مِن أينَ أنا وَ مِن أينَ أنتَ

الحلقة ٢٥

من أين أنا ومن أين أنت .
.
بارت ٢٥
.
روز علي. 
.
قراءة ممتعة .
.
- اشلع ماأسد والغيهن الفتحات ،
- الجانن بوب امس ماسدهن ابنيهن؛
- والزمهن سرا باب العدل والطيب ،
- التسامح والصلح اولهن الغيهن؛

- الشاعر الكبير سمير صبيح.
.
.
ديلان
رد فعلي بعد الكلام الي كالة عمو عن قتل اهلي خلاني اروح بغير عالم وانبنت  بعقلي فكرة الانتقام . سويت جاي  وصبيتة.  واخذتة بصينية قدمتة الهم . اباوع على عمو وجهة ميتفسر واحمر دم  بحيث الشرايين الي بكصتة احسها تريد تنفجر .  لازم ورقة بأيدة ومبين متعصب بسبب هاي الورقة .
.
  عمو. اكو شي (بخوف) .
.
عمر . شكراً جزيلاً   بدون زحمة عليج . تعاي وقعي على هاي الاوراق. 
.
دهام  . شبي عمو .
.
عمر . مابي شي لتخافين متعصب شوية بسبب الشغل .
تعاي وقعي. 
.
ديلان
وقعت واني عيني علية . شوية وكام عمر .
.
عمر . يالة اني اترخص .
.
دهام . جاي اوصلك ..
.
اعصاابي تدمرت . وتعبت من الي قريتة اخر شي ممكن كنت اتوقعة .
بقيت متحمل وساكت علمود وجود ديلان .طلعنة للطرمة  وبديت احجي بعصبية  احنة ومتوجهين للباب. 
.
_ هاي شنو الورقة.  كل شي جنت متوقع الة هالشي مستحيل .
.
عمر . كتلك اني لكيت بسرداب بيت محسن نعمة.  هواي كراتين.  ومن جيت حجيت وياك جانت قيد التفتيش . لكيت مصايب . من ضمن الاوراق الموجودة.  هذا البند
.
اتفاقية بيع وشراء . والي مكتوب كدام عينك .تم ابرام هذة الاتفاقية بتاريخ ***  بين كل من الاطراف .البائع  محسن نعمة.  الى الطرف الثاني المشتري صابرين جودت الملقبة (عالية) .
حيث يرغب المشتري صابرين جودت  بشراء طفلة المدعوة ديلان محمد  . من البائع محسن نعمة  الوصي والوالي عليها  بصلة قرابة من الام (الخال ) . بمبلغ قدره ٣٠ مليون دينار عراقي  لذلك تم ابرام هذة الاتفاقية وفقاً للبنود الملزمة بينهما .
.
دهام  . صابرين . هي عالية . ليش مجنة نعرف هذا الاسم . صابرين جودت . 
.
عمر .  مثل ما غيرت اسم ديلان الى تقى .  ماكو مشكلة اذا غيرت اسمها . 
.
دهام . زين شنو ربط خال ديلان . بعالية . مين يعرفها . وليش باع الها ديلان . ادري شنو هي قنفة وتنباع  جا مو بشر.  تعرف شنو الحكم على هاي. 
.
عمر . هسه انت عصبي ومكاعد تفكر صح . السالفة مبينة الموضوع كلة علمود ديلان  وعلمود الفلوس . وهي محتركت وية اهلها قرر يتخلص منها بهالطريقة .
.
دهام . اني الي مخبلني . ماعدها اهل ماعدها بيت جد . اهل اب .  عمام شنو السالفة .
يا صبررررررر ايوب لو يوكع بيدي هذا الي يتسمى محسن قندرة
.
عمر . عدها عمام ثنين بأمريكا . وبالسويد يمكن
.
دهام .  شلون عرفت . و وينهم عنها .
.
عمر .من خلال التحقيقات الي حققتها عن والدها.   وينهم عنها مادري .
.
دهام . حصل شي يوصلني العمامها بأي طريقة . بس بالبداية لازم افهم محسن منين يعرف عالية . اما بالنسبة الاسم صابرين . اشتغلو علية بعد ...  تحقيقاتكم خل تصير ع هالاسم .
