مِن أينَ أنا وَ مِن أينَ أنتَ

الحلقة العاشرة

من أين أنا ومن أين أنت
.
البارت العاشر .  ❤️
.
يسعد يومكم يا حلوين .  #rose_____ali .
.
عَيني إذا نظَرتْ لحُسنكِ سبَّحتْ
سُبحانَ من خلقَ الجمالَ وجمَّلكْ.

الألوان الباهتة في حياة الإنسان، مراحل عمرية مفصلية في التحول. فالإنسان يولد متوهجًا، ثم تستقطع منه الحياة هذا التوهج شيئًا فشيئًا، حتى يصير باهتًا، ثم يصادف روحًا أو فكرة أو موقفًا أو كل ذلك مجتمعًا في كيان واحد، فيعود إليه وهجه من جديد، بل ربما صار كائنًا آخر كالكوكب الدريِّ!.
.

تقى .
عفتها . وهن كامن كلهن بوسنها وتحمدن الها ع السلامة  ويسألن بيها .
.
ام لمار . حجية مكلتي هالبنية مين .
.
ام دهام . ضيفة جايتني  .شدعواجن حتموتن . 
.
انغام . حجية احنة بس سألناج ردنة نعرف مين .

.
تقى .
عفتهن واني فتت للمطبخ لكيتة مكلوب كلب  والبيت مخبوص والكرايب كلهم اجتمعو بيت عمام دهام وخوالة ونسوان خوالة وعماتة وياهو الي يشوفني يستغرب ويصيح هاي منو ومحد يجاوب
يسألني اني اسكت  اباوع ع المطبخ متروس . مواعين ع كلاصات . التمن مطشر بالكاع . لميت التمن وبلشت انظف بالمطبخ ورياحين وياية تساعدني . وكفت اغسل مواعين . جتي وحدة وكفت يم السنك وجتفت ايدها . جانت حلوة حيل بيضة ثلج وعيونها ملونة وطويلة
.
اني لمار بنت عمتة الدهام .
.
تقى. اهلا وسهلاً
.
لمار . شبيج متجاوبين واحد يسألج ويكلج انتي مين
.
تقى . بس خالة جاوبت . على شنو بعد .  اني اجاوب .
.
لمار . ليش مكطوع السانج ومندري .
.
تقى .
بقيت ساكتة . اني واشتغل بالمواعين سويت شوربة خضار الخالة . لان تحبها . وبيهة مكعبات دجاج مثل معلمتني عليها . هي طبعها الخضار الي تريد تسويها بالشوربة تقطعها وتخليها بحافظات بالمجمدة اني بس طلعتهن وخليتهن بالجدر  . خلصت كل شي بالمطبخ بقت رياحين تمسح الغراض وتعزل و اني طلعت ردت اغسل الطرمة شفتها متروسة احذية وشحاطات   خليت ورجعت . صبيت شوية شوربة بالماعون الخالة . وديتة الها كعدتها ورجيتها على مخاديد .
.
ام دهام  . يمة حتعبج ويايةة.
.
تقى . خالة تعبج راحة لا تكولين هيج انتي امي . المهم انتي تكومين بالسلامة .
.
بديت اوكلها شوية شوية . جتي ايمان . تحجي وتتموع
.
ايمان . سودة علية عمة . والله متت قهر وبجي عليج اسالي رياحين .
.
رياحين . بس احنة مندري هي بالمستشفى هسة درينة شوكت بجيتي .
.
ايمان .
خزرت رياحين واحجي . 

عمة مابيج غير العافية . دهام  وين صار . سودة علية دزلي رسالة كلي مشتاقلج .
.
تقى.
بقت ايمان تحجي وحدها الى ان خلصت اكل الخالة وشربتها علاجها . حسب ممأشر .
.
باوعت ع الساعة صار وقت صلاة المغرب .
.
ام دهام . كوميني يمة اروح اتوضى .
.
تقى .
كومت خالة وساعدتها تمشي . للحمام . فتت وياها اني  .  طلعتها غسلت وتوضت . ورجعتها كعدتها ع الرحلة مالت الصلاة  ولبستها الاحرام  وحجت بيني وبينها