مِن أينَ أنا وَ مِن أينَ أنتَ

الحلقة ٢١

من أين أنا ومن أين أنت .
.
البارت ٢١
.
روز علي. 
.
Rose_____ali .
.
بليلتها محد بگد گلبي أنلچم گلبه ....
.

.
مادري شوكت ناوي
تحس بالنار الـ بصدري
والمأذيني بالموضوع
اغار وانت ماتدري
اغار من اليشوفونك
ويخلص يومك وياهم
واتمنى اضُمك
لان احلاهم.
.
عمر . بس كليلي رياحين .  وين راحت ديلان  فهمني شصار وين الكاها هسة اني شنو راح اكلة الدهام  . اذا خابرني .
.
رياحين .والله ماعرف وين راحت . الله يخليك شوف حل اني بالي عليها صار الها اسبوع ماكو . طلعت اني افتريت بالمنطقة الي داير مدايرنة بس ملكيت شي . ..
.
عمر . اني بالي شي . وان شاء االله يطلع توقعي بمحلة والكاها رايح ادور عليها .
.
رياحين . جاية وياك .
.
عمر . وين تجين . الاماكن الي حروح الها خطرة .
.
رياحين . ما انزل من السيارة والله . بس لازم اجي وياك .
.
عمر . ماشي بلغي اهلج بالاول ..
.
رياحين . دقيقة ..
.
رجعت جوة للبيت لبست ع السريع صاية فوك  ملابسي وشال  شلون مجان و لبست حذائي واني واطلع  وصلت للباب . واني اعرف راح اكذب بس ادري امي لو اكللها بالحقيقة مراح تخليني فكلت بالطريق ادز مسج واكلهم طلعت وية صديقااتي لان هم بالاساس ماكو راحو البيت جدي .
.
يالة كتلهم .
.
عمر . وافقو لو لا .
.
رياحين . اي. اكيد .
.
عمر . يالة صعدي بالسيارة بسرعة . بس فهميني شلون طلعت انتو وين جنتو . شنو اجي اسأل عليها تكليلي صار الها اسبوع ماكو . حركتة القلبي اني من زمان هالبنية ممرتاح الها . بس لو ما دهام  .
.
رياحين . عفية لا تبقى تلوم وثانيا البنية شبيها ماكو افقر واطيب منها عاشترها وشفتها .. .
.
صراحة مكدرت احجي العمر الحقيقة والصار . كلش خجلت من تصرفات امي وبيت عمامي . فكل الي كلتة صار الها اسبوع ماكو . مندري وين . وهالشي مو كذب فعلا مندري بيها وين .
.
عمر . استغفر الله ياربي . اني راح امر للبيت ابدل ملابسي العسكرية. ماكدر اروح بيهن .
.
رياحين . ماشي .بس عفية استعجل والله بالي عليها .
.

من نزل عمر من السيارة اني كتبت رسالة الامي. بأنة طالعة وية صديقاتي معزومة . صح ترزلت بس كلت ميخالف . رجع هو ومبدل لابس قميص و بنطرون صعد وتوجهنة . المكان اول مرة اوصل هيج مكان واشوفة .
التفتت علية.
.
شنو هذا المكان .
.
عمر . بعدين تعرفين .
.
نزلت من السيارة المكان الملهى الي جانت موجودة . ردت افوت مقبلو الحرس الي بالباب. حاولت بكل الطرق مقبلو . سألت ع صاحب المكان مجاوبو كل شي محصلت منهم
شنو السبب وليش يمنعون مادري وبنفس الوقت ما اكدر استخدم هويتي العسكرية .
.
رجعت للسيارة. فتحت الباب وبقيت واكف حاير شنو اسوي.
.
رياحين. ها بشر . شصار.
.
عمر . والله مادري ممنوع افوت .

رياحين . شنو هذا المكان وشعلية بديلان
.
عمر .
بقيت صافن عليها شجاوبها مادري. خفت احجي واحط دهام بموقف صعب .
.
اكلج . انتي جاية. وياية تدورين عليها ماشي. بس لا تبقين تسألين اسألة اني ماكدر اجاوبج عليها. وتحرجيني .
.
رياحين . وانت ليش عصبي شنو كتلك اني . اني اعصابي متدمرة لان هي ماكو .
.
عمر . يمعودة خلص اسف . يبو. ع النسوان يبوووو .  اني هم اعصابي محتركة
.
حركت السيارة ومشيت وكنت متوجه هالمرة البيت عالية .
.
وصلت وكفت بعيد عن االبيت . نزلت من سيارتي وتمشيت كم خطوة للبيت بقيت ادك بالباب وبالجرص وماكو البيت فارغ . حرت وين اروح بقيت اتلفت يمنه ويسرة . تذكرت الفرع الي وكف بي دهام . رجعت السيارتي ومشيت . تذكرت من كال ثالث فرع من بعد بيت عالية . وصلت للفرع . . بقيت اباوع علية حتى ما اندل يا بيت .