة سوي مثلي .
  كبرت وبديت  واني اقرا وهي وراية تردد .   الى ان خلصنة الصلاة .  كمت سحبت السجادة وكعدت بصفهة واخذت ايدها . بدون ما اثني رجلي   وبديت اعلمها تسوي تسبيحات الزهراء .  واني احرك اصابع ايدي على عقد اصابعها .  واردد  بالتسبيحات وهي تردد وياية  .   كملنة عددنة اسماء الائمة استغفرنة ع مدار السبحة . ذكرنة الصلاة على محمد وال محمد . اباوع عليها كانت مبتسمة . لزمتها من راسها وبستها .. ورجعت بست ايدها
.
ديلان . هاي مالت شنو البوسات
.
دهام . بوسة الراس تعني احترام .  وبوسة الايد تقدير للي سويتي.  وان شاء الله المغرب هم اذا ما طالع وعندي شغل  اني وياج نوكف نصلي .
.
ديلان.   تدري عمو احس نفسي ارتاحيت .
.
دهام . الا بذكر الله تطمئن القلوب  .
.
ديلان . مرة حجتلي رياحين عن العباس وكالت مدفون بكربلاء  تاخذني الة.  مادري ليش حبيتة .
.
دهام .سلام الله عليك يا قمر بني هاشم.  هو منو مايحبة للعباس  نطانة دروس بالشجاعة والتضحية والحب والفداء والوفاء  . حتى العدو شهد بشجاعتة . 
.
ديلان . عمو احجي قصة  عنة. 
.
اباوع علية كام ولم السجادات ثنينهن وكعد بالكاع وانتجة بالقنفة واشرلي بأيدة اكعد بصفة .  كعدت واني استمع بحب للي راح يكولة .