مِن أينَ أنا وَ مِن أينَ أنتَ

الحلقة ٤٨

من أين أنا ومن أين أنت .
.
بارت .٤٨

روز علي .
.

وآنا بروحي
‏حِزن ديرة
‏ومَلامح خوف
‏وحَرب چذبة ، وحِلم تايه
‏ونَهر ثالث حُفر خَدي
‏غَريب بكاع مَتلمني
‏چم ليلة
‏اذب دموعي ع المامِش
‏ولا ادري .💔😣

ديلان ..

الحنية هي الضمان العظيم للحب . اي شخص حنين عمرة ميتغير ولا يبقى قاسي  ولايبيع ولايخون
ولايهون علية احد يحبة . الحنين دائما عندة استعداد يطيب خاطرك .  ويهون عليك ويشيل عنك الهم لان متهون علية ولهذا من تختارون اختاروا شخص حنين حتى تعيشون ويا بحب وسعادة وراحة القلب والروح
.
‏من غلطات عمرنا
إنه أحنة أوقات نطلب "الحنية" من ناس قلوبها صعبة ناس قلوبها حجر،
ونعمي عيونة عن قسوتهم، وننسى  إن "الحنية"  شيء مو مكتسب .يا ينولد الشخص بيها يا يعيش عمرة كلة يسمع عنها من بعيد لبعيد . اللي انولد حنين راح يبقى طول عمرة حنين واللي أنولد قاسي راح يبقى طول عمرة قاسي .
.
‏لا تعب  نفسك وية  ناس قاسية حتى لو طلبت منهم وحنوا عليك شوية مراح تكون هالحنية من داخلهم  ولا راح تكون  مقنعة و الموضوع مراح يستمر لأن الطبع يغلب التطبع ..الهذا السبب  الناس الحنينة رزق  من الله . 
الله يرزقنا بقلوب حنينة لينة تهون علينا الدنيا و قسوتها
.

دهام .
كعدت من الصبح ع صوت موبايلي  دحجت الاتصال من عمي . فتحت خط وجاوبتة ..
.
📲
.
ضياء . الله يساعدك .
.
دهام . هلا عمي الله يساعدك ..
.
ضياء . احنة هسة يم ابو ايلين انة وعمك محمود  و ولد.عمك الباقين . تعال يبوي حتى نوقع وتفظ سالفة هالبيت الاكشر . 
.
دهام .  اي ابدل واجيكم دقايق .
.
كمت سبحت ع السريع وبدلت ونزلت . رحتلهم لكيت الكل موجودين . سلمت وكعدت . وبلش ابو ايلين  . وبعد ما يقارب .  اكثر من ساعة . يالة خلصنة ..الباقي علية هو يكملة . انة هم طلعت منهم ورحت على ولد صديق جنت متفق  ويا على بيت بالكرادة بصف بيت .خالها اريدة او بنفس الشارع .
رحنة اني ويا  على واحد ابو عقار يعرفة . عرضلي بنفس الشارع ٣ بيوت جدد بناء حديث . محد ساكن بيهن .تريد بأثاث او بدون اثاث .  بس  واحد ١٠٠ م والثاني ١٥٠ والثالث ٢٥٠ م .
.
انة عجبني البيت ابو ال ١٥٠ .  توجهنة للبيت حتى نشوفة .
بدايتة طرمة . وبيها حمام . بعدين باب استقبال وباب المطبخ وحدة بصف الثانية .  وبوبهن ع الصالة ودرج بالنهاية غرفة وايضا حمام متكامل .  منور ورة الغرفة والحمام ومنور بنص البيت مسوي حديقة داخلية .  القاط الثاني غرفتين وحمام وصالة .  وبالكون . عجبني لان ما مخربط ومرتب وكلة ابيض
اتفقت ويا ع السعر  وتكاتبنة ومشت الامور .  رجعت للبيت بالليل لان من شغلة الشغلة . مددت من التعب  . دك موبايلي شلتة دحجت ع الشاشة مكتوب بنت عمي ز .  فتحت خط وحجيت وياها .
.
📲📲
.
دهام ..الو نعم ..
.
زينب . هلو دهام شلونك .
.
دهام . هلو بيج بنت عمي .
.
زينب . ردت اسأل عن ديلان . لان اني وامي نريد نزورها .
.
دهام . اي هلا بيكم . موجودة بيت خالها .  اذا تحبون  انة فد.شوية رايح اشوفها   اخذكم . وياية
.
زينب . لا يمعود  خاف نسوي عليك زحمة .
.
دهام.  مابيها داعي الهالحجي الماصخ .
.
زينب . مشكور ابن عمي . لعد هاهية نبدل ومن تطلع دكلنة هورن . 
.
دهام . ان شاء الله .
.
زينب
سديت الخط منة والتفتت الامي . 
.
_يالة خابرتة شنو نيتج بالروحة واني ادري انتي متطيقيها .
.
صبا . ما اطيقها بس الخاطر ابن عمج .
.
زينب . نشوف تاليها. ماعرف مين نزلت المحبة الابن عمي .    ورياحين تجي لو تبقى . .
.
صبا . قنعيها اذا تكدرين ..
.
زينب .
من يوم الي رجعت رياحين وهذا وضعها بس نايمة ..  حتى الدوام تركتة .  لا اكل ولا اشرب الة بالتواسيل .  ومكابلة صورتة بالموبايل. وتبجي .. الله يصبر قلبها حقها .. مو هينة عليها. 
كملنة تبديل اني وامي  . كنت لابسة بنطرون وقميص اسود .
طلعنة على صوت الهورن صعدنة بالسيارة وتوجهنة البيت خال ديلان .  اول موصلنة رحبت بينة ام مؤيد وبنتها .وصعدتنة للغرفة اني وامي وام مؤيد وبنين . على ديلان .  ودهام كاعد بالصالة يم الولد .  سلمنة عليها وكعدنة .
.
صبا . الحمد لله على سلامتج .
.
ديلان . الله يسلمج خالة .
.
جنت كلش مستغربة ليش خالة صبا جتي وهيج تضوج مني وتكرهني .وخصوصا بعد الي صار بأيمان .
.
زينب . شلونج هسة دنو ان شاء الله زينة .
.
ديلان . الحمد لله زينة .احسن .
.
زينب . ان شاء الله . الله يعوضج بالافضل .
.
ديلان.  زنوبة الوردة تسلميلي .
.
بقيت اسولف اني وبنين و زينب . وخالة تسولف وية ام صبا .  . .
.
صبا . يالة احنة  نتوكل. 
.
ديلان . وين خالة بعد دهام مصعد . غير ترجعون ويا .
.
ام مؤيد . دكومي انتي هم تمشي شوية شوية ننزل نكعد جوة .
.
نزلنة كلنة جوة .  اول مشافني دهام.  كام  ولزم ايدي اخذني كعدني يمة .
.
صبا. . اذا انت هسة حظنت مرتك شوكت حنروح للببت .
.
دهام . شسويلكم ماشايفهة .
.
حجة هيج وحاوطني بأيدة صرت تحت جناحة ولزم وجهي بأيدة الثانية وباسني من خدي  .
رجعو كعدو زينب وخالة صبا .  وصار من جهتنة . امجد ودهام واني. 
وزينب ع القنفة ام الكرسي بنفس السرة ويانة.   بالمقابل . خالة صبا وخالة ام مؤيد . وبنين ومؤيد .  . كامت  بنين  جابت ضيافة ثانية من غير الي قدمتها فوك .