.
عمر . صار .
.
دهام  . ع هالتعب تحتاج تكريم .
..
عمر . يا الله الله يسمع منك  . يالة في امان الله. 
.
دهام  .
حياة هالبنية دوامة تطلع من شي تفوت بشي . بقيت كاعد برة بالحديقة.  وافكر منين ما اوضح صورة ترجع صورة ثانية تطلع مو واضحة . اني وكاعد اجاني اتصال من عمي ضياء. 
.
📱📱
.
دهام . اهلا عمي .
.
ضياء.  ولو انة ناوي.  ما يطخ الساني وية السانك بولا حرف
.
دهام . خير عمي
.
ضياء.  البيت مثل ما الك حصة بي انة وعمامك هم النة حصص و سراج  جامعته  بغداد  وصعبة الروحة والردة عليه وقيس هم شغلة صار بغداد  فأنة والحجية والولد جاين نكعد بحصتنة .
.
دهام . البيت بيتك عمي .
.
ضياء مو انة عبالي تعترض  يالة اودعناكم .
._____
دهام
سديت الخط منة . واني منا طاكة روحي .
خ** بروحك عمي .وين متروح اذية . اني وكاعد بالحديقة طلعتلي ديلان كعدت كدامي بس محجت ولا حرف  كاعدة وتباوع ع السما . صحت عليها التفتت الي .
.
_ديلان
.
ديلان  . نعم .
.
دهام  . كومي بدلي خل نطلع .
.
ديلان  . وين .
.
دهام  . ماتريدين تشترين ملابس للجامعة .
.
ديلان  . صدك .
.
من فرحتي كمت اكمز . رحت ركض سبحت ع السريع . وطلعت نشفت شعري مشطتة وشديتة   لبست قميص ابيض بي نزلات وبي وردة ناعمة  وبنطرون ثلجي وحذاء بوتين ابيض لفيت الشال    خليت مسكارا وتنت و شلت الجنطة وموبايلي طلعت للصالة انتظر . نزل هو. اباوع علية يجنن بكشختة وبهيبتة لابس قميص وبنطرون رسمي وكاف الردان وبيدة سبحة  . نزل من فوك وهو يلبس ساعتة باليمنى انطبعت ع شفتي ابتسامة . وصل يمي.  صفن بوجهي.  اخذ كلينسة من ع الميز وصار يمسح بشفتي .
.
ديلان .  هاي ليش .مسحتها .
.
دهام  .  تريدين امسحها بغير طريقة
.
ديلان . .  لا جيب اني امسحها بس ترة هي بلون الشفة ..
.
دهام .  بلووتي اعقلي ما احب المكياج . ولا احب تخلين مكياج بعدج صغيرة على هالسوالف. 
.
ديلان .  لا مو صغيرة ترة صرت طالبة كلية .
.
دهام . هههههه يالة  طلعي طلعي  صارت كلية
.
طلعنة وقفلت البوب وراية . صعدنة بالسيارة وتوجهتة نشتري الها ملابس  بالحقيقة اني الطلعة وية البنات ما احبها .  لان يصيرين ينكنكن  بس جانت طلعتها تختلف حسيتها طفلة ومطالعة علمود تشتري ملابس  .
بس علمود تلعب وتشتري شعر بنات وموطة  . وعلى ابتسامتها وضحكتها اني مبتسم .
.
ديلان
تتخيلون انه اليوم كان متناقض بالنسبة الي . بدايتة حزن وقهر . وبعدين . فرحت بي من قلبي .لانه اني بحياتي مطلعت هيج طلعة . حتى من جنت يم عالية عمري ممختارة ملابس النفسي .  اشتريت ملابس  كذا قطعة . الى ان وكفنة يم محل يبيع ملابس داخلية فات هو واني ورا بس بالبداية مجنت منتبه جانت بنية واكفة تبيع ..
.
دهام . السلام عليكم .
.
البنت . عليكم السلام .
.
دهام .  اريد كم قطع كاملة الزوجتي   لكن  جهزي انتي وياها وراح انتظركم برة .
.
البنت . تدلل .
.
