مِن أينَ أنا وَ مِن أينَ أنتَ

الحلقة ٤٤

من أين أنا ومن أين أنت
.
بارت ٤٤
.
روز علي . 
. يسعد يومكم .  rose_____ali

هل يا  ترى......؟
لو كنت  انسى  ما جرى
يحتاج  مني كرهكم  قلبا  قويا  ثائرا  متمردا
والدنيا  ضاكت  والنفس  باقي  عله  كد  الحسرة
مو ..شفتو روحي  اتكطعت  ومتاني  حبكم  كطرهه
حنيت  كمت  اكتب  شعر  ديوان  كامل  بس غزل 
كملته  وانطيته  لشخص  لا يكتب  ولا  يقره  ✍

ديلان .
مر اليوم بروتين عادي . طلع دهام من الصبح. واني مابين اشغال البيت وبين الكعدة وية رياحين . صارت تقريب ساعة ٦ . رحت ع سراج الغرفتة دكيت الباب .
.
سراج . منو  .
.
ديلان . هاي اني ديلان .
.
سراج . اي تعاي شبيج . تفضلي
.
ديلان . تكدر تروح للاسواق . اريد كم شغلة . .
.
سراج . ادللي يابة شتريدين .
.
ديلان . اريد كرزات من كل شي نوع وحد اريد حب شمس . واريد عصير . جبس ليز ونساتل ام ال ٥٠٠ .
.
سراج . خوش يالة وين فلوسج .
.
ديلان . لا تشاقة هيج شقة بليز ههههه
.
سراج .  نعتذر عيني . المحل مغلق
.
ديلان . اشاقة. وياك . عزة هاي الفلوس .
.
راح سراح واني فتت للغرفة رتبتها وعطرتها وحضرت المكان الي نكعد علية فرشت بالكاع مفرش حلو وعلية فروة صيفية ناعمة وخليت كوشات و طبلة عليها كاسات صغار لون ابيض سادة وشموع صاحلي سراج. طلعتلة نطاني العلاكة بيدي
.
سراج . خمستج وزكيتج هههههه
.
ديلان . الف عافية.

رجعت خليت العلاكة بالثلاجة ونزلت سويت عشا لازانية. باللحم والبشاميل ومليانة جبن . كلش احبها هيج. وسويت وياها شغلات ثانية كلت خاف احد مياكلها . تعشو وغسلت المواعين وصعدت غسلت وتعطرت . خليت مكياج سهرة حلو. ولبست ملابس نوم نازكة . وشعري مفتوح ع طولة بس عدلتة بالكاوية . . خليت شموع ع الميز هم . وفتحت بالتلفزيون اغنية ماجد .
.
بين ايدية واحس انك بعيد
ذوب بأحضاني مثل قطعة جليد ..
علم العشاك. كيف الحب يكون
بلا حواجز احلى طعم الحب اكيد .
.
طلعت النمنميات من الثلاجة وخليتهن بالكاسات ورتبتهن.
سمعت صوت الصعدة مالت الدرج وخرخشة السويج. رشيت عطري و وكفت كدام الباب . فتح الباب وصرت بوجهة
.
دهام.
ابتسمت من شفتها بهالحالة. يعني شلون وية هالبنية راح تخبلني. سديت الباب وتقربت عليها حاوطت خصرها وسحبتها علية.
.
شنو هالجمال. شنو هالجو الحلو. وخالتنة اغنية. مو كلنة منسمع غنا حرام .
.
ديلان . عوف الحرام . عندي طلب .
.
دهام. عيوني الج .
.
ديلان . اني وياك بالعرس مركصنة سلو . اريد نركص هسة .
.
دهام . يابوية انة بعمري ما راكص .
.
ديلان .. اني اعلمك.
.
فرق الطول بيني وبينة. يعني اني اوصل الصدرة . خليت ايدي ع صدرة وهو محاوط خصري وضلينة نتمايل وية الاغنية . وضوا الغرفة الخافت صار الجو رومانسي كلش .
.
دهلان. اتمنى الزمن يوكف هنا.
.
ديلان . ليش .
.
دهلان . تصدكين اذا اكلج ابيع عمري كلة الخاطر هاللحظات تعرفين انتي شنو تشبهين .
.
ديلان .شنو .
.
دهام . تشبهين الهوا الي بحضرة الامام علي  . هيج اشوفج
.
ديلان .
مكدرت احجي شي بعد واعبر اخذني من ايدي وكعدنة . كعدت اني وهو كعد وراية صار ظهري على صدرة وحظني ويبوس برقبتي وبشعري وبخدودي . طلعنة فلم حلو. اكلنة واستمتعنة بليلتنة الى ان خلص الفلم .
.
دهام . لهنا. واكافي. بعد ما اتحمل .
.
بدون ما اخليها ترد بستها من شفتها حرفياً اكلتها . وضعنة بعالم مليان حب . خلصنة جولتنة وتمددنة اني وياها. وهي بحظني .
.
ديلان . هسة باجر نروح للنجف لو لا .
.
دهام . اي. والجماعة كلهم هم حيروحون. بس خايف عليج والله .
.
ديلان . ماكو شي حبيبي. لتخاف .والله ميصير شي وامنيتي اروح .  بس منو حيروح ويانة
.
دهام . بيت عمامي كلهم. حتى البعيدين . حيطلعون مناك بكوستر ينتظرونة بالمقبرة.
.
ديلان .
تمنيت لو اعرف مكان اهلي. سحبت روحي منة ولفيت نفسي بالمنشفة وكمت للحمام. سبحت و طلعت. واني انشف بشعري. المشكلة اني اي شي احس بي يبين على وجهي . بهاللحظة حسيت بحزن . كعدت كدام ميز المراية امشط بس احس الدمعة صارت بطارف عيني . بحياتي كلها مزرت اهلي ولا صرت حتى اتذكر شي عنهم . سوى ذكريات مثل الطيف . بيني وبين نفسي مرات افكر اكول معقولة اذا اروح اشوفهم اشخاص ومنتظريني صح هالشي مو منطقي بس اني هذذا الاحلم بي . حسيت بي اخذ المشط من ايدي. وصار يمشط بشعري .
.
دهام . شبيج حبيبتي .ليش هيج عيونج صارت .
.
حجيت وياها. وكامت تبجي . فريتها علية وكعدت قرفصت كدامها. ولزمت اديها الثنين .
.
لايبوية لا . لا تبجين كليلي شبيج . ماريد تنزل دمعة من عينج صدكيني تنزل روحي وياهن .