من أين أنا ومن أين أنت .
.
بارت ٤٩
.
روز علي.
.
قراءة ممتعة .
للحين وإني استاهلك
وعيوني بغيابك تبي وماتلكه شي يرضيها
للحين واني اشتاكلك
شوك اليتيم الي فكد أمه ويمر طاريها
صوتك يرن بمسمعي
رحت وبقيت بلاوعي
واتمنا تمهلني ولو لحضات اشمك بيها
وياليت ساعتها اسالك
هم تدري من اشتاكلك
شتسوي بيه العازه
هم تدري شيحس الكلب لمن يريد اعزازه
ينجاب طاريك وافز
واضحك بوجه اليستفز
واتحمل استفزازة
ما اكدر ازعل واختلف
يادوب عندي شكم جتف
بيهن انشال اجنازه
عمي اني كبلك فاركت
شو بس عليك اتوازة
رياحين. اذا رب العالمين معتني بيج اعتناء مصاير . هم عيون ملونة وهم بياض وهم جمال وهم جسم منحوت وهم شعر سرح شتريدين بعد قابل مثل حظي . حقة يتغزل بعيونج اذا جارتلة الايلاينر جر . جنج نفرتيتي مرت فرعون .
.
زينب . بلا هالحجي الماصخ .
.
رياحين . دقيقة .
.
اخذت موبايل زينب وكتبت .
.
📩
قبلت الدعوة على العزيمة .
.
رياحين .
طلعلي يكتب . شمرت الموبايل على زينب ورجعت مددت بفراشي .
.
زينب . هاي شسويتي عزة بعينج يكتب . شحيكتب منو كلج تكليلة هيج اصلا جنت ناوية ارفض .
.
رياحين . دولي ولي ترفض ام الوصخ ..
زينب ..
دز مسج كاتب .
📩
مؤيد . كنت حاس راح توافقين .
.
زينب . زين ممكن اعرف سبب هذة العزومة شنو.
.
مؤيد ..اني من النوع الي ما احب استعجل بكل شي . وقبل ما اخطي خطوة افكر الف مرة . ولاول مرة . احس بروحي اريد اختصر كل شي .
.
زينب . يعني ؟؟ .
.
مؤيد ..اعتبريها بداية ..بداية حلوة . ومن تجين راح تتوضح الامور اكثر .
.
زينب . ان شاء الله . اني اترخص هسة .
.
مؤيد . على راحتج . بالليل اراسلج .
.
زينب . ليش .
.
مؤيد . من اراسلج تعرفين .
.
لاول مرة بحياتي اتوتر هيج . وفعلا احس اريد قربها هالبنية شدتني الها بطريقة عجيبة .
ثكلها عقلها اناقتها رزانتها لسانها وثقتها . قوية كلش . واحب اكون وية امرأة قوية . احسها تسندني وتنطيني من قوتها وبالمقابل اني ادعمها بقوتي وحبي .
.
زينب
مر اليوم حسيتة بشكل سريع بس احلى ما في الامر جاب نتيجة وية رياحين وخلاها ترجع الحيويتها وتضحك وهي تنسقلي ملابس
.
_ولج ماريد البس الوان .
.
رياحين . انجبي متلبسين اسود وتروحين جنج ارملة .
.
زينب.
نسقتلي. بنطرون جينز ثلجي. وقميص ابيض بس يغطي الورك .وبي نزلات ثنين وحدة فوك الخ وحزام من الوسط . وحذاء . وشال وجنطة بنفجسي فاتح كلش . . جانت تنسيقاتها كلش حلوة.
.
كمت غسلت وجهي واسناني وخليت كريمات عناية وتمددت بفراشي. وافكر من كال بالليل اراسلج شوكت حيراسلني
بداخلي مشاعر متلخبطة مابين اريد اكون ويا ومابين ماريد ..
اهتز موبايلي واني لازمتة بأيدي وخالتة ع بطني. اعلن عن وصول مسج . فتحت المسج وقريت .
.
📩
.
عيونك ليل واحب أسهر لياليها .
.
زينب . هههه هاي كل افتتاحية للمسجات حتكتب شعر .
.
مؤيد . مادري شكلج اذا انتي خالتلي عيونج صورة .
.
زينب . شنو محلوة اغيرها.
أنت تقرأ
مِن أينَ أنا وَ مِن أينَ أنتَ
Storie d'amoreفتاة سمعت أنين أوجاعها من حياة لم تنصفها. فتاة تسير على ما يسيرها به القدر . فتاة تعذبت بما يكفي قيدها المجتمع ونظرته . حكم عليها بالنفي لانها تربت على يد كان لها منها نصيب من الوجع . لتقع بيد من يملك وجهان . ملاكٌ وشيطان . فأي الوجوه ستلقى...
