من أين أنا ومن أين أنت ..
.
بارت ٤٧ .
.
يسعد.يومكم ..قراءة ممتعة .
.
روز علي . rose_____ali
.
رغبتك خلصت لو طبعك تبدل
واذا شبعان مني احجيلي لا تخجل
هي العاده عندك تنعشك وتروح
وتعوف الزرعته يسلهم ويذبل
مو كتلي اليحب ينحضن حته يعيش!!
المفروض التحبه بهل حضن يقبل
ورضيت انطيك روحي وخذت روحي وياك
وانطيت التريده وخفت لا تزعل
شنهي الغيرك ذبيتني بلا روح؟؟
هسه عله الاقل جاملني بس اسأل
.
دهام ..
تقربت على مؤيد وام مؤيد اسأل مستفسر
.
دهام . خير خوما صاير شي .
.
ام مؤيد . الله يعوضكم ان شاء الله .
.
دهام . حتى الثاني مات ..
.
ام مؤيد . اي .
.
دهام
عفتهم وركضت للغرفة اشوف ديلان لكيت بنين حاظنتها وكاعدة وهي تبجي وتتلوة. بدخلتي للغرفة دخلن الدكتورات
تلكيتها .
.
شبيها دكتورة .
.
الدكتورة. ضروري نسوي العملية محتاجين توقيعك استاذ لانه الطفل ما تحمل. والمشيمة انفصلت عن جدار الرحم بشكل كامل
.
دهام . دكتورة جا مو كلتي زينة.
.
الدكتورة . اخي نبض الطفل كان كلش ضعيف والطفل تعبان. والتوأم ثنينهم بكيس ومشيمة وحدة . فواحد يأثر ع الثاني حاولت بكل الطرق ان احافظ علية بس بعد ارادة الله . اقوة مني ومنك .. هسة ضروري تدخل عمليات . لان بما هي بشهر السادس. ماكدر اسوي كورتاج لازم تدخل عمليات . الطبلة موجودة يم دكتورة هنا . وصالة العمليات جاهزة .
.
دهام . ان شاء الله دكتورة.
.
طلعت الدكتورة واني رحت على ديلان. فاتت وراية للغرفة ام مؤيد .
.
ديلان . وين جنت يومين عايفني . شلون هيج تسوي بية.
.
دهام . يمج والله يمج ماعوفج بعد . مو بيدي
.
تحجي بحركة كلب ودموعها اربعة اربعة وتشهك
.
ديلان . ثنينهم راحو مبقالي ولا واحد . اني ليش مكتوب علية ابقى وحيدة . راح انحرم حتى من العائلة اهلي احتركو وراحو و واطفالي ماتو. ليش هيج ديصير وياية بس كلي .
.
دهام . حبيبتي هذا امر الله شبيدنة بعد .
..
من حجيت هيج هي انفجرت بوجهي .
ديلان . لا تكول ااااااامر الله مو ااااااامر الله ااااانت اي ااانت و اااااابن عمك . لو ما تدخل بزوجتة وجهالة مجان سوة هيج بية . اني اررررريد حق اطفالي منة. وفوك هذا تعوفني يومين .
.
دهام . ماشي بس اهدي راح يدخلوج عمليات هسة . موزين هيج تسوين بروحج .
.
جلبت بيها وهي كامت تضرب بية تريد تدفعني .
.
ديلان . مكمت اطيقك دهام .مكمت اطيقك
.
ام مؤيد . ماما حبيبتي كولي يا الله . وعيونج اني قبل مؤيد ٣ اطفال يجون مابيهم شي ومتفحين و ورة الولادة بساعات يتوفون . شبيدي امر الله وشوفي هسة ربج عوضني ب ٣ . ترة هو كلة امتحان .
.
ديلان . خااالة قللبي محروك . والله يمكن الله ديعاقبني لان مردت الحمل بالبداية .
.
بنين . حرام تحجين هيج والله .
.
دهام ..
عفتها وطلعت وقعت ع الطبلة . وبصمت هم . ورجعت للغرفة شوية وجتي دكتورات ثنين وممرضة. اخذوها بالسدية . انة وام مؤيد وصلناها للمصعد . وبعد ماخلونة نصعد وياها .
بقيت لايب برة . وام مؤيد ومؤيد وبنين وياية. مابيدي اسوي شي . ومنتظر يطلعوها ..
من بعد نص ساعة. كالت الممرضة .
.
الممرضة . ديلان محمد خلصت عمليتها وزينة ان شاء الله .
.
دهام . الحمد لله يارب .
أنت تقرأ
مِن أينَ أنا وَ مِن أينَ أنتَ
Romanceفتاة سمعت أنين أوجاعها من حياة لم تنصفها. فتاة تسير على ما يسيرها به القدر . فتاة تعذبت بما يكفي قيدها المجتمع ونظرته . حكم عليها بالنفي لانها تربت على يد كان لها منها نصيب من الوجع . لتقع بيد من يملك وجهان . ملاكٌ وشيطان . فأي الوجوه ستلقى...
