مِن أينَ أنا وَ مِن أينَ أنتَ

الحلقة الخامسة عشر .

.
من أين أنا ومن أين أنت .
.
البارت ال ١٥ .

Rose_____ali .
.
كلشي وي اليروح يروح
بس رسمك يضل وياي
وجه فوك النهر معكوس
ما يمشي ويروج الماي

ديلان .
مشة يومنة طبيعي وبدينة ندرس  للعصر . عفنة الدراسة راحت رياحين البيتهم واني كمت نظفت البيت وعزلتة. وسويت عشا وية خالة تعشينة بيومها عمو لا اجة لا على غدا ولا عشا.  كملت غسل المواعين وكعدت يم خالة شوية الى ان اجتي رياحين . رجعنة بالغرفة  كل واحدة شايلة بيدها كتاب وتراجع للثانية .
.
اكلج  كمليلي القصة .
.
رياحين  ولج هاي مو قصة هي واقعة حقيقية.  القصة تختلف .
.
ديلان.  اي دكمليها. 
.
رياحين.  اوك .
وكع الامام العباس واستشهد . ولازم نعرف انه العباس ما استشهد علمود الماء  فقط لكن كان حامل اللواء وناصر لدين الله.  وناصر لأخوه الامام الحسين . علمنة الوفاء والتضحية  والجهاد في سبيل الله العباس جان نعم الموالي لأخية ومن ضمن اسمائة جان ساقي عطاشى كربلاء.  الكافل وابا الفضل.   ومن استشهد كال الامام الحسين وا ضيعتنا بعدك .   بقى الامام الحسين هنا وحيد غريب بأرض كربلاء وحدة واكف ضد جيش يزيد .  من بعد ما انقتلو اخوتة واصحابة.  حتى الطفل الرضيع .  ضربة حرملة بسهم بي ٣ نبلات.  وذبحة من الوريد للوريد . فرفع الامام الحسين بكف ايدة دم عبد الله الرضيع للسماء ومنزلت منة ولا قطرة . .

وكف الامام وحدة.   فصاح بالنداء مالتة .

ألا من ناصر ينصرنا .
اما من مغيث يغيثنا. 
هل من ذاب يذب عن حرم رسول الله . 
.
محد طلع ويا.  هو ماكان  منتظر يساعدو . بس كان منتظر بهذا النداء انه يرجعون العقلهم .  
.
صاح الامام الحسين .

ان كان دين محمد لم يستقم الا بقتلي فيا سيوف خذيني . 

وهنا صارت معركة شرسة بين الامام الحسين . وجيش يزيد خبط اليمين باليسار . الى ان. طعنو وضربو من كل جانب وصوب.  ومن راد يذبحة  شمر بن ذو الجوشن لعنه الله . ضرب الارض ٣ مرات الامام بكف ايدة .
.
سألو الامام السجاد كلولة ليش ضرب الامام الحسين الارض ٣ مرات.  من الم السيف يعني لان حزة من القفى يعني مو من  النحر من ورة . حتى يتألم .
.
كللهم الامام السجاد لا والله اهتزت الارض من هول المصيبة . فضرب الارض حتى تهدأ . 

واكو روايات تكول من رفع دم عبد الله الرضيع للسماء ومنزل من السماء حتى تهدأء السماء .
واخذ من دم القاسم ابن الامام الحسن وذبة  بالنهر حتى يهدأ المي .   وما تنكلب الدنيا  لان مصيبة وفاجعة عظيمة انه يقتلون ابن بنت نبيهم . 
.ومن بعد ما انقتلو اهل البيت والصحابة.  حزو روسهم وعلكوهن ع الرماح.  واخذو زينب سبية.  اسروها يعني.  وشافت الويلات و وياها الاطفال  راحت وتركت اجساد اخوتها على الرمل .  جانت السيدة زينب هي المكملة لثورة الامام الحسين . وجان وياها الامام السجاد بس جان مريض حتى ميطلع يحارب وينقتل وتخلو الارض من نسل محمد وال محمد . عذبوهم وضربوهم وحرموهم من المي .  وسكنوهم الخرابات . واول شي اخذوهم للكوفة ومن بعدها للشام . وهناك خطبة السيدة  زينب خطبتها المشهورة من بعد ما صارت مجادلة بينها وبين يزيد وسكتتة بيها بقوتها وشجاعتها . هي عالمة غير معلمة وفاهمة غير مفهمة ولدت في بيت النبوة . والامامة  كل هذا وروس اخوتها وياها.  . وكلتلة اليزيد . خطبة لصمتة على حلكة بيها. . وبيها مقطع تكلة .
.
فكد كيدك ،واسع سعيك ، وناصب جهدك  يا يزيد فو الله لا تمحو ذكرنا ، ولا تميت وحينا ، ولا يسقط عنك عارها ، وهل رأيك الا فند وأيامك الا عدد ، وجمعك إلا بدد ، يوم ينادي المنادي ألا لعنة الله على الظالمين .
.
وصارت هنا ضجة كبيرة . من بعد خطبة السيدة زينب خطب الامام علي السجاد وبدت الناس تلوم يزيد لان صارو يعرفون  خصوصا جان مفهمهم انه الامام الحسين خارجي . يعني خارج عن الاسلام  . قرر يرجعهم للمدينة المكان سكنهم .  ومن رجعو هم رجعو مشي وبعد ٤٠ يوم من قتل الامام الحسين رجعت زينب الكربلاء ودفنو الروس وية الاجساد .
.
ديلان . اكلج   يعني بقت اجسامهم   بدون دفن . خطية
.
رياحين . لا . بقو ٣ ايام بدون دفن. هنا جانو بعدهم  زينب والامام السجاد بالكوفة .   انطوت الارض بالامام السجاد واجة دفنهم ورجع ..
.
ديلان . شنو انطوت .