دهام .  ديلان انه  واكف برة . انتي اشتري وصيحيلي
.
ديلان . استغربت ليش هيج سوة.  بعدين ركزت ع المحل كلة ملابس داخلية  ضربت بجف ايدي ع راسي طاحظج ديلان . هو خجل وانتي مخجلتي . لا وين هو فلا يخجل
.
االبنت . تفضلي حبيبتي .
.
ديلان
اختارتلي تقريب ٥ قطع كاملة . الوانهن كلها صارخة وماعرف اشكالهن غريبة مو طبيعية .
.
_لا عفية ماريد هيج اني اختار .
.
رجعت اختاريت اني . التفتت هو واكف .  حجة من بين شفايفة . كملتي . اشرتلة اي . هو اجة وكف بصفي .
.
البنت . هذة العلاكة  ٥ قطع سيت  كامل .  الحساب كلة ٤٥
.
ديلان .
اخذت العلاكة من االبنية ورحنة نشتري احذية . مابين الكعب والفلات وكلش حبيتهم.  ومن بعد ما خلصنة شراية  رحنة نتعشى  ..كعدنة بالمطعم .
.
دهام  . شنو تحبين تطلبين ..
.
ديلان  . مادري . مثلك ..
.
دهام  . اني راح اطلب مندي لحم . .ومشاوي
.
ديلان  . ثنينهن !(بتفاجئ)
.
دهام .. اي شنو كل هالطول والجسم تريدي ياكل بس مندي
.
ديلان .. اني اريد همبركر .
.
جابو الاكل تعشينة ودفع الحساب وطلعنة .  بالطريق صادفتنة حديقة بيها العاب  هاي الي تصير ع جانب الطريق حديقة عامة .
.
ديلان . عمو عليك الله اوكف
.
دهام  . وعمعامة لا تصيحين عمو لج بابا شكد تلحين بيها ..الخاطر ربج بزعتيني  شلون شغلة هاي . احجي شتريدين .
.
ديلان .   اريد انزل بهاي الحديقة .
.
دهام . . تأخر الوكت .
.
ديلان  . لا حباب عليك الله مازال فارغة خل العب شوية .
.
دهام . عشر دقايق بس .
.
وكفت السيارة ونزلت هي راحت ركض ع المراجيح .  اني منزلت بس فتحت باب. السيارة وكاعد ومخلي رجل برة  ع الرصيف واباوع عليها وادخن جكاير . شوية وجتني جرتني من ايدي .
.
ديلان  . عمو عليك الله تعال بداعة خالة .
.
دهام  . شتريدين .
.
ديلان .  ادفعني بالمرجوحة . بس هيج اريد تطيرني . للسما .
.
دهام  . انتي مخبلة مو صاحية .
.
ديلان  ..عليك الله حباب .
.
دهام  . يالة  امشي
.
كعدت هي بالمرجوحة واني وكفت وراها وبديت ادفع بيها وكل ما تصعد المرجوحة هي تضحك وكأنما لاول مرة اشوفها حرة .  لاول مرة اشوفها تضحك من قلبهة  ..عبرت الما يقارب نص ساعة
.
_يالة كافي .
.
ديلان  .لا عليك الله بس اسوي بعد هاي زيادة .
.
دهام. هاي زيادة شنو .
.
دهام .  هزني شوية  بس شوية قوية واني اسويها .
.
رجعت اهزها وهي تصيح .
.
ديلان  . هاي زيادة العبد السادة طلك مرتة وعاف اولادة بالكرادة  يوم الجمعة نعلك شمعة يوم السبت انطفيها   هـــــــه
.
دهام .   يالة كومي . جنج وحدة زعطوطة .
.
ديلان  . بليز حباب والله اول مرة بحياتي اصعد مرجوحة .
.
دهام . بعدين نجي .
.
يابة شكد عنادية جريتها من ايدها  وهي متقبل تجر بنفسها
.
_ولج امشي شو انجلبتي . لا تزهكيني بابا .
.
ديلان  .عليك الله عمو ..
.
دهام  .يالة حبابة .تأخر الومت صيري عاقلة باجر عندي كعدة من الصبح
.
ديلان . اوك . بشرط .
.
دهام  . شنو .