مِن أينَ أنا وَ مِن أينَ أنتَ

الحلقة الثالثة

من أين أنا ومن أين أنت .
.
البارت الثالث .

يسعد يومكم يا حلوين ❤️

قراءة ممتعة لكم .    Rose_____ali.
.
كُن منصفاً في ظلمك
أما ان تأخذني من كل شيء
او تأخذ كل شيءٍ مني.
.
.
فتاة حلوة الطلة وكتومة، بالإضافة إلى ذلك تمتلك قدرة في أن تقع على وجهها من شدّة وجع جوارحها ثم تنتفض وتقف من جديد دون أن يلاحظ أي شخص ما مرت به تلك اللحظات!.
مشكلتها أنها لا تحب أن ترى الشفقة نحوها وكأنها ضعيفة ومنكسرة أو أنها فتاة محرومة من الكثير حتى لو كانت فعلا هي هكذا، ولكنها لا تعترض على ذلك بل إن. المحنة التي تعيشها أثبتت أن الوجع لا يتمثل بعلاقاتها الشخصية مع من حولها بل بنظرة الشفقة والاستهزاء بها كونها ابنة القدر الذي أنجبها ليبرهن أن الطبقات الاجتماعية بدونيتها لا تفي حق ابتسامتها التي تبتسمها فقط لكي لا تشعر بالذل وأنها فتاة تستعار من ألحياة كلها .

دهام .
.
الى ان وصلت للبيت يالة خلصت الاكل واحنه بالازدحام ما يقارب ساعة . ضحكت بداخلي واكول شكد بطيئة هاي لو اني اسويهن لكمتين . .وصلت للبيت . نزلت فتحت الباب الخارجية فوتت السيارة للطرمة . وخليتها تنزل فتت للبيت اني وياهة لكيت امي كاعدة بالمطبخ يم الصوبة وتثرم وتسمع الشيخ احمد الوائلي .
.

.
السلام عليكم .
.
ام دهام . وعليكم السلام هلا يمة هلا ينظر عيني يمة اسم الله منو هاي البنية .
.
دهام . يمه اريدج تخليها يمج امانة فترة . بين ما نحل قضيتها ماعدها احد تبقى يمه وميصير تبقى بالمقر
.
ام دهام . اي يمه صار من عيوني .
.
دهام . يوم .ماريد احد يعرف . الي يسألج من كرايبج .
.
ام دهام . صار حبيبي .

دهام . يالة يمه رايح انه . في امان الله .
.
ام دهام . الله وياك وليدي .
.

تقى
الخوف من المستقبل المجهول وحش اناني يبدأ ينهش بعقلك وتفكيرك . كبرت بطبيعتي انسانة انطوائية تعرضت للاذى من الكثير . ورغم انه عالية الشخص الوحيد الي احتواني بس عمرها ماكانت حنينة تجاهي ولا هي عوضت مكان امي .
العائلة . اقدس شي ممكن يحصل عليه الانسان . ومحبتهم وخوفهم ودعمهم هو الي يخليك تصعد للقمة . وحتى وان كانت عائلتك ما تعاملك معاملة حلوة او متدعمك . وجودهم بحياتك وحدة يكفي .
الشي الوحيد الي بقالي من عائلتي ومن الماضي هو اسمي الثلاثي الي ما اعرف غيرة ابد . وضميت هالاسم بداخلي لان عالية اختارتلي اسم تقى ولغت اي شي يخصني . وخلتني معروفة بيناتهن بهالسام. وبقتلي ذكريات صورية بعقلي تمر . الامي وابوية و ياريتني بعدني بعمر ال٧ سنوات .

اخذتني الصفنة وجريت حسرة . خلت المرأة الكبيرة بالعمر تتقرب مني . وتمسح ع ظهري .
.
ام دهام . كولي يالله . نورتي البيت يمة ماشاء الله عليج شهالجمال . شنو اسمج
.
تقى . اسمي تقى
.
ام دهام . فدوة لله شلون اسم حلو . شكد عمرج
.
تقى . ١٧ 
.
ام دهام . تدرين اني طول عمري اتمنى يصير عندي بنية . لان البنية حنينة . زين مكتيلي ليش دهام جابج هنا
.
تقى .
سكتت بدون ما احجي ولا حرف .
.
ام دهام . ليش ساكتة حبيبتي اعتبريني امج . . زين امج وابوج واهلج وين .
.
تقى . ماعندي احد كلهم ماتو . واني كبرت وتربيت يم وحدة بعدين عرفت هي مو خوش .
.
ام دهام . اوي يا يمة سودة علية . . جوعانة اسويلج اكل . لو عطشانة .متغدية
.
تقى .اي عمو اشترالي لفة .
.
ام دهام . اي عاشت ايدة وليدي ابو كلب الطيب الحنين
.
تعاي كومي وياي .
.
تقى .وين اروح
.
ام دهام . تعاي . وحتى تغسلين براحتج واني حروح اجيبلج تراكسود واجي من بيت حماية بناتة بكدج .
.
تقى . بس اني .
.
ام دهام . اسكتي وفوتي اسبحي ارتاحي . ولتفكرين ولتخافين . اعتبريني امج . يالة فوتي بين ما اجيبلج ملابس .
.
.
تقى .
عافتني المرة بالحمام بعد ما سوتلي المي . اني هم كنت كلش تعبانة .
.
في مكان اخر .
_____//