مِن أينَ أنا وَ مِن أينَ أنتَ

الحلقة السابعة

من أين أنا ومن أين أنت
..
البارت السابع .
..
يسعد صباحكم 😘
.
Rose_____ali

.
حتـى عيونـك الحلـوه
ولا جنـها اتعـرف شكلي
ولا تعـرف لهفتـي عليـك
لاهـزك دمـع من طـاح
ولا كتـلك جـرح حطـلي
وحـدك سافـرت بالطيـف
ما شفـت السهـر مثـلي 💔

.
حقيقة الانسان ليست بما يظهره لك . بل بما يفعلة لأجلك . لذلك اذا اردت ان تعرفه .انظر الى ما يفعله .

.
الحقيقة الثانية ممكن تكون العكس بمجتمعنة . مجتمعنة الي يهتم للسمع اكثر مما يهتم انه هل هذا الانسان فعلاً هيج او لا .
وحتى لو الكلام الي یقال كذب ومفبرك . خلص يبقى مثل بصمة العار بجبين الشخص .
.

كنت متمددة ومنتظرة بلهفة الاخبار الي حتجيني بخصوص المدرسة وافكر واحلم بدراستي . سنوات الدراسة الي مضت . كنت ادرس بس بدون هدف بدون حلم . بدون غاية . ادرس واحفظ وادرخ وافهم . بس حتى احصل معدل عالي ونتيجة عالية . بس حتى انتقل للمرحلة الثانية . كنت بكل سنة اطلع من الاوائل ولا سنة طلعت درجاتي قليلة . ولا سنة دارسة عند مدرس خصوصي . لكن هذه اول سنة .
اول سنة احب ادرس لأجل هدف وحلم وطموح . صح ممقررة ع شنو اقدم كلية . بس عندي حلم اريد اكون اني ويكون الي شخصية وكيان ماريد اكون معدومة .

اخذني تفكيري لو اهلي موجودين كان اني هم طلعت هيج شاطرة . شنو كان رد فعلهم من يشوفوني اني من الاوائل . التفتت ع خالة لكيتها نايمة ع القنفة وتشخر واني متمددة ع القنفة الثانية . واكلب بموبايلها . . بلحظات مشفت غير الباب نركعت بقوة . كمزت خالة من مكانها بفزة واني هم حالي مثل حالها وفاتو يمكن بل ١٥ واحد للبيت لابسين زي الجيش وملثمين . اجة واحد علية .سألني .
.
_ انتي تقى .
.
تقى . اي .
.
_ اخذوهة
.
تقى .
جلبو بية ثنين و يجرون بية واني احاول اجر نفسي من عدهم واصرخ بصوتي ومرعوبة من الي ديصير .خالة كامت تصيح وتعيط عليهم . وتجر بية تحاول تخلصني
.
ام دهام . عوفوها ولكم انذال . عوفوها وين تاخذوها ولك اني ابني عقيد دهام عوفها .
.
تقى .
اباوع ع خالة دفعوها و وكعت بالكاع واني جروني وشمروني بالسيارة تحس كل شي صار بلمح البصر مجرد دقايق . بحيث شخطة السيارة ضربتني بالكشن الامامي براسي .كنت احاول اخلص نفسي بأي طريقة منهم هجمت ع واحد وخرمشتة بوجهة بأضافري . ورد هو ضربني براجدي ركع راسي بالجامة وراها محسيت الة انضربت ع راسي بشي قوي لحظتها ردت افتح عيوني مكدرت . فتحت عيوني واني اسمع اصوات حجي بعيدة واني نايمة ع كرويتة . كنت خايفة وارجف وماعرف اني وين وشنو مصيري . رفعت راسي المكان الي اني بي خرابة وزبالة وريحتة قذرة كمت من مكاني وتمشيت الحد الشباك وخرت البردة باوعت دنيا ظلمة ساعة بيش هسه مادري . فزيت من انفتحت الباب وفات واحد طويل و ملثم ولابس تشيرت وبنطرون عسكري وبسطال .ويفر بالسجينة الي بأيدة كعد ع القنفة كدامي واني واكفة . ارجف . وهو يباوع علية من فوك ليجوة . ويحجي وياية ..
.
_ انتي تقى الي خابصينة بيها .
.
تقى . ( هزيت راسي بأي ) .
.
_ وانة رجاس
.
والله لو طالعة محلوة جان كلبت الدنيا عليهم . لان ما اجازف بجماعتي علمود وحدة زركة .حمدي الله طلعتي حلوة .