من أين أنا ومن أين أنت .
.
بارت ٤٠
..روز علي. rose_____ali .
.
ردت افتهم ليش اختلف!
مو هو كايلي وحلف
ميعيش لحظة بدوني
ساعتها حيل اتعلقت
والله احلى من عنده شفت
بس گلبي غش عيوني
بمرايا اصفن وانتبه
شو مختلف هذا الوجه
واتردد امشي ابيتنا
يجوز اهلي ميعرفوني.
ديلان ..
بقينة هاليومين ع هالوضع . مليان حب ورومانسية كانت لحظاتي ويا تسوة العمر كلة . كملنة الليلة الثانية ع نفس النمط الساعة ثمانية الصبح اجتي خالة من الباب اخذت البدلة وراحت . . الساعة ب ١٠ الصبح بدلنة اني ويا لبس هو دشداشة لون ابيض . واني لبست . فستان بسيط عدل اوف وايت لونة . كان كلش حلو طالع ع جسمي . خليت مكياج خفيف ولفيت الشال.
و طلعنة من الفندق رجعنة للبيت . بس اول موصلنة للبيت حسيت قلبي انقبض . بعدني بالباب طلع سراج حافي ويكمز ويركص ويطش جكليت علينة . ويهلهل .
اجتي خالة ام قيس بوستني بس واضح من كفة خشمها . وعمو ضياء وقيس هم سلمو علية .
فتنة للصالة وايدي بأيدة ولا عافها بس من يسلم جتي رياحين تكمز من برة . وتصيح ..
رياحين .
ودهومي رايد رادتة وعايف بنات ولايتة
..
دهام . ام السان .
رياحين . الف مبروووك شلون ثنين يخبلون عين الباردة عليكم
.
ديلان ..الله يبارك بيج حبيبتي ..
.
رياحين . هسة انتو هذا اليوم الثاني الكم شنو يعتبر صبحة ظهرة لو مسوة .
.
دهام . . كلها نفس الشي ...
.
رياحين . فاتكم البارحة الكيمر . ديلان خالتج البارحة جابت ٣ صواني كيمر . وعسل ومربى سطالي وصمون حار . وجبن عرب . ودبس . كعدت اكلت لما كلت بس . من غير العشيرة جانت كلها هنا عبالنة تجون . للاسف كل شي مبقالكم .
.
ديلان . الف عافية حبيبي .
.
دهام . يالة احنة نترخص . .
.
رياحين . وين رايحين يمعودين خل نشوفكم .
.
ديلان . خبلة والله
.
سراج . شكد ثولة ذولة بعدهم عرسان بعد اسبوع اذا طلعو من الغرفة زين .
.
دهام
صعدنة للغرفة اني وياها وهي ايدها بأيدي. . اول مفاتت للغرفة تفاجئت.
.
ديلان . واو متوقعت هيج حلوة.
.
دهام . شنو عبالج ماعندي ذوق . لعلمج ذوقي حلو
.
ديلان . واني ساعدتك .
.
بقينة كاعدين شوية اني ويا بس هو ابد ميكعد راحة لازم ينحرف . الى ان صاحلونة ع الغدا . نزلنة تغدينة. وسويتلهم جاي . من بعدها عزلت المواعين وغسلتهن .خلصت وطلعت من المطبخ لكيت ماكو احد بالصالة . صعدت للغرفة . اول ما فتحتت الباب جرني من ايدي واخذني الحظنة .
.
دهام . وين تأخرتي اشتاقيتلج ..
.
ديلان . . جنت اغسل مواعين .
.
بدا يتقرب مني. وكل ما يتقرب مني احس روحي اضيع بين ايدة . وقلبي يدك سريع وارجف حتى من لمساتة . بطبيعتة جريء كلش . رغم اخجل منة بس بنفس الوقت بأسلوبة يقنعني ع كل شي . ويوصل مرحلة يخليني اني اطلب منة .
.
من بعد الي صار نمت . نومة عميقة . حسيت ساعة ب ٥ ودنيا المغرب صايرة . كمت اخذت ملابس وفتت سبحت وبدلت طلعت من الحمام لكيت دهام كاعد . كام من الفراش باسني واخذ ملابس وراح للحمام اني عزلت الغرفة. ويبست شعري . طلع هو من الحمام . وكف يمشط ويعدل روحة كدام المراية حجيت ويا .
.
_حبيبي راح انزل اني . اشوف خالة خطية وحدها ميصير اعوفها. هم مرأة جبيرة.
.
دهام . فدوة الحنيتج . نزلي حبيبتي بس مو تنسين الصلاة .
.
ديلان . صار .
نزلت فتت للمطبخ بديت اجهز بالعشا اجتي رياحين. وياية تساعدني . كملنة العشا ورحت توضيت وصليت خلصت فرشنة السفرة . بالصالة. وبدينة ننقل بالمواعين . اني ورياحين .
.فاتن خالة صبا وزينب . . خالة صبا محجت وياية .بسرعة فاتت للصالة بس زينب جتي .علية .
.
زينب . هلو دنو الف مبروك حبيبي عذريني لان مجيت بس والله جنت تعبانة من الامتحانات . وتعرفين وضع امي ما اكدر اعوفها وحدها .
أنت تقرأ
مِن أينَ أنا وَ مِن أينَ أنتَ
Romanceفتاة سمعت أنين أوجاعها من حياة لم تنصفها. فتاة تسير على ما يسيرها به القدر . فتاة تعذبت بما يكفي قيدها المجتمع ونظرته . حكم عليها بالنفي لانها تربت على يد كان لها منها نصيب من الوجع . لتقع بيد من يملك وجهان . ملاكٌ وشيطان . فأي الوجوه ستلقى...
