مِن أينَ أنا وَ مِن أينَ أنتَ

الحلقة ٣٤

من أين أنا ومن أين أنت .
.
بارت ٣٤
.
روز علي .
.
اعتذر على التأخير . بس الفلاونزة موتتني .  😭.
.
قراءة ممتعة الكم حبايب ويومكم سعيد ان شاء الله .  .
.

راقبتك وللأسف
عيني التحبها بچت
وبصدمة فات العقل
وهواي اذاني
اتأذى من اكتشف
عندك حقيقة چنت
ما ادري بيها اني .

ديلان . . انت  شوكت راح تعوفني بحالي
.
دهام .  .ليش تريدين اعوفج .؟؟
.
ديلان  . ياريت . لان اني صرت اخاف ع روحي منك . صراحة يعني .
.
دهام  . هاي قوانة جديدة . من شنو تخافين .
.
ديلان .  انت مو طبيعي من تصير عصبي دهام تفقد ما تسيطر ع نفسك بعد والدليل الي سويتة بية ..  ورجعت الي سويتة بأيمان حتى بالوقت االي امها تكلك حامل ما اهتميت .
تذكر من كتلي ما امد ايدي على مرة . ما تتصور من مديت ايدك شكد انقرفت.

دهام . احجي عدل يولي .  يكلك اكعد اعوج واحجي عدل .   .  اني ما امد ايدي ع وحدة ما غلطانة غلط جبير . انتي كم مرة انة ضاربج . بس مرتين واتحداج اذا تكولين لا . وهالمرتين شسويتي بيهن تذكرين لو ناسية .
.
الكاتبة . ((تذكرين لو ناسية احنة ابطالج اسيا)) سوري نرجع للرواية مدري ليش جتي ع بالي 😁
.
ديلان . ماكو داعي نفتح مواضيع قديمة .
.
دهام . لا اكو داعي .  اول مرة الكاج رايحة البيت النكس رجاس  بعيد عن بيت عمي طردوج او لا. والمرة الثانية اسوء ديلان الكاج رايحة تبيعين نفسج ..

ديلان .  ما اسمحلك تحجي هذا الحجي عني .
.
دهام . وجعتج موو . شحال انه شفتج هناك يولي فكري شصار بية من تروحيلة برجلج هاي مو تبيعين روحج لو لا اذا معاجبج هالاسم انطيني اااااسم ثاني
.
صرت احجي بعصبية وهي نفس الشي ..

ديلان . اني صح رحت.  بس رحت مجبورة خايفة اخسرك . ولو متقربلي جان كتلت روحي وكتلتة وياي .
.
دهام . جا لو كاتلة روحج ولا شايفج هناك و الكاج بالفستان ومسوية شعرج . شصار لو الية مسويتهن .وكاعدة ومجبوبة بالبيت
.
ديلان . هو هذا الهامك ..انت عمرك مراح تفهمني . 
.
دهام . وليش ما يهمني من زمان تعرفين انه كل شي يخصج يهمني .
.
ديلان .  تعرف انت خليتني اكره نفسي واكرهك هم . وامقتك مو بس اكرهك اني كل ما اتذكر الي سويتة بية  اخاف منك اكثر واكثر . وفوك هذا انت عمرك كلة مراح تنسى اني منين .
.
وفعلا هذا الي يصير كل ما اتذكر تعامل عمو  بوقتها كأنما وحش.  انسان الة وجهين ملاك وشيطان ..
.
دهام  . كملتي كلامج . دحجي خل اكلج كلمة وخليها ترجية بأذنج . كل شي بالدنيا ممكن يتعوض ويتصلح ويتسامح علية . الة الشرف اذا راح مستحيل يرجع .  هذا موضوع مابي نقاش .. تدرين هو حد . خط فاصل اذا عبرتي راح تخسرين هواي شغلات واولها نفسج . من بعدها ما راح تكدرين توكفين يوم عن يوم راح تغركين اكثر واكثر .
وانتي اذا   تريدين  تخوطين وتخربطين بعد من هاللحظة اني ميخصني ولا علية بيج .
روحي خوطي وخربطي اني الي علية سويتة وحافظت عليج وجازفت حتى بروحي  علمودج . انة ما اعيرج لا والله .بس انبهج
و مستعد ارجع واعيد واكرر كل الي صار . ومو بس وياج وية اي بنية .مستعد اوكف الها واقدم روحي الها لان هالشي نابع من غيرتي وتربيتي .  انة الي علية وصلت الامانة وبريت نفسي امام الله
.
بأختصار الهذا الكلام كلة . خليج غالية لا ترخصين روحج .
.
ديلان . 
صافنة علية هو ويحجي اباوع على تعابير وجهة انكلب حزن.  وهدوء  ردت اسوي شي يخليني استفزة حتى لو بكلمة كتلة
.
بس اني راح اتزوج .
.
دهام  . ربي يسعدج .
.
ديلان .  يعني شنو هذا اخر كلام عندك .
.
دهام  . اي والله يا ديلان لان تعبتيني . و. انة هسة تأكدت انة وياج ما نتوالم ولا نرهم .
وتأكدي انتي راح تروحين . بس راح تاخذين  روحي وياج .
.