مِن أينَ أنا وَ مِن أينَ أنتَ

الحلقة التاسعة

من أين أنا ومن أين أنت .
.
البارت التاسع
.
Rose_____ali
.

رغم كل الكره حَبيـت
وگلبي بدهشته استفسر..
شيضم حزنك من الناس؟
نبرة صوتك المبحوح؟
بياض عيونك الاحمر؟.
.

الخيبة التي نظن أننا نسيناها، تعود بعد زمن على هيئة بكاء بلا سبب أو ضيق أو حزن أو وحشة بلا توقيت‏النسيان لا يأتي كاملا ابدًا•
.

بديت اشتغل ويا   وهو هم حمة الاكل الي بقينا اله من العشا .  وسوة ويا اصابع دجاج مقرمشة شواهن بالقلاية الهوائية . وسوة صلصلة حارة .  مدري خلطة بيها مايونيز وكتشب وهاي السوالف كلها  كتلة .
.
متوقعت تعرف تطبخ ..
.
دهام . كل الي بالسلك العسكري يعرفون يطبخون . واذا ميعرفون طبخ تمن ومرك وهاي السوالف .  فيعرفون يسون تكلا وهيج امور سهلة . 
.
تقى . وانت تعرف تطبخ تمن ومرك .
.
دهام . اكيد اعرف .  هسه يجي يوم واضوكج اكلي .
.
تقى . اوك نشوف  . 
.
دهام . يالة خلصت . مبقى شي . حضري الميز .
.
تقى . ماشي .

بديت اخلي الاكل ع الميز  رجعت اخذت ماعون  دا اطلع من المطبخ هو رجع  وصل قريب مني وكف  صارت عيني بعينة  حسيت لحظتها ارتباك وتوتر . مادري ليش رجفت .  اخذ الماعون مني من لامست ايدة بأيدي صارت مثل الكهرباء بجسمي احس انصعقت  . لحظتها  قلبي صار يدك الف دكة .  انهزمت ورحت كعدت بالغرفة يم خالة الشعور الي حسيت بي هسة مو طبيعي اول مرة احس هيج .  كمت احجي بيني وبين نفسي شنو معقولة خايفة اني  
جريت نفس عميق وكمت طلعت .  كعدت كدامة .
.
دهام . وين رحتي منتظرج . يالة اكلي
.
تقى .  ماريد تعشيت واكلت جبس .
.
دهام  .  ابوية انتي انه ع واهسج سويت .
.
تقى .  بس ما اشتهي .
.
دهام . بكيفج .
.
كلبت وجهي وبقيت اني اكل وحدي .
.
تقى . عمو ليش هيج زعلت . لتضوج مني حباب .
.
دهام .   
بقت تحجي هي اني كملت اكل و كمت  غسلت ايدي وتمددت ع القنفة . وغمضت عيوني . 

هي كامت شالت المواعين وغسلتهن ونظفت المطبخ وجتي وكفت قريبة علية .
.
تقى .  عمو  نمت .
.
دهام  .  لا .
.
تقى .  زعلان مني . 
.
دهام  . 
رفرف قلبي من كالت هالكلمة . كعدت وكتلها  . 
.
تعاي كعدي بالاول . 
.
تقى .  اي  
.
دهام  . ليش تصيحيلي عمو . الهدرجة تشوفيني جبير .
.
تقى . لعد شنو اصيحلك .
.
دهام .  بأسمي .
.
بقت صافنة بوجهي و محجت شي اني هم رجعت تمددت . وكتلها  
.
روحي نامي .  وراية كعدة من الصبح .
اول مكامت تقى . سمعت صارت طبة قوية جتي من الغرفة .
كمزت رحت للغرفة لكيت امي واكعة .  الرهبة والخوف الي صار بقلبي ما اوصفة الكم  شلت امي بين ادية ورغم هي مو ضعيفة بس لحظتها حتى ما حسيت امي ثكيلة شلتها ونزلتها للسيارة  واخذتها للمستشفى وتقى وياية وياية . فوتتها للطوارئ. واجوي الدكاترة الخفر عليها .  منا واسطة منا حجاية تشددو بملاحظتها . اني واكف منتظر التفتت  ادور ع تقى لكيتها واكفة بالباب وتبجي  رحت عليها .