مِن أينَ أنا وَ مِن أينَ أنتَ

الحلقة ٤١

من أين أنا ومن أين أنت
.
بارت ٤١
.
روز علي . rose_____ali .
.
يسعد يومكم . قراءة ممتعة لكم ..

"مَالي أرى فِي عُيونِ الناس عَيناهُ
‏مالي أرى حيثُ ما أمضي مُحياهُ؟
‏أإختار سَكنًا لهُ في وَسط أعيُنِهم؟
‏أم أصبح الخلقُ للمَعشوقِ أشباهُ؟"

الدرس الاول
أجمل الخيارات.  شخص تحبه ويحبك ..
ولكن اذا كان عليك أن تختار بين من تحبه وبين من يحبك . أختر من يحبك . وعلم قلبك أن يحبه .
.

الدرس الثاني .  الحب من طرف واحد ذلة ...
..
واستمر حديثي اني وديلان عن ايامي الماضية الي عمرها ما راح تنمسح اثارها بداخلي .

بالشتا جنت ابيع باجلا  ولبلبي . وحلاوة شعرية تسويهن امي بجدورة وتخلي  جولة بالعربانة  تخلي الجداري عليها جانت هي تطلع الصبح واني وياها اخذ كتبي وجنطتي .وهدومي مال مدرسة .  ونوكف بشارع المدارس . الي بي متوسطة واعدادية .  لان من يطلعون او من يفوتون للمدرسة يشترون وياكلون .  جانت تطلع ولابسة بوشية حتى محد يعرفها .   جانت الله يرحمها بالشتا ما تقبل وحدي لان تخاف لا احترك . فأنه  ابيع وهي تكعد بصفي . الى ان يصير  وقت دوام الظهري اغسل  وابدل بالشارع واخذ جنطتي واروح لان اكثر المرات اني اقر بالشارع .
بس الصبح هي تسويلي لفة. وتطلع قبلي . انه ابدل  واخذ جنطتي واقفل الباب واروح للمدرسة من اطلع اروح عليها يم العربانة . نكمل ونسوك ونرجع للبيت .
.
كضت حياتنة هيج . وصرت صف ثالث ابتدائي . واستمرينة بشغلنة . بالشتا اني وامي وبالصيف وحدي . بس كامت امي تشتغل بعد تسف مكانيس بالليل . وتخبز للعالم  العصر .

صرت صف سادس ابتدائي واحنة هذا وضعنة جانت فكرتنة نلم فلوس ونشتري  محل . امي بهالفترة افضل شي سوتة انه ما جمعت بالبيت . جانت تجمع يم وحدة جوارينة مرا امينة كلش. وعلوية وصاحبة حظ وبخت . . .
.
بليلة من الليالي بعد ما كملت شغل . رجعت للبيت . جان البيت اظلم وهدوء  مدري وين رايحين  مادري جانو نايمين .. جنة اول منفوت ممر . وقبل نسمي المجاز .  يوصلني للحوش  الجوة . اول ما فتت سمعت امي تعيط . وتصيح . طبيت اركض للبيت وجانت صدمة عمري . شفت عمي فوك امي  .. وامي تدفع بي بقوتها  وتدعي علية .   شافتني مصدوم كدامها  وفاك عيوني كامت تصيح يمة وليدي . بس جنت اشوف الرعب بوجه امي  ودموعها . وكل هذا وعمي يرجع  عليها. ما تحملت  ورحت اخذت سجين من المطبخ  ورحت ع عمي وطعنتة بسجين بطنة .  وكع عمي . خوف امي بذيج اللحظة ما ينوصف واني واكف متصنم بمكاني . بين ما خلت امي وصلة ع الجرح   كامت تعيط امي ع عمي محمود  . اجوي . بلحظة  كلهم .  مين و وين جانو مادري

.
والي اكتشفتة بعدين عمامي وعمي ضياء  ومرت عمي ضياء متفقين هيج يسون حتى يهددون امي وتخاف وتتنازل ع ورث ابوية . عمي ضياء جان سكران .  وامي جانت سبعة.  وانة جنت فطن وما خفت  منهم .  امي بليلتها خافت لا تصير سالفة عليها . بس انه مو صغير حتى يضحكون بعقلي  جنت صف سادس . بس الي يشوفني ما يكول سادس . يكول اكبر.  لان خشن